Luku 3:7 - Bibeli do fee

⁷ Zamaa nla nla wa koo bi Zãa ku dasi ŋa inyi. Nɔ í sɔ̃ ŋa í ni, iŋɛ inɛ buu ŋa bɛi njo wukuku, yooi í sɔ̃ ŋɛ í ni i saa idɔɔkɔ̃i kiitii Ilaaɔ̃ iyi á na ku naau.

Luku 3:7 Iomraidhean Croise

Kusintii Andunya 3:15

An dasi mbɛɛtɛ si gãmɛi awɔ do abou, do si dimiɛ hee do si dimii abou fei. Dimii abou á lɛgɛ iriɛ, nɔ awɔ mɔ aa mɛɛ cicĩisɛɛ.

Ezai 59:5

Nɔ lasabui mii ŋa mɔ iyi ì waa lele ku ce ŋa fei, laalɔi í ya naaò wa bɛi njɛ ŋa iyi njo í ye. Inɛ baa yooma iyi í jɔɔ fei, á kui tengi bɛ gbakã. Hai njɛu wa lɛgɛ gbakã, njo wukukui í ya maa fita wa. Ikũ ŋa iyi ì waa wɔ̃ ŋa fei, à yɛi bɛi ikũi dadaa. Inɛ kaa yɔkɔ ku soo ku ceò ibɔ, hee má jɛ ku ceò acɔ ku bii, amma inɔ kufɔi í ya naaò wa. Icɛ iyi awɔ nŋɛ ŋa à waa ce fei, icɛi inɔ kukãi í ya jɛ.

Matie 12:34

Iŋɛ inɛ buu ŋai bɛi njo wukuku. Iŋɛ inɛ laalɔ ŋa, bɛirei aa ce i fɔ ide jiida ŋa. Mii iyi wa kɔ̃ si idɔi amanɛ nŋui gɛlɛɛ í ya fɔ.

Matie 23:33

Iŋɛ inɛ buu ŋai bɛi njo wukuku. I kù nɛ bɛi aa ce i saa ina iyi ci ya kuu ŋa.

Matie 3:6

À ce tuubai dulum du ŋa nɔ à jɔ̀ Zãa í dasi ŋa inyi si idoi Zuudɛ̃ɛu.

Laabaau jiida iyi Zãa í kɔ 8:44

Seetam nii í jɛ baa nŋɛ, nɔ ì waa bi i ce idɔɔbii baa nŋɛu. Hai sinte woo kpa inɛi. Kù waa leekĩ si kpãai ntɔ domi ntɔ kù wa siɛ. Bii wa sɔ ibo, í ya maa fɔi bɛi nŋu takaɛ í yɛ domi ilu iboi, nɔ baai ilu ibo feii.

Woo bɛ ŋa 13:10

í ni, awɔ iyi ì jɛ ilu bisi laalɔ do woo takii inɛ, awɔ inɛi Seetam nii nɔ ì jɛ mbɛɛi mii iyi í jɛ dee dee fei. Hee waati yoomai aa leekĩò ide ntɔi Aɔ̃ Lafɛ̃ɛu ku kpaasi do ibo má.

Tɛsalonika 1, 1:10

Nɔ à waa fɔ má bɛi ì waa degbe Jesu Amaɛu ku nyi wa hai lele ŋa. Nŋui í jɛ inɛ iyi Ilaaɔ̃ í jĩ hai si balɛ, nɔ á na ku faaba wa hai si idɔɔkɔ̃i Ilaaɔ̃ iyi wa naa.

Ebɛɛ 6:18

Na nŋu, idei kuwã do kugbasi, aŋa minjii à wɛɛ iyi kaa kpaasi, nɔ si ide minji ŋau bɛ Ilaaɔ̃ kaa yɔkɔ ku sɔ ibo. Si ide minji ŋau bɛi Ilaaɔ̃ wa mu nwa gbugbã ntɔ ntɔ, awa iyi à waa leekĩ si kpãa ku cɔ iyi í jilɛ nwa nɔ à ba bi ku manji nwa siɛ.

Zãa 1, 3:8

Inɛ iyi í ya maa mɔsi dulum ku ce, inɛi Seetam nii, domi hai sintei Seetam wa ce dulum. Na ŋɔi í jɔ̀ Jesu, amai Ilaaɔ̃, í naa ku kpaò icɛi Seetam.