Luku 3:22 - Bibeli do fee

²² nɔ Hundei Ilaaɔ̃ í de siɛ wa hai lele do ara gɔ bɛi ankasiidi. Nɔ à gbɔ ide ku fɔ gɔ wa hai lele í ni, awɔ amam nii, ǹ biɛ jiida jiida. Siɛi inɔ didɔ̃m fei í ya wa.

Luku 3:22 Iomraidhean Croise

Iri ku kɔ̃ 2:7

Ilaaluu í ni, an fɔ ide iyi Aɔ̃ Lafɛ̃ɛ í sɔ̃m. Í ni, awɔi ì jɛ ama inɛmɔkɔm, hai nnyi ǹ jɛ baaɛ.

Ezai 42:1

Ŋɔi Aɔ̃ Lafɛ̃ɛ í ni, inɛ ihɛ̃i í jɛ woo ce icɛm. An maa n muui si awɔ. Nŋui ǹ cica, nɔ nŋui ǹ bi. Nŋui ǹ daa si hundem. Nŋui á jilɛa inɛi ilɛ ŋa asaiya.

Matie 12:18

Ilaaɔ̃ í ni, woo ce icɛm iyi ǹ cica wee. Nŋui ǹ bi jiida, siɛi inɔ didɔ̃m fei í ya wa. An daa si Hundem, nɔ ku sisia dimi fei dee dee ku jɛm.

Matie 17:5

Wa fɔ ideu kù tã mɔm nɔ inya kumá gɔ í naa si ŋa bɛi bukɔɔ. Nɔ à gbɔ ide ku fɔ gɔ hai si inɔɛ í ni, inɛ ihɛ̃i í jɛ amam. Ǹ buu jiida jiida, siɛi inɔ didɔ̃m fei í ya wa. I ya gbɔ ideɛ ŋa.

Matie 27:43

Í dasi Ilaaɔ̃ naanɛ nɔ í ni nŋu Amai Ilaaɔ̃i. Debɛi, bii Ilaaɔ̃ í nɛ kubiɛ ntɔ ntɔi ku faabaɛ.

Matie 3:13

Waati bɛɛbɛ Jesu í naa hai ilɛi Galilee nɔ í bɔ idoi Zuudɛ̃ɛ ku ba Zãa ku dasiɛ inyi.

Matie 3:16

Iyi í dasi Jesu inyi í tã, bɛ gbakã Jesu í fita wa hai si inɔ inyiu. Ŋɔi lelei Aɔ̃ í cĩ nɔ í yɛ Hundei Ilaaɔ̃ wa de siɛ wa bɛi ankasiidi.

Matie 3:17

Nɔ à gbɔ ide ku fɔ gɔ wa hai lele í ni, inɛ ihɛ̃i í jɛ Amam. Ǹ buu jiida jiida, siɛi inɔ didɔ̃m fei í ya wa.

Maaku 1:11

Nɔ à gbɔ ide ku fɔ wa hai lele í ni, awɔ amam nii, ǹ biɛ jiida jiida. Siɛi inɔ didɔ̃m fei í ya wa.

Maaku 1:9

Waati bɛɛbɛ Jesu í dede wa hai Nazarɛti si ilɛi Galilee í naa bi Zãa. Iyi í to wa nɔ Zãa í dasiɛ inyi si idoi Zuudɛ̃ɛ.

Maaku 9:7

Ŋɔi bukɔɔ gɔ í naa í bii ŋa, nɔ hai si bukɔɔu à gbɔ ide ku fɔ gɔ í ni, inɛ ihɛ̃i í jɛ amam, ǹ buu jiida jiida. I ya gbɔ ideɛ ŋa.

Luku 2:14

Amboe ku jɛ ti Ilaaɔ̃ hee lele. Nɔ laakai ku sũ ku wa si ilɛ si inɛ ŋa iyi Ilaaɔ̃ í bi.

Luku 4:21

Ŋɔi í sinti ideɛ ku sɔ̃ ŋa í ni, nnyii kukɔi idei Ilaaɔ̃ iyi ì gbɔ nsɛiu ŋa í kɔ̃.

Laabaau jiida iyi Zãa í kɔ 1:32

Ŋɔi Zãa í sɔ̃ ŋa má í ni, amu mɔ n kù mà mà nŋui à ni á na ku naau wo. Amma Ilaaɔ̃i í bɛm wa n naa n dasi inɛ ŋa inyi. Nɔ nŋui í sɔ̃m mii iyi á jɔ̀ n màa. Í ni an yɛ inɛ gɔ iyi Hundei nŋu á kita ku de siɛ wa nɔ ku maa wa bɛ. Nŋui á daa inɛ ŋa si Hundei nŋu. Ntɔ ntɔ ǹ yɛ Hundei Ilaaɔ̃u wa kita si Jesu wa hai lele. Hundeu í yɛi bɛi ankasiidi.

Laabaau jiida iyi Zãa í kɔ 12:28

Baaba, jɔ̀ bɛɛrɛi awɔ takaɛ ku kɔ̃ɔsi. Iyi Jesu í fɔ bɛɛbɛ ŋɔi à gbɔ ide ku fɔ gɔ wa hai lele í ni, ǹ nɛ bɛɛrɛ tã nɔ an jɔ̀ ku kɔ̃ɔsi má.

Laabaau jiida iyi Zãa í kɔ 5:37

Ilaaɔ̃ Baaba takaɛi wa jɛa inɛ ŋa sɛɛdam. Amma iŋɛ i kù gbɔ ide ku fɔɛ baa ajɔ akã ŋa hee má jɛ i yɔɔ do iju ŋa.

Woo bɛ ŋa 10:38

Ì mà bɛi Ilaaɔ̃ í mua Jesu inɛi Nazarɛtiu Hundeɛ ŋa do bɛi í muaa gbugbã. Nɔ í dabii si ilɛu fei wa ce jiida nɔ í jɔ̀ inɛ ŋa iyi à wa si awɔi Seetam fei à ba iri. Í ya maa ce bɛɛbɛi si na iyi í jɔ̀ Ilaaɔ̃ í wɛɛ do nŋu.

Kolosee 1:13

Do ntɔi í nya wa hai si awɔ gbugbãi ilu kuku nɔ í buba wa si bommai Amaɛ iyi í bi.

Piɛɛ 1, 2:4

I sɛkɛɛ si Lafɛ̃ɛ wa, nŋu iyi í jɛ kuta ilu hunde iyi inɛ ŋa à kɔ̀si, amma Ilaaɔ̃ í cicaɛ si na iyi í jɔ̀ í nɛ bɛɛrɛ bi tɛɛ.