Luku 4:6 - Bibeli do fee

⁶ Nɔ í sɔ̃ɔ í ni, amboei bomma ŋau fei an muuɛ nɔ an jɔ̀ i nɛ yiiko si ŋa. Inɛ iyi ǹ bi, lafɛ̃ɛi an mua, si na iyi í jɔ̀ à nam nii.

Luku 4:6 Iomraidhean Croise

Ɛsitɛɛ 5:11

Ŋɔi Hamaa wa tɔɔ fufu si waju nŋa na amaniɛ ŋa iyi í nɛ do bɛi kukpɔi amaɛ ŋa í to do bɛi ilaaluu í jɔ̀ í nɛ bɛɛrɛ nla nla í re woo ce icɛ ŋau fei do akawe ŋau.

Ezai 23:9

Aɔ̃ Lafɛ̃ɛi lele do ilɛi í jilɛ ideu bɛ, ku ba ku kɛkɛ faaui inɛ ŋa iyi à bi mii iyi wa daana fei, nɔ ku kaye bɛɛrɛi inɛ ŋa iyi à nɛ bɛɛrɛ si andunyau ihɛ̃.

Ezai 5:14

Na ŋɔi í jɔ̀ bi kuwai iku ŋa í cĩ gamboɛ, nɔ í cuui nla nla. Ilu bɛɛrɛ ŋa do zamaai iluu fei, bɛi aa dasi si waatii jingau nŋau.

Luku 4:7

Na nŋu, bii ì naa ì gulɛ si wajum, fei ndɛɛ á jɛ tɛɛ.

Laabaau jiida iyi Zãa í kɔ 12:31

Nsɛi ajɔ í to wa mbɛ si bii Ilaaɔ̃ á kiiti inɛi andunya ŋa. Bɛbɛii aa lele Seetam ilaalui andunyau.

Laabaau jiida iyi Zãa í kɔ 14:30

N kaa n ba n sɔ̃ ŋɛ ide nkpɔ má si na iyi í jɔ̀ Seetam ilaalui andunyau wa naa, amma kù nɛ gbugbã kãma sim.

Laabaau jiida iyi Zãa í kɔ 8:44

Seetam nii í jɛ baa nŋɛ, nɔ ì waa bi i ce idɔɔbii baa nŋɛu. Hai sinte woo kpa inɛi. Kù waa leekĩ si kpãai ntɔ domi ntɔ kù wa siɛ. Bii wa sɔ ibo, í ya maa fɔi bɛi nŋu takaɛ í yɛ domi ilu iboi, nɔ baai ilu ibo feii.

Kɔrɛnti 2, 11:14

Nkãma kù wa bɛ iyi á biti inɛ, domi Seetam takaɛ á yɔkɔ ku kpaasi araɛ bɛi amalekai Ilaaɔ̃.

Efɛɛzu 2:2

Waati bɛɛbɛ, kpãa laalɔi inɛi andunya ŋai ì ya maa too si ŋa, nɔ ì ya maa jirima Seetam, ilaalui ilu gbugbãi lele ŋa. Ilaaluu nŋui í jɛ hunde iyi wa ce icɛ hee nsɛi si idɔi inɛ ŋa iyi a kù waa jirima idei Ilaaɔ̃.

Piɛɛ 1, 1:24

Kukɔi idei Ilaaɔ̃ wa fɔ í ni, inɛ fei í yɛi bɛi fɔfɔ, nɔ bɛɛrɛi inɛ fei í yɛi bɛi kokoi fɔfɔu. Fɔfɔ í ya gbɛ, nɔ kokoɛ ku wɔ.

Zãa 1, 5:19

À mà iyi à jɛ amai Ilaaɔ̃ ŋa, nɔ andunyau fei í wa si gbugbãi inɛ laalɔu.

Kuyɛi Zãa 12:9

Ŋɔi à nyɔ akandama nla nlau wa ilɛ. Akandamaui í jɛ njo iyi í wɛɛ hai tako. Nŋui à ya kpe woo yɛ taalei inɛ walakɔ Seetam. Nɔ nŋui í dĩ ijui inɛi andunya ŋa fei. À nyɔɔ wa ilɛ do amalekaɛ ŋa ajɔ.

Kuyɛi Zãa 13:2

Mɛɛmu iyi ǹ yɛu í gaabu bɛi muãa, nɔ kutɛɛ í nɛ gbugbã, nɔ gɛlɛɛ í yɛ bɛi ti muusu nla. Akandamau í so gbugbãi nŋu takaɛ í naa, do kitãi bommaɛ do yiiko nlaɛ.

Kuyɛi Zãa 13:7

À muaa kpãa ku ce igũ do inɛi Ilaaɔ̃ ŋa nɔ ku jɛ ŋa igũ. Nɔ à naa yiiko si dimi fei do fee fei do ilɛ baa yooma fei.