Luku 4:16 - Bibeli do fee

¹⁶ Nɔ Jesu í bɔ Nazarɛti ilu bii í jɛ amau. Ŋɔi si ajɔi kusĩmi í bɔ ile bii Zuifu ŋa à ya ce kutɔtɔɔu si bɛi í nɛ dɔ̃ɔnɛɛ. Ŋɔi í dede ku cio tia.

Luku 4:16 Iomraidhean Croise

Matie 2:23

Nɔ í koo í buba ilui Nazarɛti. Bɛɛbɛi idei walii ŋau í kɔ̃, si bɛi à ni aa kpoo inɛi Nazarɛti.

Luku 2:39

Waati iyi iyeò baai Jesu ŋa à tã mii ŋa iyi woodai Aɔ̃ Lafɛ̃ɛ í ni a ceu fei, ŋɔi à nyi Nazarɛti ilu nŋa si ilɛi Galilee.

Luku 2:42

Si waati iyi Jesu í nɛ adɔ̃ maateeji ŋɔi à bɔ jingauu si bɛi à nɛ dɔ̃ɔnɛɛ.

Luku 2:51

Ŋɔi í too ŋa à nɛ Nazarɛti nɔ wa gbɔ ide nŋa. Wee iyeu wa mu ide ŋau bɛ fei si idɔɛ.

Luku 4:15

Wa kɔ ŋa si cioi idei Ilaaɔ̃ ile bii Zuifu ŋa à ya ce kutɔtɔɔ nŋa ŋa, nɔ inɛ fei wa saabuɛ.

Luku 4:17

Ŋɔi à náa tia iyi Ezai waliiu í kɔ. Si bɛi wa fũu ŋɔi í kã si kukɔ gɔ iyi wa ni,

Luku 4:21

Ŋɔi í sinti ideɛ ku sɔ̃ ŋa í ni, nnyii kukɔi idei Ilaaɔ̃ iyi ì gbɔ nsɛiu ŋa í kɔ̃.

Luku 4:23

Nɔ Jesu í sɔ̃ ŋa í ni, kù nɛ sika aa kpaam mɔndau ihɛ̃ i ni ŋa, awɔ lokotoo, faaba araɛ. Ce si iluɛ ihɛ̃ mii ŋa iyi à gbɔ ì ce Kapɛranumu fei.

Laabaau jiida iyi Zãa í kɔ 18:20

Ŋɔi Jesu í jɛaa í ni, ideu si bantumai ǹ sɔ̃ inɛ fei. Ǹ ya n kɔ inɛ ŋa si ciom nii ile bii à ya ce kutɔtɔɔ ŋa do si kpasɛ̃i Ilaaɔ̃, bii Zuifu ŋa fei à ya tɔtɔɔ. N kù fɔ ide kãma si asii.

Woo bɛ ŋa 17:2

Ŋɔi Pɔlu í bɔ ileu bɛ si bɛi í nɛ dɔ̃ɔnɛɛ. Nɔ aŋaò ŋa à wũa tiai idei Ilaaɔ̃ ajɔi kusĩmi mɛɛta à mɔɔ.