Luku 5:17 - Bibeli do fee

¹⁷ Ajɔ nŋu gɔ Jesu wa kɔ inɛ ŋa si cio. Wee Farisi do woo kɔ inɛ ŋa si wooda gɔ ŋa à waa buba bɛ. À naai hai Zeruzalɛmu do hai ilu ŋa iyi à wa ilɛi Zudee do ilɛi Galilee fei. Nɔ inɛ ŋa à waa yɛ gbugbãi Aɔ̃ Lafɛ̃ɛ waati iyi Jesu í jɔ̀ bɔ̃ɔ ŋa à waa ba iriu.

Luku 5:17 Iomraidhean Croise

Matie 11:5

Fɛɛju ŋa à waa yɛ ilu, woo sukutɛ ŋa à waa nɛ dee dee, dintɛ ŋa à ba iri à jɛ inɛ kumaaju, dekĩ ŋa à waa gbɔ ide, iku ŋa à jĩ, nɔ à waa sisia ilu are ŋa laabaau jiida.

Matie 15:1

Ŋɔi Farisi gɔ ŋa do woo kɔ inɛ ŋa si wooda gɔ ŋa à naa hai Zeruzalɛmu à bɔ bi Jesu à beeɛ à ni,

Maaku 1:45

Do nŋu fei inɛɛu, iyi í nɛ, í koo í wasi ku sisi ideu bantuma hee lele, ŋɔi í jɔ̀ Jesu kù yɔkɔ ku lɔ si inɔ ilu do gaaze má. Í ya maa mu araɛi angule si gbaa ŋa. Nɔ inɛ ŋa à ya maa koo bi tɛɛ bɛ hai bii fei.

Maaku 16:18

Aa mu njo ŋa do awɔ, nɔ baa bii à mɔ kɔ̃ɔtɛ̃ gɔ kaa ce nŋa ide kãma. Aa lesi bɔ̃ɔ ŋa awɔ nɔ a ba iri.

Maaku 3:22

Wee woo kɔ inɛ ŋa si wooda gɔ ŋa à wa bɛ iyi à naa hai Zeruzalɛmu. À ni, Bɛɛlizebu, waatɔ Seetam inɛ ngboi inɛi inɔɔko ŋai í wa siɛ. Nŋui í muaa gbugbã wa leleò inɛi inɔɔko ŋa.

Maaku 5:30

Ŋɔi Jesu í mà gbakã iyi gbugbã gɔ í fita hai si arai nŋu nɔ í sinda wa cɔ zamaau nɔ í ni, yooi í lu ibɔm.

Maaku 7:1

Ŋɔi Farisi ŋa do woo kɔ inɛ ŋa si wooda gɔgɔ ŋa à naa hai Zeruzalɛmu nɔ à tɔtɔɔ kɔkɔi Jesu.

Luku 15:2

Ŋɔi Farisi do woo kɔ inɛ ŋa si wooda ŋa à lɔsi ku gbagba à waa ni, mɔkɔu wa gba inɛ laalɔ ŋa nɔ aŋaò ŋa à tɔtɔɔ à waa jɛ.

Luku 2:46

Si ajɔ mɛɛtasia ŋɔi à yɔɔ bantumai kpasɛ̃i Ilaaɔ̃. Wa buba si aninii woo kɔ inɛ ŋa si wooda ŋa, wa gbɔ ide nŋa nɔ wa bee ŋa ide.

Luku 5:21

Woo kɔ inɛ ŋa si wooda do Farisi ŋa à wasi ku bee ara nŋa ide à waa ni, yooi inɛɛu ihɛ̃ í jɛ iyi wa bu Ilaaɔ̃. Yooi á yɔkɔ ku kpa idei dulum dii inɛ gɔ bii kù jɛ Ilaaɔ̃ nŋu akã.

Luku 5:30

Wee Farisi gɔ ŋa à wa bɛ do Farisi mmu gɔ ŋa iyi à jɛ woo kɔ inɛ ŋa si wooda ŋa. Aŋai à waa gbagba si mɔcɔi Jesu ŋau à waa ni, na mii í ce ì jɛ ì waa mɔ ŋa do woo gba fiai lɛmpoo do inɛ laalɔ ŋa.

Luku 6:19

Ŋɔi inɛ ŋau fei à waa dɛ ku luu, domi gbugbã nla nla í ya fita siɛ nɔ ku jɔ̀ aŋa fei a ba iri.

Luku 7:30

Amma Farisi ŋa do woo kɔ inɛ ŋa si wooda ŋa a kù jɛ Zãa ku dasi ŋa inyi. Bɛɛbɛ mɔi à kɔ̀si mii iyi Ilaaɔ̃ í dasi idɔ ku ce nŋa.

Luku 8:46

Amma Jesu í ni, ǹ mà iyi inɛ gɔ í lum kãm kãm si na iyi í jɔ̀ gbugbãm í ce icɛ.

Laabaau jiida iyi Zãa í kɔ 3:10

Ŋɔi Jesu í jɛaa í ni, awɔi ì waa kɔ inɛi Izirɛli ŋa si cio nɔ i kù mà yaasei ideu bɛ?

Laabaau jiida iyi Zãa í kɔ 3:21

Amma inɛ iyi wa too kpãai ntɔ í ya ce icɛɛ ŋai do idɔɔbii Ilaaɔ̃. Na ŋɔi í jɔ̀ á naa si inya kumá ku ba a yɛ mii iyi nŋu wa ce ti idɔɔbii Ilaaɔ̃i.

Woo bɛ ŋa 19:11

Ilaaɔ̃ í mua Pɔlu gbugbã ku ceò maamaake nla ŋa.

Woo bɛ ŋa 4:30

Nyisi gbugbãɛ ku ba maamaake ŋa ku ce nɔ inɛ ŋa a ba iri do saabui irii Jesu woo ce icɛ kumáɛu.

Woo bɛ ŋa 5:34

Amma inɛ akã nŋa iyi à ya kpe Gamaliɛli í dede í leekĩ si aninii woo kiiti ŋau í ni a nya woo bɛ ŋau wa titã. Gamaliɛliu Farisii wa jɛ do woo kɔ inɛ ŋa si wooda, nɔ í nɛ bɛɛrɛ ntɔ ntɔ bi inɛ fei.