Luku 4:8 - Bibeli do fee

⁸ Nɔ Jesu í jɛaa í ni, kukɔi idei Ilaaɔ̃ í ni, Aɔ̃ Lafɛ̃ɛɛi aa gulɛa, nɔ nŋu akãi aa tɔɔ.

Luku 4:8 Iomraidhean Croise

Ilaalu 2, 19:15

Si anyii nŋu, ŋɔi Ezekiasi í tɔɔ Aɔ̃ Lafɛ̃ɛ í ni, Aɔ̃ Lafɛ̃ɛi lele do ilɛ, Aɔ̃ Lafɛ̃ɛi inɛi Izirɛli ŋa, awɔ iyi ì waa buba si antaii serubɛ̃ɛ ŋa, awɔ akãi ì jɛ Aɔ̃ Lafɛ̃ɛi bomma ŋa fei si ilɛu ihɛ̃. Awɔi ì taka lele do ilɛ.

Iri ku kɔ̃ 83:18

Jɔ̀ a dasi anyɔ do zigiida hee do ajɔ fei. Jɔ̀ a nyiò anyi nɔ a ce nfe.

Ezai 2:11

Waati bɛɛbɛ, inɛ iyi wa cɔ araɛ hee lele, á baaò ijuɛ wa ilɛi. Ilu faau mɔ í nɛ ku gulɛi, domi ajɔ nŋu bɛ, inɛ fei á jɛsi iyi Aɔ̃ Lafɛ̃ɛ nŋu akãi í jɛ inɛ nla.

Matie 16:23

Amma Jesu í sinda í sɔ̃ Piɛɛ í ni, sɛkɛɛ hai bi tom Seetam. Ì waa bi i jɛɛm bi ku koosɛ, domi i kù waa ce lasabui Ilaaɔ̃, í gbe ti amanɛ ŋa.

Matie 4:10

Nɔ Jesu í jɛaa í ni, sɛkɛɛ bɛ Seetam. Kukɔi idei Ilaaɔ̃ í ni, Aɔ̃ Lafɛ̃ɛɛi aa gulɛa, nɔ nŋu akãi aa tɔɔ.

Luku 4:4

Nɔ Jesu í jɛaa í ni, kukɔi idei Ilaaɔ̃ í ni, amanɛ ci ya wɛɛ na ijɛ nŋu akã.

Luku 4:7

Na nŋu, bii ì naa ì gulɛ si wajum, fei ndɛɛ á jɛ tɛɛ.

Wooda ku kɔsi 10:20

I jirima Aɔ̃ Lafɛ̃ɛ nŋɛ nɔ i ya ceaa icɛ ŋa. Nŋui aa bi ŋa nɔ i ya ce kugbasi do iriɛ ŋa.

Wooda ku kɔsi 6:13

Na nŋu, i jɔ̀ i mà bɛɛrɛi Aɔ̃ Lafɛ̃ɛ nŋɛ nɔ i ya gulɛ i tɔɔ nŋu akã ŋa, nɔ kugbasi iyi ì waa ce, i ya coo do iriɛ ŋa.

Zaaki 4:7

Na nŋu, i sũa Ilaaɔ̃ iri ilɛ. I kɔ̀si Seetam á sa nŋɛ ku jĩ.

Piɛɛ 1, 5:9

I kɔò ara nŋɛ si wajuɛ do naanɛ ku dasi nla nla domi ì mà ŋa kpaasi woo dasi Jesu naanɛ nŋɛ ŋa iyi à fangaa si andunya fei, ijuukpã dimi akãu bɛi à waa yɛ.

Kuyɛi Zãa 19:10

Ŋɔi ǹ sɛɛbata ku ba n tɔɔɛ, amma í ni, maà ce bɛɛbɛ. Amu mɔ woo ce icɛi bɛi awɔ do bɛi kpaasiɛ ŋa iyi à waa mu ide ntɔ iyi Jesu í nyisi wau. Tɔɔ Ilaaɔ̃. Ide ntɔ iyi Jesu í nyisi wau nŋui í jɛ icui idei walii fei.

Kuyɛi Zãa 22:9

Amma í sɔ̃m í ni, maà ce bɛɛbɛ. Amu mɔ woo ce icɛi bɛi awɔ do bɛi walii kpaasiɛ ŋa do bɛi inɛ ŋa iyi à waa jirima idei tiau ihɛ̃ fei. Tɔɔ Ilaaɔ̃.

Samuɛli 1, 7:3

Ŋɔi Samuɛli í sɔ̃ ŋa í ni, bii í jɛ do idɔ nŋɛ feii ì waa nyi wa bi Aɔ̃ Lafɛ̃ɛ ŋa, i jɔ̀ iwɛ̃ Asitaate ku tɔɔ ŋa do iwɛ̃ ŋa iyi à gbe fei. I sinda idɔ nŋɛ wa si Aɔ̃ Lafɛ̃ɛ nɔ i tɔɔ nŋu akã ŋa, nɔ ku nya ŋɛ hai si awɔi inɛi Filisi ŋa.