Luku 4:23 - Bibeli do fee

²³ Nɔ Jesu í sɔ̃ ŋa í ni, kù nɛ sika aa kpaam mɔndau ihɛ̃ i ni ŋa, awɔ lokotoo, faaba araɛ. Ce si iluɛ ihɛ̃ mii ŋa iyi à gbɔ ì ce Kapɛranumu fei.

Luku 4:23 Iomraidhean Croise

Matie 13:54

Í bɔ ilu bii í jɛ ama. Iyi í to bɛ í lɔsi ku kɔ inɛ ŋa si cio ile bii à ya maa ce kutɔtɔɔ hee inɛ ŋa iyi à waa gbɔ ideɛ ŋau à na à biti. Nɔ à waa ni, hai iwoi inɛɛu ihɛ̃ í ba dimii bisiu ihɛ̃ wa. Bɛirei í ce wa ceò dimii maamaake ŋau ihɛ̃.

Matie 4:13

Amma iyi í to Nazarɛti, kù buba bɛ, Kapɛranumui í koo í buba, ilu iyi í wa kɔkɔi tenku iyi à ya kpe Galilee, si ilɛi Zabulɔ̃ɔ do Nɛfitali.

Matie 4:23

Nɔ Jesu í dabii si ilɛi Galilee fei wa kɔ inɛ ŋa si cio ile bii Zuifu ŋa à ya ce kutɔtɔɔ nŋa ŋa, wa sisi nŋa laabaau jiida si bɛi Ilaaɔ̃ wa ce sɔɔlu ku na ku jɛ bommaɛ, nɔ í jɔ̀ inɛ ŋa à waa ba iri si bɔ̃ɔ dimi ikã ikã nŋa ŋa fei.

Maaku 6:1

Ŋɔi Jesu í nɛ hai kpasɛ̃i Zairusi bɛ í bɔ ilu bii í jɛ ama. Nɔ mɔcɔɛ ŋa à suu.

Luku 2:39

Waati iyi iyeò baai Jesu ŋa à tã mii ŋa iyi woodai Aɔ̃ Lafɛ̃ɛ í ni a ceu fei, ŋɔi à nyi Nazarɛti ilu nŋa si ilɛi Galilee.

Luku 2:51

Ŋɔi í too ŋa à nɛ Nazarɛti nɔ wa gbɔ ide nŋa. Wee iyeu wa mu ide ŋau bɛ fei si idɔɛ.

Luku 4:16

Nɔ Jesu í bɔ Nazarɛti ilu bii í jɛ amau. Ŋɔi si ajɔi kusĩmi í bɔ ile bii Zuifu ŋa à ya ce kutɔtɔɔu si bɛi í nɛ dɔ̃ɔnɛɛ. Ŋɔi í dede ku cio tia.

Luku 4:31

Nɔ Jesu í bɔ Kapɛranumu, ilui Galilee gɔ nɔ wa kɔ inɛ ŋa si cioi idei Ilaaɔ̃ si ajɔi kusĩmi.

Luku 4:35

Ŋɔi Jesu í la siɛ í ni, coko, fita hai si mɔkɔu. Ŋɔi inɛi inɔɔkou í ta mɔkɔu ilɛ si anini nŋa, nɔ í fita siɛ, kù mɛɛ.

Luku 6:42

Bɛirei aa ce i ni, kpaasi, jɔ̀ n nyaɛ fɔfɔ si ijuɛ, nɔ awɔ i kù waa yɛ jĩi ite iyi í wa si titɛɛ. Awɔ ilu muafitii, jɔ̀ i tako i nya jĩi ite iyi í wa si ijuɛu titã ku ba i yɛ ilu sãa sãa, i bɛi i nya fɔfɔ iyi í wa si ijui kpaasiɛ.

Laabaau jiida iyi Zãa í kɔ 4:28

Ŋɔi abou í jilɛ bɔɔdoɛ bɛ í nyi inɔ ilu í koo í sɔ̃ inɛ ŋa í ni,

Kɔrɛnti 2, 5:16

Na nŋu, bɛbɛi a kaa ka cɔ iyi à waa yɛò iju si amanɛ nŋu akã. Baa bii bɛɛbɛi à tako à cea Kirisi wo, nsɛi a kaa ka ce bɛɛbɛ má.