Luku 3:4 - Bibeli do fee

⁴ Bɛɛbɛi ide iyi walii Ezai í kɔ si tiaɛu í ce. Í ni, à gbɔ imui inɛ gɔ wa dɔ̃ anu si gbaa wa ni, i teese kpãai Lafɛ̃ɛ ku tɛ ŋa.

Luku 3:4 Iomraidhean Croise

Ezai 57:14

Aɔ̃ Lafɛ̃ɛ í fɔ wo í ni, i teese kpãa ŋa. I ce sɔɔlui kpãa gɔ, nɔ i nya mii ŋa iyi aa jɛ bi ku kosi isɛ fei hai si kpãai inɛm ŋau.

Ezai 62:10

Iŋɛ inɛi Zeruzalɛmu ŋa, i fita, i fita ńya ńya hai si iluu. Inɛ ŋa iyi à waa baa ŋau, i cĩ nŋa kpãa ŋa. I dĩ isa ŋa iyi à wa si kpãa ŋau ŋa, nɔ i fa kuta ŋa iyi à wa si kpãau. I gũa zamaau tuuta ŋa.

Matie 3:3

Idei Zãaui walii Ezai í fɔ wo, si waati iyi í ni, à gbɔ imui inɛ gɔ wa dɔ̃ anu si gbaa wa ni, i teese kpãai Lafɛ̃ɛ ku tɛ ŋa.

Maaku 1:3

Nŋui á dɔ̃ anu si gbaau ku ni, i teese kpãai Lafɛ̃ɛ ku tɛ ŋa.

Laabaau jiida iyi Zãa í kɔ 1:23

Ŋɔi Zãa í so ide iyi walii Ezai í tako í fɔu í jɛ nŋa do í ni, amui ǹ jɛ inɛ iyi wa dɔ̃ anu si gbaa wa ni, i teese kpãai Lafɛ̃ɛ kú tɛ ŋa.