Luku 5:26 - Bibeli do fee

²⁶ Ŋɔi aŋa fei à biti à waa saabu Ilaaɔ̃. Njo í bɛi wa mu ŋa à waa ni, à yɛ mii maamaake nnyi.

Luku 5:26 Iomraidhean Croise

Zeremi 33:9

Waati bɛɛbɛi, an nɛ inɔ didɔ̃ si iluu, nɔ iluu á jɔ̀ n nɛ bɛɛrɛ nɔ ku jɛɛm bɛi booda si andunya fei waati iyi inɛi andunya ŋau aa gbɔ mii jiida ŋa iyi an cea fei. Inɛi andunya ŋau aa maa yaya do zigiida, nɔ aa wɛɛò biti si gãmɛi didɔ̃ iyi an ce nŋa do laakai ku sũ iyi an jɔ̀ a nɛ fei.

Ozee 3:5

Si anyiɛ, inɛi Izirɛli ŋau aa sinda a nyi wa, nɔ aa maa dɛdɛ Aɔ̃ Lafɛ̃ɛ do ilaalu nŋa iyi à bí si dimii Davidiu. Si zigiida nŋau, aa maai si Aɔ̃ Lafɛ̃ɛ wa nɔ aa maai si jiida ku jɛɛ si waati ŋa iyi wa mɔsi do waju.

Matie 12:23

Nɔ zamaau fei í biti à waa ni, debɛi, á jɛ tɔkui Davidiu mbɛ.

Matie 28:8

Ŋɔi à sinda ńya ńya hai bi balɛu do njo. Nɔ baa do iyi à waa ce njo fei à nɛ inɔ didɔ̃ nla nla má. Ŋɔi à sɛi à koo à sɔ̃ mɔcɔɛ ŋa laabaauu.

Matie 9:8

Wee inɛ nkpɔ nkpɔi í wa bɛ. Iyi à yɔɔ bɛɛbɛ ŋɔi njo í mu ŋa à waa saabu Ilaaɔ̃ do iyi í na amanɛ dimii yiikou bɛ.

Maaku 2:12

Ŋɔi gbakã wɛɛgɛu í dede í so makɛɛɛ í nɛ wa fita hai inɔ kpasɛ̃u. Fei ndɛɛ í cei si wajui inɛ ŋa hee í mu aŋa fei biti. Nɔ à saabu Ilaaɔ̃ à waa ni aŋa a kù yɛ dimiɛ ajɔ kãma.

Luku 1:65

Ŋɔi njo í mu hee do inɛ ŋa iyi à wa amɛɛ amɛɛ fei. Nɔ si ilɛɛkoi geetei Zudee ŋa fei inɛ ŋa à wasi ku ce faajii ideu.

Luku 5:8

Iyi Simɔɔ Piɛɛ í yɛ mii nɔu í ce bɛɛbɛ ŋɔi í koo í gulɛ si wajui Jesu í ni, Lafɛ̃ɛ, tɛkɛɛ hai bi tom, domi amu ilu dulum nii.

Luku 7:16

Ŋɔi njo í mu aŋa fei, nɔ à saabu Ilaaɔ̃ à waa ni, walii ilu gbugbãi í naa si wa. Nɔ à waa ni má, Ilaaɔ̃ í naa bi inɛɛ ŋa ku ba ku sobi ŋa.

Luku 8:37

Ŋɔi inɛi ilɛi Zerazee ŋa fei à tɔɔ Jesu suuru à ni ku nɛ hai bɛ, domi njo í mu ŋa ntɔ ntɔ. Nɔ Jesu í lɔ akɔi inyiu wa bi ku nɛ.

Woo bɛ ŋa 4:21

Ŋɔi à gbagba si ŋa má ntɔ ntɔ à bɛi à jɔ̀ ŋa. A kù ba yaase bɛi aa ce a fa itĩ nŋa si na iyi í jɔ̀ inɛ fei wa saabu Ilaaɔ̃ do mii iyi í ceu,

Galati 1:24

Nɔ à saabu Ilaaɔ̃ na irim.