Luku 5:11 - Bibeli do fee

¹¹ Ŋɔi à bɔò akɔi inyiu ice nɔ à jɔ̀ fei ndɛɛ à waa too Jesu.

Luku 5:11 Iomraidhean Croise

Matie 10:37

Inɛ iyi í bi baaɛ walakɔ iyeɛ í rem, lafɛ̃ɛ kù to ku jɛ inɛm. Bɛɛbɛ mɔi inɛ iyi í bi ama inɛmɔkɔɛ walakɔ ama inaaboɛ í rem, lafɛ̃ɛ kù to ku jɛ inɛm.

Matie 19:27

Ŋɔi Piɛɛ í sɔ̃ɔ í ni, wee à jɔ̀ mii fei tã à waa tooɛ. To, yoomai á na ku jɛ tu wa.

Matie 19:29

Nɔ inɛ baa yooma iyi í jɔ̀ kpasɛ̃ɛ wa, walakɔ igbã do ifɔɛ ŋa, walakɔ wecĩɛ ŋa, walakɔ baaɛ, walakɔ iyeɛ, walakɔ amaɛ ŋa, walakɔ ikoɛ ŋa na irim, á ba ribaɛ ikɔ cĩɔ, nɔ ku ba kuwɛɛ hai tã má.

Matie 4:20

Bɛ gbakã à jɔ̀ taao nŋa ŋa à tooɛ.

Matie 4:22

Bɛ gbakã aŋa mɔ à jɔ̀ akɔu do baa nŋa à waa tooɛ.

Maaku 10:21

Ŋɔi Jesu í cɔ inɛɛu do kubi nɔ í ni, í gbeɛ mii akã. Koo i ta mii iyi ì nɛ fei nɔ i kpɛ̃a ilu are ŋa fiau. Bii ì ce bɛɛbɛ aa ba amani jiida lelei Aɔ̃. Si anyiɛ nɔ i naa i toom.

Luku 5:28

Ŋɔi Levii í dede, í jɔ̀ mii ndɛɛ fei í tooɛ.