Luku 4:18 - Bibeli do fee

¹⁸ Hundei Aɔ̃ Lafɛ̃ɛ í wa sim. Í cicam n sisiaò ilu are ŋa laabaau jiidau. Í bɛm n koo n sɔ̃ inɛi piisɔ̃ɔ ŋa n ni aa jɔ̀ ŋa a nɛ nɔ n sɔ̃ fɛɛju ŋa n ni aa yɛ ilu má, nɔ n jɔ̀ inɛ ŋa iyi inɛ ŋa à waa taa gbugbã a nɛ ara nŋa.

Luku 4:18 Iomraidhean Croise

Kusintii Andunya 3:15

An dasi mbɛɛtɛ si gãmɛi awɔ do abou, do si dimiɛ hee do si dimii abou fei. Dimii abou á lɛgɛ iriɛ, nɔ awɔ mɔ aa mɛɛ cicĩisɛɛ.

Bomma 2, 34:27

ideu í to siɛ. Ì kaye araɛ si wajum waati iyi ì gbɔ ide iyi ǹ ni á na ku ba iluu bɛ do inɛɛ ŋa fei. Si bɛi ì kaye araɛ si wajum, nɔ ì ga ibɔɛ ŋa na inɔ kufɔ nɔ ì kpata si wajum. Na nŋu, amu mɔ ǹ gbɔ kutɔɔɛu,

Iri ku kɔ̃ 102:20

Aɔ̃ Lafɛ̃ɛ í kɔmba hai lelei Aɔ̃, hai si kpasɛ̃ kumáɛu wa cɔ ilɛ wa,

Iri ku kɔ̃ 147:3

Nŋui í ya tũ inɔi inɛ ŋa iyi à wa si inɔ kufɔ. Nɔ nŋui í ya wiɛ juju nŋa ŋa.

Iri ku kɔ̃ 2:2

Ilaalui ilɛ ŋa à dede nɔ amanlu ŋa à tɔtɔɔ a ba a ce igũ do Aɔ̃ Lafɛ̃ɛ do inɛ iyi í cica í jɛ ilaaluu à waa ni,

Iri ku kɔ̃ 2:6

Í ni, amui ǹ cica ilaalum ǹ jilɔɔ Siɔ̃ɔ si iri kuta kumám.

Iri ku kɔ̃ 34:18

Aɔ̃ Lafɛ̃ɛ í ya gbɔ anu ku dɔ̃i inɛ dee dee ŋa. Nɔ ku nya ŋa hai si wahala baa yooma fei.

Iri ku kɔ̃ 45:7

Ilaaɔ̃, bommaɛ á maa wɛɛi do ajɔ fei. Do dee dee ku jɛi ì waa muò bommaɛ.

Iri ku kɔ̃ 51:17

Aɔ̃ Lafɛ̃ɛ, cĩ gɛlɛm ku ba n maa n saabuɛ.

Ezai 32:3

Inɛ ŋa iyi à nɛ a yɛ ilu, nɔ a kù waa yɛ ilu ŋau fei, aa yɛ ilu. Inɛ ŋa mɔ iyi à nɛ a gbɔ ide, nɔ a kù waa gbɔ ide ŋau fei, aa gbɔ.

Ezai 35:5

Waati bɛɛbɛ, fɛɛju ŋa aa yɛ ilu, dekĩ ŋa aa gbɔ ide.

Ezai 42:7

Awɔi aa jɔ̀ fɛɛju ŋa a yɛ ilu, nɔ inɛ ŋa iyi à waa mu si ile piisɔ̃ɔ, awɔi aa nya ŋa. Nɔ inɛ ŋa mɔ iyi à waa mu si ilu kuku, awɔi aa nya ŋa wa.

Ezai 45:13

Amui ǹ jɔ̀ Sirusi í dasi kpãa wa na dee dee ku jɛm. Nɔ an saabu si mii iyi á ce fei. Nŋui á teese ku ma Zeruzalɛmu ilum nɔu, nɔ ku jɔ̀ inɛm ŋa iyi à mu wa ŋau a nɛ hai nɛ ngɔgɔ ku sã nɔ ku maà nɛ amua gɔ ŋa ku ce. Aɔ̃ Lafɛ̃ɛi lele do ilɛui í fɔ bɛɛbɛ.

Ezai 49:9

Nɔ an sɔ̃ inɛ ŋa mɔ iyi à jɛ inɛi piisɔ̃ɔ ŋau n ni, i fita i naa si inya kumá ŋa. Inɛ ŋa mɔ iyi à wa si ilu kuku ŋau mɔ, nɔ n sɔ̃ ŋa n ni, i fita gbugbãa ŋa. Inɛ ŋau aa yɛi bɛi mɛɛmu gaa iyi à waa degbe si itĩ kpãa, nɔ aa ba sɔnda si iri kuta ŋa fei.

