Luku 5:34 - Bibeli do fee

³⁴ Ŋɔi Jesu í bee ŋa í ni, aa yɔkɔ i jɔ̀ kpaasii mɔkɔ titɔ̃ ŋa a dĩ anu si waati iyi mɔkɔ titɔ̃u í wa inɔ nŋa?

Luku 5:34 Iomraidhean Croise

Iri ku kɔ̃ iyi í dɔ̃ í re 5:8

Iŋɛ mudɛ̃ɛi Zeruzalɛmu ŋa, ǹ wa n tɔɔ ŋɛi ntɔ ntɔ, bii ì yɛ inɛ iyi ǹ biu ŋa, i sɔ̃ɔ iyi kubiɛ í jɔ̀ ǹ wa n ce bɔ̃ɔ.

Iri ku kɔ̃ iyi í dɔ̃ í re 6:1

hee iwoi inɛ iyi ì biu í bɔ awɔ iyi ì re inaabo ŋa fei do kusĩa. Do ikpa iwoi í nɛ. Aa ka bɔ ku baɛ ku dɛdɛɛ.

Ezai 54:5

Ntɔ ntɔ, inɛ iyi í takaɛ, lafɛ̃ɛi í jɛ mɔkɔɛ. Iriɛi í jɛ Aɔ̃ Lafɛ̃ɛi lele do ilɛ. Nŋui í jɛ woo yaɛ, nɔ nŋui í jɛ Inɛ Kumái Izirɛli. Nŋui à ya kpe Ilaaɔ̃ Lafɛ̃ɛi ilɛu fei.

Ezai 62:5

Ntɔ ntɔ, bɛi awaasũ í ya ce abɔdɔ̃ do mudɛ̃ɛ, bɛɛbɛ mɔi inɛ iyi í teese wa maɛui á jɛ mɔkɔɛ. Nɔ yaase bɛi mudɛ̃ɛ iyi í nɛ awaasũ í ya jɔ̀ awaasũu ku maa nɛ inɔ didɔ̃, bɛɛbɛi awɔ mɔ aa jɔ̀ inɔi Aɔ̃ Lafɛ̃ɛɛ ku maa dɔ̃.

Sofoni 3:17

Aɔ̃ Lafɛ̃ɛɛ í wa bi tɛɛ, nɔ nŋui í jɛ woo ja igũ iyi á faabaɛ. Á wɛɛò inɔ didɔ̃ nla nlai na iriɛ. Kubiɛui á jɔ̀ i ba kuwɛɛ titɔ̃. Á ya dɔ̃ anui do inɔ didɔ̃ na iriɛ.

Matie 22:2

i gbɔ faaji gɔ iyi wa nyisi ŋɛ bɛi bommai Ilaaɔ̃ í yɛ. Ilaalu gɔ wa cea ama inɛmɔkɔɛ abɔdɔ̃,

Matie 9:15

Nɔ Jesu í jɛ nŋa í ni, kpaasii mɔkɔ titɔ̃ ŋa aa nɛ inɔ kufɔ gɔ waati iyi mɔkɔ titɔ̃u í wa inɔ nŋai? Aawo, amma ajɔ gɔ wa naa iyi aa nya mɔkɔ titɔ̃u hai si inɔ nŋa. Waati bɛɛbɛi aa dĩ anu.

Luku 5:33

Ŋɔi inɛ ŋau à bee Jesu má à ni, bɛirei í ce mɔcɔi Zãa woo dasi inyiu do ti Farisi ŋa à ya dĩ anu a maa ceò kutɔɔ, nɔ wee mɔcɔɛ ŋa a ci ya dĩ anu. À ya maa jɛi nɔ a maa mɔ.

Luku 5:35

Amma ajɔ wa naa iyi aa nya mɔkɔ titɔ̃u hai si inɔ nŋa. Waati bɛɛbɛi aa dĩ anu.

Laabaau jiida iyi Zãa í kɔ 3:29

Inɛ iyi í nɛ abo titɔ̃ nŋui í jɛ mɔkɔ titɔ̃, mà irei. Amma kpaasii mɔkɔ titɔ̃u, inɛ nŋu á leekĩi ku maa gbɔ. Nŋu mɔ í ya nɛ inɔ didɔ̃ ntɔ ntɔ waati iyi í gbɔ imui mɔkɔ titɔ̃u. Na ŋɔi í jɔ̀ nsɛi amu takam inɔ didɔ̃m í kɔ̃.

Kɔrɛnti 2, 11:2

Ǹ wa n ce igu iyi wa naa hai bi Ilaaɔ̃ na iri nŋɛ, domi ì yɛ ŋai bɛi mudɛ̃ɛ iyi ǹ mua mɔkɔ akã. Mɔkɔui í jɛ Kirisi nɔ ǹ bi n kooò ŋɛ bi tɛɛi bɛi mudɛ̃ɛ iyi kù mà mɔkɔ.