Luku 4:35 - Bibeli do fee

³⁵ Ŋɔi Jesu í la siɛ í ni, coko, fita hai si mɔkɔu. Ŋɔi inɛi inɔɔkou í ta mɔkɔu ilɛ si anini nŋa, nɔ í fita siɛ, kù mɛɛ.

Luku 4:35 Iomraidhean Croise

Iri ku kɔ̃ 50:16

Aɔ̃ Lafɛ̃ɛ í sɔ̃ ilu inɔ kukã í ni, na mii í jɔ̀ aa maa fɔ idei woodam ŋa nɔ i maa fɔ do gɛlɛ iyi ì dĩ akabuu do amu,

Zakari 3:2

Aɔ̃ Lafɛ̃ɛ í sɔ̃ Seetam í ni, awɔ woo yɛ taalei inɛ ŋai awɔ Seetam. Amu Aɔ̃ Lafɛ̃ɛ an la siɛ ntɔ ntɔ, amu iyi ǹ cica Zeruzalɛmu. Inɛi Zeruzalɛmu ŋa à yɛi bɛi sɔmbɔ iyi à nya wa hai inɔ ina.

Matie 17:18

Nɔ à naa Jesu amau wa, ŋɔi í la si inɛi inɔɔko iyi í wa si amau nɔ í fita siɛ nɔ amau í ba faaba tengi bɛu bɛ.

Matie 8:26

Ŋɔi Jesu í sɔ̃ ŋa í ni, naanɛ ku dasi nŋɛ kù la. Na mii í ce ì jɔ̀ njo wa mu ŋɛ ŋa. Iyi í fɔ bɛɛbɛ í tã, ŋɔi í dede í la si inyiu do fufuu nɔ à coko sɔ̃m sɔ̃m.

Maaku 1:26

Ŋɔi inɛi inɔɔkou í dɔ̃ anu nla nla, í yayaɛ do gbugbã nɔ í fita siɛ.

Maaku 4:39

Iyi Jesu í jĩ, ŋɔi í la si fufuu, nɔ í sɔ̃ tenkuu í ni, í to bɛɛbɛ, i coko. Nɔ fufuu í leekĩ nɔ inyau í coko cau.

Maaku 9:26

Ŋɔi inɛi inɔɔkou í dɔ̃ anu nɔ í yaya amau do gbugbã í bɛi í fita. Ŋɔi amau í kasãm hee inɛ nkpɔ í ni í kui.

Luku 11:22

Amma bii ilu gbugbã gɔ mɔ iyi í roo í naa í kãmiaɛ, njɛ á ko jĩnɛi igũ iyi wa naanɛui fei nɔ ku ce ikpɛ̃i amaniu mɔ.

Luku 4:23

Nɔ Jesu í sɔ̃ ŋa í ni, kù nɛ sika aa kpaam mɔndau ihɛ̃ i ni ŋa, awɔ lokotoo, faaba araɛ. Ce si iluɛ ihɛ̃ mii ŋa iyi à gbɔ ì ce Kapɛranumu fei.

Luku 4:39

Ŋɔi í kɔmba si abou í la si ara gbãau nɔ í nya. Nɔ abou í dede gbakã í yaaɛ ŋa.

Luku 4:41

Inɛi inɔɔko ŋa mɔ à fita hai si inɛ nkpɔ, à dɔ̃ò anu à waa ni, awɔi ì jɛ Amai Ilaaɔ̃. Amma Jesu í la si ŋa nɔ wa ganji ŋa ide ku fɔ domi à mà iyi nŋuu inɛ iyi Ilaaɔ̃ í cicai.

Luku 8:24

Ŋɔi à sɛkɛɛ si Jesu à jũu à ni, Mɛɛtu, Mɛɛtu, à waa bɔ nfe ku ce. Ŋɔi Jesu í jĩ nɔ í la si fufuu do kutãngãm dii inyiu. Nɔ à dɛ̀ à coko sɔ̃m sɔ̃m.

Luku 9:39

domi inɛi inɔɔko gɔ í ya dede siɛi. Nɔ waati iyi í dede fei, anu akã amau í ya dɔ̃ anui. Nɔ inɛi inɔɔkou í ya gbugbãɛi jiida, nɔ ku jɔ̀ amau ku maa ce antɔ foko ku maa mɛɛ araɛ, nɔ kufitaɛ í ya gaabu.

Luku 9:42

Nɔ wa kooòɛ. Iyi í toɛ wa kɔkɔi Jesu ŋɔi inɛi inɔɔkou í kɛkɛɛ ilɛ í gbugbãɛ jiida. Amma Jesu í fɔ si inɛi inɔɔkou ide do gbugbã ŋɔi í fita nɔ amau í ba faaba. Nɔ Jesu í sindoa baaɛ.

Kuyɛi Zãa 12:12

Na nŋu, lele, jɔ̀ i wɛɛò inɔ didɔ̃, nɔ iŋɛ iyi ì wa lele, i wɛɛò inɔ didɔ̃ ŋa. Amma inɔ kufɔi í jɛ ti iŋɛ ilɛ do tenku domi Seetam í kita si ŋɛ wa do idɔɔkɔ̃ nla nla si na iyi í jɔ̀ í mà iyi waati keekei í gbea nŋu.