Luku 4:2 - Bibeli do fee

² Nɔ Seetam í lɛlɛɛ bɛ ajɔ ciiji. Nɔ si ajɔu bɛ fei kù jɛ nkãma. Iyi baai nŋu í lɔ, ŋɔi ari wa kpaa.

Luku 4:2 Iomraidhean Croise

Kusintii Andunya 3:15

An dasi mbɛɛtɛ si gãmɛi awɔ do abou, do si dimiɛ hee do si dimii abou fei. Dimii abou á lɛgɛ iriɛ, nɔ awɔ mɔ aa mɛɛ cicĩisɛɛ.

Ilaalu 1, 19:8

Ŋɔi í dede í jɛ nɔ í mɔ. Nɔ do gbugbã iyi í ba si sɔndau, í nɛ dasã ciiji do idũ ciiji hee í toò Ɔrɛbu iri kutai Ilaaɔ̃.

Ɛsitɛɛ 4:16

koo tɔtɔɔ Zuifu ŋa iyi à wa Suzeu fei a cea nŋu anu ku dĩ ajɔ mɛɛta do idũ mɛɛta, a maà jɛ nɔ a maà mɔ nkãma. Bɛɛbɛ mɔi í ni nŋu takai nŋu á dĩ anu do woo ce icɛi nŋu ŋa nɔ baa do iyi wooda í ganji fei, nŋu á bɔ bi ilaaluu, nɔ bii í jɛ nŋu á kui, nŋu ku ku.

Kufita 24:18

Ŋɔi Moizi í bɔ aninii kudũi ijĩu nɔ í gũ í mɔsi wa koo. Nɔ í wa bɛ ajɔ ciiji do idũ ciiji si antaii iri kutau.

Kufita 34:28

Nɔ Moizi í ce ajɔ ciiji do idũ ciiji bi Aɔ̃ Lafɛ̃ɛ bɛ, kù jɛ nkãma hee má jɛ kù mɔ ngɔgɔ. Nɔ Aɔ̃ Lafɛ̃ɛ í kɔ wooda mɛɛwa ŋa iyi à jɛ icui akabuuu si kuta ŋa iyi í gbeu.

Zonasi 3:7

Nɔ nŋu do inɛi anyiɛ ŋa à jɔ̀ à cã kɛsɛɛdɛ si ilui Ninivu fei, à jilɛ wooda à ni hai amanɛ hee do mɛɛmu ŋa fei a maà jɛ nkãma, nɔ a maà mɔ baa inyi.

Matie 21:18

Iju kumáɛ daadaakɔ Jesu í nɛ hai Betani wa nyi Zeruzalɛmu, nɔ ari wa kpaa.

Matie 4:2

Ŋɔi Jesu í ce anu ku dĩ dasã ciiji do idũ ciiji, si anyiɛ nɔ ari wa kpaa.

Luku 4:3

Nɔ Seetam í sɔ̃ɔ í ni, bii awɔ Amai Ilaaɔ̃i do ntɔ, jɔ̀ kutau ihɛ̃ ku kpɔò pɛ̃ɛ.

Laabaau jiida iyi Zãa í kɔ 4:6

Bɛi lɔgɔi Zakɔbuu í wa. Jesu í to bɛi zakai dasã. Ŋɔi í koo í buba si itĩi lɔgɔu si na iyi í jɔ̀ í gbɛɛji do isɛɛnɛu.

Wooda ku kɔsi 9:18

Si anyiɛ ŋɔi ǹ sɛɛbata si wajui Aɔ̃ Lafɛ̃ɛ bɛi ǹ tako ǹ ce ajɔ ciiji do idũ ciiji n kù jɛ sɔnda gɔ hee má jɛ n mɔ inyi na irii dulum ŋa iyi ì ce ŋau, si bɛi ì ce laalɔ ŋa si wajui Aɔ̃ Lafɛ̃ɛ hee ì jɔ̀ idɔɛ í kɔ̃ si ŋɛu.

Wooda ku kɔsi 9:25

Amma waati iyi Aɔ̃ Lafɛ̃ɛ wa bi ku kpa ŋɛ, ǹ sɛɛbatai si wajuɛ ajɔ ciiji do idũ ciiji.

Wooda ku kɔsi 9:9

Waati iyi ǹ gũ iri kutau ǹ bɔ kuta si bii Aɔ̃ Lafɛ̃ɛ í dĩ akabuuɛ do iŋɛu ku gba wa, ajɔ ciiji do idũ ciijii ǹ ce si iri kutau iyi n kù jɛ sɔnda kãma hee má jɛ n mɔ inyi

Ebɛɛ 2:18

Do yaase bɛɛbɛ á yɔkɔ ku sobi inɛ ŋa iyi à wa si kulɛlɛ, domi nŋu takaɛ í yɛ ijuukpã si kulɛlɛ.

Ebɛɛ 4:15

domi woo wee nla iyi à nɛu á yɔkɔ ku ce araarei gbugbã hai nɛ nwa si na iyi í jɔ̀ à lɛlɛɛ ku ceò laalɔ si mii fei bɛi awa mɔ, amma kù ce dulum.

Samuɛli 1, 17:16

Bɛɛbɛi si afei ajɔ ciiji, Goliati inɛi Filisiu í ya naa ku leekĩ alɛò daakɔ fei si aninii asɔ minji ŋau.