Luku 5:20 - Bibeli do fee

²⁰ Iyi Jesu í yɛ naanɛ nŋa ŋɔi í sɔ̃ wɛɛgɛu í ni, mɔkɔɔyi, ǹ kpa idei dulum dɛɛ.

Luku 5:20 Iomraidhean Croise

Kusintii Andunya 22:12

Ŋɔi amalekau í ni, maà lu amau, maà ceaa ngɔgɔ, domi ǹ mà bɛbɛi iyi ì waa jirima Ilaaɔ̃, i kù kɔ̀ɔ ama akãɛu.

Ezai 38:17

Inɔ kufɔm nɔu í baa í kpaasi í jɛ laakai ku sũ. Awɔ ì ce araarem hee ì nyam wa hai si inɔ isai nfe ku ce, domi dulum dom ŋau fei, ì nyɔ ŋa do anyiɛ.

Matie 9:2

Ŋɔi inɛ gɔ ŋa à naa wɛɛgɛ gɔ wa, wa sũ si makɛɛ. Iyi Jesu í yɛ naanɛ ku dasi nŋau, nɔ í sɔ̃ wɛɛgɛu í ni, baakɔɔm, maà ce njo, ǹ kpa idei dulum dɛɛ.

Matie 9:5

Si ide minji ŋau ihɛ̃, yoomai kufɔɛ í faala í re, inɛ ku sɔ̃ inɛ gɔ ku ni nŋu í kpa idei dulum dɛɛ, walakɔ ku ni ku dede ku nɛ.

Maaku 2:5

Iyi Jesu í yɛ naanɛi inɛ ŋau ŋɔi í sɔ̃ wɛɛgɛu í ni, baakɔɔm, ǹ kpa idei dulum dɛɛ.

Luku 7:48

Ŋɔi í sɔ̃ abou í ni, à kpa idei dulum dɛɛ.

Laabaau jiida iyi Zãa í kɔ 2:25

Kù bee hee a sisia nŋu daai amanɛ domi nŋu takaɛ í mà mii iyi í wa si idɔi amanɛ fei sãa sãa.

Laabaau jiida iyi Zãa í kɔ 5:14

Iyi í ce sãa ŋɔi Jesu í yɔɔ bantumai kpasɛ̃i Ilaaɔ̃ nɔ í sɔ̃ɔ í ni, wee ì ba iri bɛbɛi. To, maà ce dulum má ku ba laalɔ iyi í re bɛɛbɛ ku maà baɛ má.

Woo bɛ ŋa 11:23

Iyi í to bɛ í yɛ bɛi Ilaaɔ̃ í cea inɛ ŋau didɔ̃ nɔ inɔɛ í dɔ̃. Ŋɔi í mu nŋa gbugbã ku ba a leekĩ dim dim si Lafɛ̃ɛ do idɔ nŋa fei.

Woo bɛ ŋa 14:9

Si bɛi Pɔlu wa ba inɛ ŋa ide ku fɔ mɔkɔu wa gbɔ. Ŋɔi Pɔlu í kã siɛ iju nɔ í yɛ iyi naanɛɛ á yɔkɔ ku jɔ̀ ku ba iri.

Kɔrɛnti 2, 2:10

Inɛ iyi ì kpa idei kuraraɛ ŋa, amu mɔ ǹ kpaa mbɛ baa do iyi kù jɛ amui í raraa. Nɔ ideu iyi ǹ kpa, ǹ kpaai na iri nŋɛ si wajui Kirisi,

Kolosee 3:13

I ya yɔkɔò njɛ temua ŋa nɔ i ya kpa idei kurarai njɛ ŋa bii ide gɔ í lɔ si anini nŋɛ. Si bɛi Kirisi í kpa idei dulum du ŋɛ, iŋɛ mɔ i ya cea njɛ bɛɛbɛ ŋa.

Zaaki 2:18

Inɛ gɔ á yɔkɔ ku ni, inɛ ihɛ̃ í dasi naanɛ, inɛ ihɔ̃ mɔ wa ce kookoosuɛ. Amma amu an jɛaa n ni, nyisim naanɛ ku dasiɛ iyi kù jɛ do kookoosu, nɔ amu mɔ n nyisi naanɛ ku dasim do kookoosuɛ.