Ezai 50:4

Aɔ̃ Lafɛ̃ɛ í kɔm si ide iyi ǹ nɛ ku fɔ ku ba n mà ide ŋa iyi an fɔ n sobiò inɛ iyi í kua gbugbã. Daakɔ fei nŋui í ya jĩim ku ba n de itĩ bɛi mɔcɔ ŋa à ya maa de si lafɛ̃ɛ nŋa itĩ.

Ezai 57:15

Ntɔ ntɔ inɛ iyi í wa hee lele feiu, nŋu iyi kuwɛɛɛ kù nɛ kɔɔ, nɔ iriɛ í máu í fɔ í ni, lele bii í mái ǹ wa amma ǹ nyi ǹ wa bi inɛ ŋa iyi à waa taa gbugbã nɔ à waa ba wahala ku ba n dede ŋa nɔ n mu nŋa gbugbã.

Ezai 59:21

Nɔ Aɔ̃ Lafɛ̃ɛ í nyi í ni má, kuwã iyi ǹ wa n ce si gãmɛi inɛ ŋau ihɛ̃ wee. Hundem iyi ǹ da nŋa si do idem ŋa iyi ǹ dasi si gɛlɛ nŋa, n kaa n nyaa hai si ŋa má, nɔ n kaa n nyaa baa hai si gɛlɛi tɔku nŋa ŋa má, nɔ n kaa n nyaa hai si gɛlɛi tɔkui aŋa mɔ má hai nsɛi hee do ajɔ fei. Bɛi Aɔ̃ Lafɛ̃ɛ í fɔ mbɛ.

Ezai 61:1

Hundei Aɔ̃ Lafɛ̃ɛ í wa sim, domi Aɔ̃ Lafɛ̃ɛi í nyam ikã. Nŋui í bɛm n koo n sisia ilu are ŋa laabaau jiida, inɛ ŋa mɔ iyi à wɛɛò inɔ kufɔ, n tũ idɔ nŋa, nɔ n sɔ̃ aru ŋa n ni à nɛ ara nŋa mbɛ, inɛi piisɔ̃ɔ ŋa mɔ, n sɔ̃ ŋa n ni a fita.

Ezai 66:2

Mii ŋa iyi ì waa yɛ ŋau bɛ fei ŋa, awɔm nii í ce ŋa. Do yaase bɛɛbɛi aŋa fei à wɛɛò. Amu Aɔ̃ Lafɛ̃ɛi ǹ wa n sɔ̃ ŋɛ. Si inɛ iyi ijum ŋa í ya wa wee. Ijum í ya wai si ilu are do si hai nɛ gbugbã iyi wa gbɔ idem do jirima nla nla.

Ezekiɛli 9:4

Aɔ̃ Lafɛ̃ɛ í sɔ̃ɔ í ni, lɔ inɔ ilu Zeruzalɛmu, ce nyinda gɔ si ikpoi inɛ ŋa iyi à waa wahala nɔ à waa kakaa na laalɔ ŋa iyi inɛ ŋa à waa ceu.

Daniɛli 9:24

Adɔ̃ kitaò fɛɛwa ikɔ mɛɛjei à daa zamaaɛ do ilu kumáɛu ku ba a kpa irii wooda ku kua do dulum ŋau. Aa kpa kurara mɔi nɔ a naaò dee dee ku jɛ wa hee do ajɔ fei ku ba kuyɛ do idei walii ŋau a kɔ̃, nɔ a nya ile iyi í re do kumáu ikã.

Sofoni 3:12

Zamaa iyi í jɛ ilu are nɔ í kua gbugbãi an jɔ̀ nŋɛ. Zamaau á ba bi ku manji bi amu Aɔ̃ Lafɛ̃ɛ.

Zakari 11:11

Bɛɛbɛi, akabuuu í kpa iri ajɔ nŋu, nɔ angudã ŋa iyi inɔ kufɔ nŋa í re ti kpaasi ŋau, à waa cɔm, à mà iyi idei Aɔ̃ Lafɛ̃ɛ mbɛ.

Matie 11:5

Fɛɛju ŋa à waa yɛ ilu, woo sukutɛ ŋa à waa nɛ dee dee, dintɛ ŋa à ba iri à jɛ inɛ kumaaju, dekĩ ŋa à waa gbɔ ide, iku ŋa à jĩ, nɔ à waa sisia ilu are ŋa laabaau jiida.

Matie 12:18

Ilaaɔ̃ í ni, woo ce icɛm iyi ǹ cica wee. Nŋui ǹ bi jiida, siɛi inɔ didɔ̃m fei í ya wa. An daa si Hundem, nɔ ku sisia dimi fei dee dee ku jɛm.

Matie 12:20

Kaa tambɔ ama jĩi iyi í kɔmba wa bi ku cɛ, nɔ kaa kpa fitila iyi inya kumáɛ kù la, hee waati koo to si bii á jɔ̀ dee dee ku jɛm ku kãmia inɛ fei,

Matie 4:16

aŋa iyi à wa si ilu kuku wo, aŋai à yɛ inya kumá nla nla. Aŋa iyi à wa si ilɛ bii iku do ilu kuku í wa, aŋai inya kumá í naa si.

