Luku 5:21 - Bibeli do fee

²¹ Woo kɔ inɛ ŋa si wooda do Farisi ŋa à wasi ku bee ara nŋa ide à waa ni, yooi inɛɛu ihɛ̃ í jɛ iyi wa bu Ilaaɔ̃. Yooi á yɔkɔ ku kpa idei dulum dii inɛ gɔ bii kù jɛ Ilaaɔ̃ nŋu akã.

Luku 5:21 Iomraidhean Croise

Iri ku kɔ̃ 103:3

Nŋui í ya ceem suurui kuraram ŋa fei. Nŋui í ya jɔ̀ n ba iri si bɔ̃ɔm ŋa fei.

Iri ku kɔ̃ 130:4

Amma awɔ ì ya cea inɛ ŋa suurui, ŋɔi í jɔ̀ í nɛ ka jirimaɛ.

Iri ku kɔ̃ 32:5

Ŋɔi ǹ jɔ̀ ì mà dulum dom nɔ n kù singaɛ kuraram, ǹ ni, an ce tuubai kuraram ŋa bi Aɔ̃ Lafɛ̃ɛ. Nɔ ì kpa kuraram ŋa do dulum dom ŋau. Kusĩmi.

Iri ku kɔ̃ 35:5

Jɔ̀ a yɛ bɛi fɔfɔ iyi fufu wa nɛò waati iyi amalekai awɔ Aɔ̃ Lafɛ̃ɛ wa lele ŋa.

Ezai 1:18

Aɔ̃ Lafɛ̃ɛ í ni, na nŋu, i naa wa ka busi njɛ ŋa. Bii dulum du ŋɛ ŋa à kpã bɛi njɛ, an jɔ̀ a fũuta pai pai bɛi iwu. Bii í nɔ í jɛ à yɛ bɛi bulam bulam nii, an jɔ̀ ku fũuta pai pai bɛi ikũ fũfũ.

Ezai 43:25

Amma amu, amu akãi ǹ jɛsi n ceɛ suurui ide kukɔ̀ɛ ŋau, nɔ n maà n ye gigii dulum dɛɛ ŋau má.

Ezai 44:22

Ǹ nya kuraraɛ ŋai bɛi kudũi ijĩ í ya nya, nɔ do yaase bɛɛbɛ mɔi ǹ nyaò dulum dɛɛ ŋa mɔ. Na nŋu, sinda i nyi wa bi titom, domi amui ǹ yaɛ.

Daniɛli 9:19

Lafɛ̃ɛ, gbɔ, Lafɛ̃ɛ, ce suuru. Lafɛ̃ɛ, sotĩ i gbɔ. Ce ngɔgɔ nɔ i maà jɔ̀ ku kpɛ na irii awɔ takaɛ. Ntɔ ntɔ, iluu ihɛ̃ do zamaaɛ fei, awɔi ì nɔɔ.

Daniɛli 9:9

Ilaaɔ̃ Lafɛ̃ɛ nwa, awɔi ì ya ce araare do suuru, domi awa à ce ide ku kɔ̀ si wajuɛ.

Kuwee 24:16

Inɛ iyi í bu Aɔ̃ Lafɛ̃ɛ fei, zamaau á ta lafɛ̃ɛ kutai ku kpaa. Bii í yɔkɔ lafɛ̃ɛ ku jɛ inɛ njoo walakɔ ilu ide, á kui na irii Aɔ̃ Lafɛ̃ɛ iyi í buu.

Misee 7:19

Aa nyi i ce araare nwa má, i kaa kpã wa iju na kurara nwa ŋa má. Aa so dulum du wa ŋa fei i koo i nyɔ ŋai hee si inɔ tenku.

Matie 26:65

Ŋɔi woo wee nlau í ga ibɔɛ ku nyisiò idɔɔkɔ̃ɛ. Ŋɔi í ni, wa bu Ilaaɔ̃. A kù waa dɛ ilu sɛɛda kãma má. I gbɔ bɛi wa bu Ilaaɔ̃ ŋa.

Matie 9:3

Wee woo kɔ inɛ ŋa si wooda gɔ ŋa à wa bɛ. Iyi à gbɔ wa fɔ bɛɛbɛ ŋɔi à waa lasabu si idɔ nŋa à waa ni, inɛɛu ihɛ̃ wa bu Ilaaɔ̃i.

Luku 3:8

Na nŋu, i ce kookoosu jiida i nyisiò iyi ì kpaasi idɔ ŋa, nɔ i maà tamaa mà aa ba faaba ŋa si na iyi í jɔ̀ ì ya maa ni iŋɛ ì jɛ dimii Aburahamu ŋa. Ǹ wa n sɔ̃ ŋɛi, Ilaaɔ̃ á yɔkɔ ku so kuta ŋau ihɛ̃ ku ce ŋa dimii Aburahamu ŋa.

Luku 5:17

Ajɔ nŋu gɔ Jesu wa kɔ inɛ ŋa si cio. Wee Farisi do woo kɔ inɛ ŋa si wooda gɔ ŋa à waa buba bɛ. À naai hai Zeruzalɛmu do hai ilu ŋa iyi à wa ilɛi Zudee do ilɛi Galilee fei. Nɔ inɛ ŋa à waa yɛ gbugbãi Aɔ̃ Lafɛ̃ɛ waati iyi Jesu í jɔ̀ bɔ̃ɔ ŋa à waa ba iriu.

Luku 5:22

Amma Jesu í mà lasabui idɔ nŋa, ŋɔi í bee ŋa í ni, na mii í jɔ̀ ì waa ce dimii lasabu bɛɛbɛ si idɔ nŋɛ ŋa.

Luku 7:49

Inɛ ŋa iyi à waa jɛ aŋaò ŋau, à bee njɛ ide à waa ni, dimii amanɛ yoomai ihɛ̃ iyi á yɔkɔ ku kpa idei dulum dii amanɛ ŋa.

Laabaau jiida iyi Zãa í kɔ 10:33

Ŋɔi Zuifu ŋau à jɛaa à ni, a kù waa bi ka taɛ kuta na icɛ jiida ŋau, amma si na iyi í jɔ̀ ì waa bu Ilaaɔ̃i, domi awɔ amanɛi nɔ ì waa bi i ce araɛ Ilaaɔ̃.

Romu 8:33

Inɛ ŋa iyi Ilaaɔ̃ í cica, yooi á yɔkɔ ku yɛ taale nŋa má. Kù wɛɛ, domi Ilaaɔ̃i í ce ŋa dee dee.