Luku 4:28 - Bibeli do fee

²⁸ Iyi Jesu í fɔ bɛɛbɛ í tã ŋɔi idɔi inɛ ŋa iyi à wa ile bii à ya ce kutɔtɔɔu bɛ fei í kɔ̃.

Luku 4:28 Iomraidhean Croise

Bomma 2, 16:10

Ŋɔi idɔɔkɔ̃i Aza í dede si waliiu, nɔ í jɔ̀ à muu piisɔ̃ɔ. Si waati akãu bɛ, Aza í taa inɛ gɔ ŋa gbugbã má si inɔi zamaau.

Zeremi 38:6

Ŋɔi sooge ŋau à so Zeremi à sɔsiɛ si inɔ lɔgɔ hai nɛ inyi gɔ iyi à ce iyi í jɛ ti Malikia amai ilaaluu. Tengi bii à dasiɛu í wai si bantuma bii sooge ŋa à ya maa degbeu. À dasi Zeremi si inɔ bɛi do ikũ. Amma inyi kãma kù wa si inɔɛ, pɔkɔdɔ dei í nɛ, nɔ Zeremi í mile si inɔ pɔkɔdɔu.

Matie 2:16

Ŋɔi ilaalu Herodu í yɛ iyi woo mà leleaɔ̃ ŋau à lɛlɛ nŋui, ŋɔi idɔɛ í kɔ̃ jiida jiida. Ŋɔi í ce dooi waati iyi woo mà ŋau à yɛ leleaɔ̃u í fita, ŋɔi í jɔ̀ à koo à kpa ama inɛmɔkɔ kpɔtɔɔ ŋa hee ku koo si do amai adɔ̃ minji ŋa fei si ilui Betelehɛmu do ilɛɛkoɛ ŋa fei.

Luku 4:27

Nɔ dintɛ nkpɔ mɔi í wɛɛ wo si ilɛi Izirɛli si waatii Elizee waliiu. Do nŋu fei, kù jɔ̀ gɔgɔ nŋa gɔ ku ba iri, bii kù jɛ Naama inɛi ilɛi Siriu.

Luku 4:29

Ŋɔi à dede à leleɛ hai inɔ iluu à bɔòɛ hee si antaii iri kuta si bii à ma ilu nŋa ku ba a taleɛ wa ilɛ.

Luku 6:11

Ŋɔi idɔ nŋa í kɔ̃, nɔ à waa busi njɛ bɛi aa cea Jesu.

Woo bɛ ŋa 5:33

Iyi à gbɔ ideu ŋɔi idɔ nŋa í kɔ̃ hee à waa bi a kpa ŋa.

Woo bɛ ŋa 7:54

Iyi inɛ ŋau à gbɔ ideu ŋɔi idɔ nŋa í kɔ̃ si Etiɛni hee à waa ŋɔ amaawɔ nŋa ŋa.