Luku 4:41 - Bibeli do fee

⁴¹ Inɛi inɔɔko ŋa mɔ à fita hai si inɛ nkpɔ, à dɔ̃ò anu à waa ni, awɔi ì jɛ Amai Ilaaɔ̃. Amma Jesu í la si ŋa nɔ wa ganji ŋa ide ku fɔ domi à mà iyi nŋuu inɛ iyi Ilaaɔ̃ í cicai.

Luku 4:41 Iomraidhean Croise

Matie 26:63

Amma Jesu wa cokoɛ. Ŋɔi woo wee nlau í sɔ̃ɔ í ni, do irii Ilaaɔ̃ nŋu iyi í wɛɛ, fɔ bii awɔ ì jɛ Amai Ilaaɔ̃ inɛ iyi Ilaaɔ̃ í cicaui.

Matie 4:3

Ŋɔi Seetam woo lɛlɛu, í naa siɛ í ni, bii awɔ Amai Ilaaɔ̃i do ntɔ, jɔ̀ kuta ŋau ihɛ̃ a kpɔò pɛ̃ɛ.

Matie 8:16

Iyi alɛ í lɛ, à naa Jesu inɛ ŋa iyi à nɛ inɛi inɔɔko ŋa wa nkpɔ nkpɔ. Nɔ í lele inɛi inɔɔko ŋau do ide ku fɔ, nɔ inɛ ŋa iyi à waa ce bɔ̃ɔ fei í jɔ̀ à ba iri.

Matie 8:29

Nɔ à dɔ̃ anu à ni, mii í wa si gãmɛi awaɛ ŋa, awɔ Amai Ilaaɔ̃. Ì naa ku kpã wa iju hai waatiu kù toi?

Matie 8:4

Nɔ Jesu í sɔ̃ɔ í ni, gbɔ, maà sɔ̃ inɛ gɔ ideu ihɛ̃, amma koo nyisi araɛ bi woo weei Ilaaɔ̃u, nɔ i ce kuwee iyi Moizi í jilɛu. Kuweeu bɛi á nyisi inɛ ŋa iyi ì jɛ inɛ iyi í má bɛbɛi.

Maaku 1:25

Ŋɔi Jesu í la siɛ í ni, coko, fita hai si mɔkɔu.

Maaku 1:32

Alɛ ajɔ nŋu iyi inunu í lɔ ŋɔi inɛ ŋa à naaa Jesu bɔ̃ɔ ŋa wa do inɛ ŋa iyi à nɛ inɛi inɔɔko ŋa fei.

Maaku 1:34

Í jɔ̀ inɛ nkpɔ í ba iri si bɔ̃ɔ ikã ikã ŋa, nɔ í lele inɛi inɔɔko nkpɔ nkpɔ. Amma ci ya jɛ inɛi inɔɔko ŋau a fɔ ide domi à màa.

Maaku 3:11

Nɔ bii inɛ ŋa iyi à nɛ inɛi inɔɔko ŋa à yɔɔ à ya na a gulɛ si wajuɛi a dɔ̃ anu a maa ni, awɔi ì jɛ Amai Ilaaɔ̃.

Luku 4:39

Ŋɔi í kɔmba si abou í la si ara gbãau nɔ í nya. Nɔ abou í dede gbakã í yaaɛ ŋa.

Laabaau jiida iyi Zãa í kɔ 20:31

Amma ide iyi ihɛ̃ ŋai à kɔ ku ba i dasi naanɛ ŋa iyi Jesui í jɛ Kirisi Amai Ilaaɔ̃ ku ba naanɛ iyi ì dasiɛ ŋau ku jɔ̀ i ba kuwɛɛ hai tã ŋa.

Zaaki 2:19

Kù jɛ ì dasi naanɛ iyi Ilaaɔ̃ akãi í wɛɛ? Í sĩa. Baa inɛi inɔɔko ŋa mɔ à mà bɛɛbɛ nɔ à waa yaya do njo.