Luku 3:9 - Bibeli do fee

⁹ Wee dagba wa kã si jĩi tã mɔm a daò icuɛ. Na nŋu, jĩi iyi kù waa so iso jiida fei aa daai a dasi ina.

Luku 3:9 Iomraidhean Croise

Ezekiɛli 31:18

Si inɔi jĩi ndii Edɛni ŋau, kãma nŋa kù sĩa kù toɛ nɔ kãma nŋa kù la kù toɛ. Do nŋu fei, an jɔ̀ iŋɛò ŋa i bɔ lɛlɛi ilɛ bi kuwai iku ŋa, i koo i sũ bɛ do inɛ ŋa iyi a kù ce bango ŋa, do inɛ ŋa iyi à ku si igũ ŋa. Mii iyi á ba Faraɔ̃ ilaalui Ezibiti do zamaaɛ ŋa fei mbɛ. Amu Aɔ̃ Lafɛ̃ɛi ǹ fɔ bɛɛbɛ.

Daniɛli 4:14

Idei ijuukpã iyi à fɔ à jilɛu bɛ, amalekai Ilaaɔ̃ ŋa, aŋa iyi à jɛ woo degbe andunyau, aŋai à jɔ̀ à gbɔɔ. Do yaase bɛɛbɛ, ilu hunde baa yooma fei á mà iyi Ilaaɔ̃ nŋu iyi í wa hee lelei í jɛ lafɛ̃ɛi bommai amanɛ ŋa. Nɔ inɛ iyi í bii í ya na. Nɔ á yɔkɔ ku soo mɔm ku na baa inɛ iyi inɛ ŋa a kù waa saalu.

Daniɛli 4:23

Wooda iyi wa ni a jɔ̀ icui jĩi nɔu do icãɛ ŋau, yaaseɛi í jɛ iyi bommau á wɛɛi kú maa jɛ titɛɛ waati iyi aa na i mà iyi Ilaaɔ̃ iyi í wa leleui í jɛ Lafɛ̃ɛi inɛ fei.

Matie 3:10

Wee dagba wa kãsi tã mɔm a daò icui jĩi. Na nŋu, jĩi iyi kù waa so iso jiida fei aa daai a dasi ina.

Matie 7:19

Nɔ jĩi iyi kù waa so iso jiida fei à ya daai a dasi ina.

Luku 13:6

Ŋɔi í kpa nŋa mɔndau ihɛ̃ má í ni, mɔkɔ gɔ í lɔ jĩi ndii figi si kaaɛ. Waati iyi jĩi nɔu í la ŋɔi mɔkɔu í bɔ isoɛ ku ka, nɔ kù ba.

Luku 13:7

Ŋɔi í sɔ̃ woo ce icɛɛ í ni, adɔ̃ mɛɛta wai ihɛ̃ bɛbɛi iyi bii ǹ naa isoi jĩi nɔu ihɛ̃ ku ka n ci ya n ba. Daa i nyɔɔ. Na mii í ce á maa gba nwa inya ngbɛ ngbɛ.

Luku 13:9

Á yɔkɔ ku jɛ adɔ̃ gɔ á so. Bii kù so i bɛi i daa.

Laabaau jiida iyi Zãa í kɔ 15:6

Inɛ iyi kù waa má sim aa nyaai a nyɔɔ bɛi à ya nyɔ amaawɔi jĩi ŋa. Si anyiɛ, bii à gbɛ nɔ a tɔtɔɔ ŋa a dasi ŋa ina a jo.

Ebɛɛ 10:28

Inɛ baa yooma iyi í kua woodai Moizi fei, bii amanɛ minji mɛɛta í jɛ sɛɛdaɛ à ya kpaai, a ci ya ce araareɛ.

Ebɛɛ 12:29

Ntɔi, Aɔ̃ Lafɛ̃ɛ nwa í yɛi bɛi ina iyi í ya ce nfei mii ŋa.