Luku 5:22 - Bibeli do fee

²² Amma Jesu í mà lasabui idɔ nŋa, ŋɔi í bee ŋa í ni, na mii í jɔ̀ ì waa ce dimii lasabu bɛɛbɛ si idɔ nŋɛ ŋa.

Luku 5:22 Iomraidhean Croise

Bomma 1, 28:9

Nɔ awɔ mɔ amam Salomɔɔ, jɔ̀ i mà Aɔ̃ Lafɛ̃ɛi baaɛ. Jɔ̀ i tɔɔɛ do inɔ akã, do lasabu jiida, domi Aɔ̃ Lafɛ̃ɛ wa yɛ idɔi amanɛ ŋa nɔ í ya wusɛ idɔɛ ku mà lasabuɛ ŋa fei. Bii ì waa dɛdɛɛ, á jɔ̀ i yɔɔ. Amma bii ì kɔ̀siɛ á fũsiɛ awɔi hee do ajɔ fei.

Iri ku kɔ̃ 139:2

Ì mà waati iyi ǹ wa n buba walakɔ ǹ dede ǹ leekĩ. Ì mà lasabum ŋa baa hai jĩijĩ.

Mɔnda ŋa 15:26

Aɔ̃ Lafɛ̃ɛ í cé lasabu laalɔ ŋa, amma í bi ide didɔ̃ iyi í maaju.

Ezai 66:18

Ŋɔi Aɔ̃ Lafɛ̃ɛ í ni má, amu ǹ mà kuce nŋa do lasabu nŋa. Waati í to mbɛ bɛi bii an tɔtɔɔ inɛi ilɛ ŋa fei do fee ŋa fei. Aa naa, nɔ aa yɛ amboem.

Ezekiɛli 38:10

Amu Aɔ̃ Lafɛ̃ɛ ǹ ni, bii awaatiu bɛ í to wa, lasabu nkpɔ nkpɔi á naa siɛ, nɔ mii iyi aa dasi idɔ ku ce, kaa jɛ jiida.

Matie 12:15

Amma Jesu í mà si ŋa nɔ í nɛ hai bɛ. Waati iyi Jesu wa nɛ, zamaa nla nla gɔ í tooɛ. Nɔ í jɔ̀ bɔ̃ɔ ŋa fei à ba iri.

Matie 12:25

Si bɛi Jesu í mà lasabu nŋa, ŋɔi í sɔ̃ ŋa í ni, bomma iyi inɛɛ ŋa à waa ja aŋa duusɔ̃ɔ á na ku gbe ngbɛ. Bɛɛbɛ mɔi ilu walakɔ kpasɛ̃ gɔ iyi inɛɛ ŋa à waa ja aŋa duusɔ̃ɔ kaa na ku kpɛ.

Matie 9:4

Jesu í bɛi í mà ide iyi à waa lasabu. Ŋɔi í ni, na mii í ce ì waa ce lasabu laalɔ bɛɛbɛ ŋa.

Maaku 8:17

Wee Jesu í mà iyi à waa fɔ ŋɔi í ni, na mii í ce ì fɔ ì waa ni ŋa, si na iyi í jɔ̀ a kù nɛ pɛ̃ɛi. Iŋɛ mɔ i kù mà ŋa hee nsɛi? I kù gbɔ yaasei ideu ŋai? I kù nɛ bisi ŋai? Idɔ nŋɛ mɔ í lei?

Luku 24:38

Ŋɔi í bee ŋa í ni, mii í ce ì waa biti ŋa. Na mii í ce dimii lasabuu ihɛ̃ í wa si idɔ nŋɛ.

Luku 5:21

Woo kɔ inɛ ŋa si wooda do Farisi ŋa à wasi ku bee ara nŋa ide à waa ni, yooi inɛɛu ihɛ̃ í jɛ iyi wa bu Ilaaɔ̃. Yooi á yɔkɔ ku kpa idei dulum dii inɛ gɔ bii kù jɛ Ilaaɔ̃ nŋu akã.

Luku 5:23

Yoomai í faala í re, inɛ ku sɔ̃ inɛ gɔ ku ni ǹ kpa idei dulum dɛɛ, walakɔ ku ni ku dede ku nɛ.

Woo bɛ ŋa 5:3

Iyi í na ŋa fiau ŋɔi Piɛɛ í beeɛ í ni, Ananiasi, bɛirei í ce ì jɔ̀ Seetam í lɔ si idɔɛ hee ì waa sɔa Hundei Ilaaɔ̃ ibo nɔ ì jɔ̀ bubui fiai ikou ndɛɛ.

Ebɛɛ 4:12

Idei Ilaaɔ̃i í jɛ kuwɛɛ, í nɔ í nɛ gbugbã. Í dɔ̃ anu í re taakuba ilu andɛ minji. Í nɛ gbugbã iyi á yɔkɔ ku lɔò hee lɛlɛi idɔ ku fɛɛfɛ idɔi amanɛ do lasabuɛ, ikɔ̃i ara mɔ do lompi. Nɔ á wusɛ idɔɔbii amanɛ do lasabuɛ.

Kuyɛi Zãa 2:23

Si anyiɛ an kpa inɛi anyiɛ ŋa. Waati bɛɛbɛ igbɛi inɛi Jesu ŋa fei aa mà iyi ǹ mà idɔi inɛ ŋa do lasabu nŋa. An sãa inɛ fei si bɛi kookoosuɛ í to.