Luku 5:1 - Bibeli do fee

¹ Ajɔ nŋu gɔ Jesu wa leekĩ kɔkɔi tenku iyi à ya kpe Zenezarɛti, nɔ zamaa nla gɔ wa manteɛ ku ba a gbɔ idei Ilaaɔ̃.

Luku 5:1 Iomraidhean Croise

Kuka 34:11

Hai Sefamu bɛ, Ribulai á bɔ do ikpa nunui daakɔi Aini, nɔ ku too itĩi tenkui Kinerɛti wa do ikpa nunui daakɔ.

Matie 11:12

Hai waati iyi Zãa í sinti ku waazo hee do nsɛi fei bommai Ilaaɔ̃ wa bɔ wajui do gbugbã, nɔ ilu gbugbã ŋai à ya baa.

Matie 14:34

Iyi à kua, nɔ à to ilɛi Zenezarɛti.

Maaku 3:9

Ŋɔi í ni mɔcɔ ŋau a jilɛa nŋu akɔi inyi na bii zamaau í na wa manteɛ wa.

Maaku 4:1

Ŋɔi Jesu í lɔsi ku kɔ inɛ ŋa si cioi idei Ilaaɔ̃ má kɔkɔi tenkuu. Nɔ zamaa nla gɔ í naa í tɔtɔɔ siɛ í kaakoɛ, ŋɔi í jɔ̀ í gũ akɔi inyiu í buba. Akɔi inyiu í wa si tenkuu nɔ zamaau fei wa leekĩ itĩi tenkuu.

Maaku 5:24

Ŋɔi aŋaò Jesu à waa nɛ. Nɔ zamaa nla gɔ wa tooɛ hee à waa manteɛ.

Maaku 6:53

Iyi à kua tenkuu à tã ŋɔi à to ilɛi Zenezarɛti à koo à dĩ akɔ nŋa bi ku leekĩu.

Luku 12:1

Waati iyi Jesu wa fɔ bɛɛbɛ zamaa í tɔtɔɔ dubu nkpɔ nkpɔ hee à waa tɛɛsɛ njɛ. Ŋɔi Jesu í sɔ̃ mɔcɔɛ ŋa si wajui zamaau í ni, i ce laakaii ara nŋɛ ŋa do levɛ̃ɛi Farisi ŋa iyi í jɛ muafiti.

Luku 5:2

Nɔ í yɛ akɔi inyi minji itĩi tenkuu bɛ. Amma sɔɔkɔ ŋau à fita à waa wiɛ taao nŋa ŋa.

Luku 8:22

Ajɔ nŋu gɔ Jesu í lɔ akɔi inyi nŋu do mɔcɔɛ ŋa, nɔ í sɔ̃ ŋa í ni, ka kua tenkuu ka bɔ ice ikpa ihɔ̃. Nɔ à nɛ.

Luku 8:23

Si bɛi à waa nɛu, Jesu í sĩ njoo. Ŋɔi fufu nla gɔ í dede si tenkuu, nɔ inyi wa kɔ̃ akɔu. À wa si mbiisi.

Luku 8:33

Nɔ inɛi inɔɔko ŋau à fita hai si mɔkɔu, à koo à mu kuusɔɔ ŋau. Nɔ kuusɔɔ gaa ŋau à sɛi hai antaii iri kutau à dasi tenku nɔ inyiu í jɛ ŋa.

Luku 8:45

Nɔ Jesu í bee í ni, yooi í lum. Ŋɔi aŋa fei à waa jã, ŋɔi Piɛɛ í ni, Mɛɛtu, zamaaui í kaakoɛ wa manteɛ.

Laabaau jiida iyi Zãa í kɔ 1:40

Inɛ akãi amanɛ minji ŋa iyi à gbɔ idei Zãa nɔ à too Jesuu, nŋui í jɛ Anderee, ifɔi Simɔɔ Piɛɛ.

Laabaau jiida iyi Zãa í kɔ 6:1

Si anyii nŋu, jingaui Zuifu ŋa iyi à ya kpe Iku ku kuau í maai wa. Waati bɛɛbɛi Jesu í kua icei tenkui Galilee. Tenkuui à ya nyi a kpe Tiberia má. Ŋɔi zamaa nkpɔ wa tooɛ, domi à yɛ maamaake ŋa iyi í ya maa ce ku maa faabaò bɔ̃ɔ ŋa. Ŋɔi Jesu í gũ iri kuta gɔ í buba do mɔcɔɛ ŋa ajɔ.

Wooda ku kɔsi 3:17

Do nunui alɛ, kɔɔu í too lɔɔmai Zuudɛ̃ɛui hai tenku iyi à ya kpe Kinerɛti hee ku bɔ Tenku ku da Imuu nɔ í koo í faata si isɛi kutai Pisigaa ikpa nunui daakɔu.

Ebɛɛ 13:7

I ye gigii woo cuai tako nŋɛ ŋa, inɛ ŋa iyi à tako à sisi nŋɛ idei Ilaaɔ̃. I lasabuò aranfãani iyi kuwɛɛ nŋa í naaò wa, nɔ iŋɛ mɔ i sisi naanɛ ku dasi nŋa ŋa.

Zozue 12:3

Nŋui í nyi í nɛ hai lɔɔmau má hee ku bɔ ikpa tenkui Kinerɔti do ikpa nunui daakɔu hee ku koo si Tenku ku da Imu iyi í wa kɔkɔi Bɛti-Yesimɔti, do ilɛ iyi í wa ikpa awɔ cangai kpãai inunu kɔkɔi iri kuta gɔ iyi à ya kpe Pisigaa.

Zozue 13:27

Do ikpa lɔɔmai Zuudɛ̃ɛ má aŋai à nɛ ilui Bɛti-Haramu do Bɛti-Nimura do Sukɔtu do Safɔ̃ɔ. Ilu ŋau bɛ mbɔi ilɛi Sioni ilaalui Hɛsebɔ̃ɔi. Idoi Zuudɛ̃ɛui í jɛ kɔɔɛ hee ku bɔ kɔkɔi tenkui Kinerɔti do icei idou ikpa nunui daakɔ.