Matie 5:3

ilu inɔ didɔ̃ ŋai inɛ ŋa iyi à waa tɔɔ Ilaaɔ̃ do ara kukaye, domi aŋai à jɛ inɛi bommai Ilaaɔ̃ ŋa.

Luku 4:17

Ŋɔi à náa tia iyi Ezai waliiu í kɔ. Si bɛi wa fũu ŋɔi í kã si kukɔ gɔ iyi wa ni,

Luku 6:20

Ŋɔi Jesu í cɔ mɔcɔɛ ŋau í ni, ilu inɔ didɔ̃ ŋai iŋɛ ilu are ŋa, domi iŋɛi ì jɛ inɛi bommai Ilaaɔ̃ ŋa.

Luku 7:22

Nɔ í jɛa amaabɛ ŋau í ni, i koo i sisia Zãa mii iyi ì yɛ do iyi ì gbɔ ŋa. Fɛɛju ŋa à waa yɛ ilu, woo sukutɛ ŋa à waa nɛ dee dee, dintɛ ŋa à ba iri à jɛ inɛ kumaaju, dekĩ ŋa à waa gbɔ ide, iku ŋa à jĩ, nɔ à waa waazoa ilu are ŋa laabaau jiidau.

Laabaau jiida iyi Zãa í kɔ 1:41

Iyi í sɛkɛɛ hai bi Jesu gbakã í koo í kpe Simɔɔ igbãɛ nɔ í sɔ̃ɔ í ni, à yɛ inɛ iyi Ilaaɔ̃ í cicau.

Laabaau jiida iyi Zãa í kɔ 12:46

Amui ǹ jɛ inya kumá, nɔ ǹ naai si andunya ku ba inɛ iyi í dasim naanɛ fei ku maà wa si ilu kuku má.

Laabaau jiida iyi Zãa í kɔ 3:34

Inɛ iyi Ilaaɔ̃ í bɛ wa idei Ilaaɔ̃i wa fɔ, domi Ilaaɔ̃ í muaa Hundeɛ do inɔ akã.

Woo bɛ ŋa 10:38

Ì mà bɛi Ilaaɔ̃ í mua Jesu inɛi Nazarɛtiu Hundeɛ ŋa do bɛi í muaa gbugbã. Nɔ í dabii si ilɛu fei wa ce jiida nɔ í jɔ̀ inɛ ŋa iyi à wa si awɔi Seetam fei à ba iri. Í ya maa ce bɛɛbɛi si na iyi í jɔ̀ Ilaaɔ̃ í wɛɛ do nŋu.

Woo bɛ ŋa 26:18

i cĩ iju nŋa. An bɛɛ bi tu ŋai ku ba a sinda hai si ilu kuku a lɔ si inya kumá, nɔ a sinda hai si gbugbãi Seetam a naa bi Ilaaɔ̃. An bɛɛ bi tu ŋai ku ba a dasim naanɛ nɔ Ilaaɔ̃ ku kpa dulum du ŋa nɔ a na a jɛ tubu do inɛ ŋa iyi í cica à jɛ tɛɛ.

Woo bɛ ŋa 4:26

Ilaalui ilɛ ŋa do ilu iri ŋa à dede nɔ à tɔtɔɔ ku ba a ce igũ do Aɔ̃ Lafɛ̃ɛ do inɛ iyi í cica.

Woo bɛ ŋa 4:27

Ilaaɔ̃ Baaba, ide iyi Davidi í fɔu bɛ ntɔi, domi Herodu do Pɔnsu Pilati à ce anu akã. À tɔtɔɔ do dimi mmu ŋa do inɛi Izirɛli ŋa si iluu ihɛ̃ à yɛ taalei Jesu woo ce icɛ kumáɛ iyi ì cica ì nyaa ikãu.

Kolosee 1:13

Do ntɔi í nya wa hai si awɔ gbugbãi ilu kuku nɔ í buba wa si bommai Amaɛ iyi í bi.

Zaaki 2:5

Iŋɛ baakɔɔm ŋa, i gbɔ. Inɛ ŋa iyi à jɛ ilu are si andunyau ihɛ̃i Ilaaɔ̃ í cica ku ba naanɛ nŋa ku la nɔ a baò bommaɛ iyi í wãò inɛ ŋa iyi à buu.

Piɛɛ 1, 2:9

Amma iŋɛi ì jɛ dimi iyi Ilaaɔ̃ í cica, nɔ iŋɛi ì jɛ woo weei ilaalu ŋa, ì jɛ dimi iyi í má ŋa iyi Ilaaɔ̃ í ya ku ba i fɔ jiida ku jɛɛ, nŋu iyi í kpe ŋɛ hai si ilu kuku ì naa ì lɔ si inya kumá ilu bɛɛrɛɛ.