Luku 4:22 - Bibeli do fee

²² Ŋɔi aŋa fei à waa jɛaa sɛɛda jiida, nɔ biti í mu ŋa do ide didɔ̃ iyi wa fita hai si gɛlɛɛu. À ni, kù jɛ amai Zozɛfuu mbɛ ya.

Luku 4:22 Iomraidhean Croise

Iri ku kɔ̃ 45:2

Idɔm wa yaya na laabaau didɔ̃ do ide jiida ŋa iyi an fɔ bi ilaalu. Nɔ ǹ bi gɛlɛm ku yɛi bɛi mii ku kɔi woo mà kukɔ jiida.

Iri ku kɔ̃ 45:4

Awɔ woo ja igũ jiida, dĩ taakubaɛ si cingaaɛ. Nŋui í jɛ yiikoɛ do bɛɛrɛɛ.

Mɔnda ŋa 10:32

Inɛ dee dee í ya fɔ idei do kurɔ, amma ide sãmii í ya wa si gɛlɛi inɛ laalɔ.

Mɔnda ŋa 16:21

Inɛ iyi í ya lasabu do laakaii aa ni í nɛ bisi. Ide iyi à fɔ do kubi í ya kãmia inɛ ŋa.

Mɔnda ŋa 25:11

Ide iyi à fɔ si waati iyi í jɔ í sĩa bɛi mii ndii wura iyi à ce si boodai isɔ fũfũ.

Woo lasabu 10:12

Idei ilu bisi í ya nɛ bɛɛrɛi. Amma idei nnyɛi í ya jɔ̀ ku ce nfe.

Iri ku kɔ̃ iyi í dɔ̃ í re 5:16

Gɛlɛɛ í nɛ ididɔ̃, nɔ kɔdɛɛm í wa si araɛ fei. Iŋɛ mudɛ̃ɛi Zeruzalɛmu ŋa, inɛ iyi ǹ biu, bɛi í yɛ mbɛ. Kpaasim nɔu, bɛi í yɛ mbɛ.

Ezai 50:4

Aɔ̃ Lafɛ̃ɛ í kɔm si ide iyi ǹ nɛ ku fɔ ku ba n mà ide ŋa iyi an fɔ n sobiò inɛ iyi í kua gbugbã. Daakɔ fei nŋui í ya jĩim ku ba n de itĩ bɛi mɔcɔ ŋa à ya maa de si lafɛ̃ɛ nŋa itĩ.

Luku 2:47

Inɛ ŋa iyi à waa gbɔ ideɛ fei à bitiò bisiɛ do si bɛi wa jɛ nŋa ide.

Luku 2:48

Iyi baaɛ ŋau à yɔɔ bɛ, ŋɔi aŋa mɔ à biti, nɔ iyeɛ í ni, amam, na mii í ce ì ce nwa bɛɛbɛ. Amu do baaɛ wee à wasi ku dɛdɛɛ do zigiida.

Luku 21:15

I maà biti ŋa domi an mu nŋɛ ide do bisi iyi mbɛɛ nŋɛ ŋa kãma nŋa a kaa yɔkɔ a jã ŋɛ hee má jɛ a kɔ̀.

Luku 4:21

Ŋɔi í sinti ideɛ ku sɔ̃ ŋa í ni, nnyii kukɔi idei Ilaaɔ̃ iyi ì gbɔ nsɛiu ŋa í kɔ̃.

Laabaau jiida iyi Zãa í kɔ 1:45

Ŋɔi Filipu í koo í dɛdɛ Nataniɛli í sɔ̃ɔ í ni, à yɛ inɛ iyi Moizi í kɔ ideɛ si tiai wooda ŋau nɔ walii ŋau mɔ à fɔ ideɛu. Inɛɛu nŋui í jɛ Jesu inɛi Nazarɛti amai Zozɛfu.

Laabaau jiida iyi Zãa í kɔ 6:42

Ŋɔi à ni, í jɔ Jesu amai Zozɛfuu mbɛ mɛɛ. À mà iyeò baaɛ. Bɛirei í ce í ni nŋu í naai hai lelei Aɔ̃.

Laabaau jiida iyi Zãa í kɔ 7:46

Ŋɔi woo degbe kpasɛ̃i Ilaaɔ̃ ŋau à jɛ à ni, inɛ kãma kù wɛɛ iyi í fɔ ide bɛi inɛɛu bɛ.

Woo bɛ ŋa 6:10

Amma a kù nɔɔ domi wa fɔ idei do bisi do gbugbãi Hundei Ilaaɔ̃.

Titee 2:8

Sɔ̃ ŋa idei ntɔu iyi a kaa yɛò taalei ideɛ. Iyi bɛi á jɔ̀ anyɔ ku mu mbɛɛ nŋɛ ŋa domi a kaa ba laalɔ nwa a fɔ.