Luku 5:12 - Bibeli do fee

¹² Si anyii nŋu Jesu í wa si ilu gɔ bɛ, nɔ mɔkɔ gɔ í naa bi tɛɛ. Mɔkɔu wa ce bɔ̃ɔi dintɛ ntɔ ntɔ. Iyi í yɛ Jesu ŋɔi í naa í sɛɛbata si wajuɛ í tɔɔɛ suuru í ni, Lafɛ̃ɛ, bii ì bi, aa yɔkɔ i jɔ̀ n ba iri n jɛ inɛ iyi í maaju.

Luku 5:12 Iomraidhean Croise

Kusintii Andunya 18:14

Ntɔ ntɔ ǹ wa n sɔ̃ɛi, nkãma kù wɛɛ iyi í gaabum. Adɔ̃ gɔ suku bɛi, an nyi wa ihɛ̃ n naa n ba Sara í nɛ ama inɛmɔkɔ.

Ilaalu 1, 18:39

Iyi zamaau fei í yɔɔ ŋɔi aŋa fei à sɛɛbata à wasi ku ni, Aɔ̃ Lafɛ̃ɛi í jɛ ntɔ, Aɔ̃ Lafɛ̃ɛi í jɛ ntɔ.

Ilaalu 2, 5:1

Naama inɛ ngboi soogei ilɛi Siri ŋau í nɛ bɛɛrɛ si wajui ilaalu nɔ ilaaluu í buu ntɔ ntɔ. Nɔ í jɛ ilu jirima nla nla, domi do saabuɛi Aɔ̃ Lafɛ̃ɛ í jɔ̀ inɛi Siri ŋa à jɛ igũ. Amma mɔkɔu do gbugbãɛ do kaasãanɛɛ fei wa ce bɔ̃ɔi batai ara.

Ilaalu 2, 5:27

Bɛbɛi siɛi bɔ̃ɔi batai arai Naamau á nyi wa do si tɔkuɛ ŋa hee do ajɔ fei. Ŋɔi Gehazi í fita hai bi Elizee, nɔ araɛ fei í bɔ waasu na bɔ̃ɔi batai arau.

Ilaalu 2, 7:3

Dintɛ mɛɛ gɔ ŋa à wa do alalai anu koofai iluu nɔ à sɔ̃ njɛ à waa ni, bɛirei í ce à wa ihɛ̃ à waa degbeò iku nwa.

Bomma 1, 21:16

Ŋɔi Davidi í yɛ iyi amalekai Aɔ̃ Lafɛ̃ɛ í wa aninii lele do ilɛ. Nɔ í yɔ taakuba wa muu si awɔ í too wa ikpa Zeruzalɛmu. Ŋɔi Davidi do inɛ ngbo ŋau à bii ara nŋa saaki à cuku à sɛɛbata.

Iri ku kɔ̃ 50:15

Kpem ajɔ iyi ì wa si inɔ kufɔ, an jɛɛ, n nyaɛ nɔ i mà bɛɛrɛm.

Iri ku kɔ̃ 91:15

Bii í kpem, an jɛaa, nɔ si waatii wahala, an wɛɛ do nŋu. An faabaɛ nɔ n jɔ̀ ku nɛ bɛɛrɛ.

Kufita 4:6

Ŋɔi í nyi í sɔ̃ɔ má í ni, lesi awɔɛ si gɛndɛɛ, nɔ í lesi awɔɛ si gɛndɛɛ, ŋɔi iyi í na í nyaa, bɔ̃ɔi dintɛ í bii awɔɛu fei. Awɔu í bɔ waasu.

Kuwee 13:16

Bii jujui arau í na í tã, lafɛ̃ɛ á nyi bi woo weeu mái,

Kuwee 9:24

Ŋɔi Aɔ̃ Lafɛ̃ɛ í jɔ̀ ina í dede nɔ í jo kuwee ŋa iyi à ya jo si ina fei sãa sãau do ikpoi iŋai kuwee mmu ŋau fei. Iyi inɛ ŋau fei à yɔɔ, ŋɔi à wasi ku dɔ̃ anu do inɔ didɔ̃, nɔ aŋa fei à sɛɛbata.

Matie 26:6

Jesu í wa Betani kpasɛ̃i Simɔɔ iyi í tako í ce bɔ̃ɔi dintɛu.

Matie 9:28

Ŋɔi Jesu í nɛ hee í to kpasɛ̃. Nɔ fɛɛju ŋau à naa bi tɛɛ nɔ í bee ŋa í ni, ì dasi naanɛ ŋa iyi an yɔkɔ n coo? Nɔ aŋa mɔ à ni, oo, Lafɛ̃ɛ.

Maaku 5:23

Ŋɔi í tɔɔɛ í ni, sobim, ama inaabom wa bi ku ku. Ǹ wa n tɔɔɛ, i naa i lesiɛ awɔ, nɔ ku ba iri ku maa wɛɛ baani.

Luku 17:16

Waati iyi í to wa bi Jesu nɔ í sɛɛbata si wajuɛ wa saabuɛ. Wee mɔkɔu inɛi Samarii.

Luku 5:13

Ŋɔi Jesu í yɔ awɔɛ í luu nɔ í ni, ǹ bi. Ba iri nɔ i jɛ inɛ kumaaju. Bɛ gbakã bɔ̃ɔi dintɛu í nya.

Wooda ku kɔsi 24:8

I ce laakai ŋa do iyi í jɛ idei bɔ̃ɔi batai ara. I ceò ikɔ ŋa iyi ǹ na inɛi Levii woo wee ŋa iyi aŋa mɔ aa na ŋɛu fei sãa sãa icɛ ŋa.

Ebɛɛ 7:25

Na nŋu á yɔkɔ ku faaba inɛ ŋa iyi à waa sɛkɛɛ si Ilaaɔ̃ do saabuɛ mam mam, domi í wɛɛi hee do ajɔ fei ku maa tɔɔ Ilaaɔ̃ na iri nŋa.

Zozue 5:14

Ŋɔi inɛɛu í jɛaa í ni, aawo, n kù jɛ ti kãma nŋɛ gɔ. Inɛ ngboi soogei Aɔ̃ Lafɛ̃ɛ ŋai ǹ jɛ, nɔ kutom wa mɔ mbɛ. Ŋɔi Zozue í sɛɛbata si wajui inɛɛu nɔ í sɔ̃ɔ í ni, amu woo ce icɛɛi, mii ì ni n ce.