Luku 5:32 - Bibeli do fee

³² Bɛɛbɛ mɔi n kù naa ku kpe inɛ dee dee ŋa, amma ilu dulum ŋai ǹ naa ku kpe a kpaasi idɔ nŋa.

Luku 5:32 Iomraidhean Croise

Ezai 57:15

Ntɔ ntɔ inɛ iyi í wa hee lele feiu, nŋu iyi kuwɛɛɛ kù nɛ kɔɔ, nɔ iriɛ í máu í fɔ í ni, lele bii í mái ǹ wa amma ǹ nyi ǹ wa bi inɛ ŋa iyi à waa taa gbugbã nɔ à waa ba wahala ku ba n dede ŋa nɔ n mu nŋa gbugbã.

Matie 18:10

Jesu í sɔ̃ ŋa má í ni, i ce laakai i maà donda baa inɛ akãi amu ŋau ŋa. Ntɔ ntɔ ǹ wa n sɔ̃ ŋɛi, amaleka woo degbe nŋa ŋa à ya maa leekĩi ajɔ fei si wajui Baam iyi í wa lele. [

Matie 9:13

Ǹ wa n sɔ̃ ŋɛi, n kù naa ku kpe inɛ dee dee ŋa, amma ilu dulum ŋai ǹ naa ku kpe. I koo i bee yaasei kukɔu iyi í ni, Ilaaɔ̃ í ni, ǹ bi i ce araarei njɛ ŋa i re i ceem kuwee.

Maaku 15:10

Í fɔ bɛɛbɛi si na iyi í jɔ̀ wa mà sãa sãa iyi na igui í jɔ̀ inɛ ngboi woo weei Ilaaɔ̃ ŋau à daa nŋu Jesu si awɔ.

Maaku 15:7

Wee inɛ gɔ í wa ile piisɔ̃ɔ bɛ do kpaasiɛ ŋa si na iyi í jɔ̀ à kpa inɛ gɔ si waatii ide ku kɔ̀ nŋa. Iriɛi Barabasi.

Maaku 2:17

Iyi Jesu í gbɔ bɛɛbɛ, ŋɔi í sɔ̃ ŋa í ni, ilu baani ŋa a kù nɛ bukaatai ilu iwɔ bii kù jɛ bɔ̃ɔ ŋa. Bɛɛbɛ mɔi n kù naa ku kpe inɛ dee dee ŋa, amma ilu dulum ŋai ǹ naa ku kpe.

Luku 15:10

Bɛɛbɛ mɔi ǹ wa n sɔ̃ ŋɛ, amalekai Ilaaɔ̃ ŋa à ya wɛɛò inɔ didɔ̃ na ilu dulum akã iyi í kpaasi idɔ.

Luku 15:7

Ŋɔi Jesu í ni, bɛɛbɛ mɔi ǹ wa n sɔ̃ ŋɛ, inɔ didɔ̃i inɛi lele ŋa á la na ilu dulum akã iyi í kpaasi idɔ ku re inɛ dee dee cĩɔ fakã kù wa si iyi a kù nɛ bukaatai idɔ ku kpaasi.

Luku 19:10

Amu Amai Amanɛ ǹ naa ku dɛdɛ inɛ ŋa iyi à nyɔi n faaba ŋa.

Luku 24:47

Nɔ aa waazo do irim si dimi fei, aa sintii hai Zeruzalɛmu. Aa waazo a kpe inɛ ŋa a kpaasi idɔ nɔ Ilaaɔ̃ ku kpa idei dulum du ŋa.

Luku 5:31

Iyi Jesu í gbɔ bɛɛbɛ ŋɔi í jɛ nŋa í ni, ilu baani ŋa a kù nɛ bukaatai ilu iwɔ bii kù jɛ bɔ̃ɔ ŋa.

Luku 5:33

Ŋɔi inɛ ŋau à bee Jesu má à ni, bɛirei í ce mɔcɔi Zãa woo dasi inyiu do ti Farisi ŋa à ya dĩ anu a maa ceò kutɔɔ, nɔ wee mɔcɔɛ ŋa a ci ya dĩ anu. À ya maa jɛi nɔ a maa mɔ.

Woo bɛ ŋa 17:30

Ilaaɔ̃ í temuaò amanɛ ŋa wo si kumà hai mà nŋa, amma nsɛi wa sɔ̃ inɛ ŋa tengi bii à wa fei a kpaasi idɔ nŋa.

Woo bɛ ŋa 2:38

Ŋɔi Piɛɛ í sɔ̃ ŋa í ni, iŋɛ fei i kpaasi idɔ nŋɛ i jɔ̀ a dasi ŋɛ inyi do irii Jesu Kirisi ku ba Ilaaɔ̃ ku kpa idei dulum du ŋɛ, nɔ aa ba amuai Ilaaɔ̃ má ŋa iyi í jɛ Hundeɛ.

Woo bɛ ŋa 20:21

Ǹ sɔ̃ Zuifu ŋa do hai jɛ Zuifu ŋa ǹ ni a kpaasi idɔ nŋa a sinda si Ilaaɔ̃ a dasi Lafɛ̃ɛ nwa Jesu naanɛ.

Woo bɛ ŋa 3:19

Na nŋu, i kpaasi idɔ nŋɛ i sinda si Ilaaɔ̃ ŋa ku ba ku kpa idei dulum du ŋɛ.

Woo bɛ ŋa 3:26

Bɛɛbɛi Ilaaɔ̃ í jɔ̀ woo ce icɛɛ í fita hai bi tu ŋɛ nɔ í bɔɔ wai ku ba ku wee nŋɛ ku ba iŋɛ fei i sinda i jɔ̀ laalɔ ku ce nŋɛ.

Woo bɛ ŋa 5:31

Ŋɔi Ilaaɔ̃ í soo lele í jilɔɔ awɔ njɛɛ ku jɛ ilaalu do Woo faaba nɔ ku muaò inɛi Izirɛli ŋa kpãa a kpaasi idɔ ku ba ku kpa dulum du ŋa.

Piɛɛ 2, 3:9

Aɔ̃ Lafɛ̃ɛ ci ya jɔ̀ idei kuwãɛ iyi í jilɛu ku kpɛ ideu ku kɔ̃ò si bɛi inɛ gɔ ŋa à waa tamaa. Amma wa temua nŋɛi, domi kù bi baa inɛ akã ku ce nfe. Í bi mɔm ku jɛ inɛ fei ku kpaasi idɔ.