Luku 4:34 - Bibeli do fee

³⁴ mii í wa si gãmɛi awaɛ ŋa awɔ Jesu inɛi Nazarɛti. Ì naa ku kpa wai? Ǹ mà inɛ iyi ì jɛ. Awɔi ì jɛ Inɛ Kumá iyi Ilaaɔ̃ í bɛ wa.

Luku 4:34 Iomraidhean Croise

Kusintii Andunya 3:15

An dasi mbɛɛtɛ si gãmɛi awɔ do abou, do si dimiɛ hee do si dimii abou fei. Dimii abou á lɛgɛ iriɛ, nɔ awɔ mɔ aa mɛɛ cicĩisɛɛ.

Ilaalu 1, 17:18

Ŋɔi abou í sɔ̃ Elii í ni, mii í wa gãmɛi awaɛ, awɔ inɛi Ilaaɔ̃. Kù jɛ ì naa bi tom ku ba i ye Ilaaɔ̃ gigii dulum dom i kpaò amam nii?

Iri ku kɔ̃ 16:10

Aɔ̃ Lafɛ̃ɛ, i kaa jɔ̀ hundem bi kuwai iku ŋa, i kaa jɔ̀ amu woo ce icɛɛ n sãmi si inɔ balɛ.

Daniɛli 9:24

Adɔ̃ kitaò fɛɛwa ikɔ mɛɛjei à daa zamaaɛ do ilu kumáɛu ku ba a kpa irii wooda ku kua do dulum ŋau. Aa kpa kurara mɔi nɔ a naaò dee dee ku jɛ wa hee do ajɔ fei ku ba kuyɛ do idei walii ŋau a kɔ̃, nɔ a nya ile iyi í re do kumáu ikã.

Matie 8:29

Nɔ à dɔ̃ anu à ni, mii í wa si gãmɛi awaɛ ŋa, awɔ Amai Ilaaɔ̃. Ì naa ku kpã wa iju hai waatiu kù toi?

Maaku 1:24

mii í wa si gãmɛi awaɛ ŋa, awɔ Jesu inɛi Nazarɛti. Ì naa ku kpa wai? Ǹ mà inɛ iyi ì jɛ. Awɔi ì jɛ Inɛ Kumá iyi Ilaaɔ̃ í bɛ wa.

Maaku 1:34

Í jɔ̀ inɛ nkpɔ í ba iri si bɔ̃ɔ ikã ikã ŋa, nɔ í lele inɛi inɔɔko nkpɔ nkpɔ. Amma ci ya jɛ inɛi inɔɔko ŋau a fɔ ide domi à màa.

Maaku 5:7

Ŋɔi í dɔ̃ anu hee lele í ni, mii í wa gãmɛi awaɛ, Jesu, awɔ Amai Ilaaɔ̃. Ilaaɔ̃ í re fei, nɔ ǹ wa n tɔɔɛ do iriɛ, maà wahalam.

Luku 1:35

Ŋɔi amalekau í jɛaa í ni, Hundei Ilaaɔ̃i á naa siɛ, nɔ gbugbãɛ ku biiɛ bɛi jĩjĩ. Nŋui í jɔ̀ ama iyi aa na i bíu á jɛ inɛ kumá nɔ a kpoo Amai Ilaaɔ̃.

Luku 4:33

Wee mɔkɔ gɔ í wa ile bii Zuifu ŋa à ya ce kutɔtɔɔu bɛ í nɛ inɛi inɔɔko, ŋɔi í dɔ̃ anu hee lele í ni,

Luku 4:41

Inɛi inɔɔko ŋa mɔ à fita hai si inɛ nkpɔ, à dɔ̃ò anu à waa ni, awɔi ì jɛ Amai Ilaaɔ̃. Amma Jesu í la si ŋa nɔ wa ganji ŋa ide ku fɔ domi à mà iyi nŋuu inɛ iyi Ilaaɔ̃ í cicai.

Luku 8:37

Ŋɔi inɛi ilɛi Zerazee ŋa fei à tɔɔ Jesu suuru à ni ku nɛ hai bɛ, domi njo í mu ŋa ntɔ ntɔ. Nɔ Jesu í lɔ akɔi inyiu wa bi ku nɛ.

Woo bɛ ŋa 16:39

Ŋɔi à koo à tɔɔ ŋa suuru nɔ à nya ŋa hai ile piisɔ̃ɔu à bɛi à tɔɔ ŋa a fita hai inɔ iluu.

Woo bɛ ŋa 2:27

domi awɔ Ilaaɔ̃ i kaa jɔ̀ hundem bi kuwai iku ŋa. Bɛɛbɛ mɔi i kaa jɔ̀ arai amu Inɛ Kumáɛ ku sãmi.

Woo bɛ ŋa 3:14

Amma iŋɛi ì kɔ̀siɛ, nŋu iyi í jɛ Inɛ Kumá do Inɛ Dee Deeu nɔ ì tɔɔ Pilati ku jɔ̀ nŋɛ woo kpa inɛu si agbɛɛ ŋa.

Woo bɛ ŋa 4:27

Ilaaɔ̃ Baaba, ide iyi Davidi í fɔu bɛ ntɔi, domi Herodu do Pɔnsu Pilati à ce anu akã. À tɔtɔɔ do dimi mmu ŋa do inɛi Izirɛli ŋa si iluu ihɛ̃ à yɛ taalei Jesu woo ce icɛ kumáɛ iyi ì cica ì nyaa ikãu.

Ebɛɛ 2:14

Si bɛi amu ŋau à nɛ ara do njɛ, Jesu takaɛ í na í so ara bɛi aŋa mɔ. Í ce bɛɛbɛi ku ba na saabui ikuɛ ku kpa gbugbãi Seetam, nŋu iyi í nɛ gbugbãi iku wo,

Zaaki 2:19

Kù jɛ ì dasi naanɛ iyi Ilaaɔ̃ akãi í wɛɛ? Í sĩa. Baa inɛi inɔɔko ŋa mɔ à mà bɛɛbɛ nɔ à waa yaya do njo.

Zãa 1, 3:8

Inɛ iyi í ya maa mɔsi dulum ku ce, inɛi Seetam nii, domi hai sintei Seetam wa ce dulum. Na ŋɔi í jɔ̀ Jesu, amai Ilaaɔ̃, í naa ku kpaò icɛi Seetam.

Kuyɛi Zãa 20:2

Ŋɔi í bata akandama, njo iyi í wɛɛ hai tako tako, iyi í jɛ woo yɛ taalei inɛ do Seetam nɔu nɔ í dũu do seseeu hee adɔ̃ dubu.

Kuyɛi Zãa 3:7

Kirisi í ni má, kɔa amalekai igbɛi inɛm ŋa iyi í wa Filadɛɛfi. Kɔaa i ni, inɛ iyi í jɛ inɛ kumá do ilu ntɔ, iyi wa mu kileei ilaalu Davidi, nŋu iyi bii í cũu, inɛ gɔ kaa cĩmboɛ, bii í nɔ í cĩmboɛ, inɛ gɔ kaa cũu, nŋui í ni,