Luku 3:2 - Bibeli do fee

² Ani do Kaifu ŋa mɔ à waa jɛ woo wee nlai Ilaaɔ̃. Waati bɛɛbɛi Ilaaɔ̃ í sɔ̃ Zãa amai Zakari ide si gbaa.

Luku 3:2 Iomraidhean Croise

Ezai 40:3

Inɛ gɔ wa dɔ̃ anu wa ni, i nyaa Aɔ̃ Lafɛ̃ɛ kpãa si gbaa ŋa. I teesea Aɔ̃ Lafɛ̃ɛ nwa kpãa ku munga anu si lɔɔma bii mandi kù wa.

Zeremi 1:2

Aɔ̃ Lafɛ̃ɛ í baa ide ku fɔ si adɔ̃ maatɛtasiai bomma ku jɛi Zoziasi amai Amɔɔ ilaalui Zudaau.

Zeremi 2:1

Ŋɔi Aɔ̃ Lafɛ̃ɛ í sɔ̃m í ni,

Ezekiɛli 1:3

Ntɔ ntɔ Aɔ̃ Lafɛ̃ɛ í ba amu Ezekiɛli amai Buzii woo weeu ide ku fɔ si ilɛi inɛi Kaladee ŋa kɔkɔi idoi Kebaa. Bɛi Aɔ̃ Lafɛ̃ɛ í jɔ̀ gbugbãɛ í naa sim.

Zonasi 1:1

Ajɔ nŋu gɔ Aɔ̃ Lafɛ̃ɛ í ba Zonasi amai Amitai ide ku fɔ í ni,

Misee 1:1

Aɔ̃ Lafɛ̃ɛ í ba Misee inɛi ilui Moresɛti ide ku fɔ, í jɔ̀ í ce kuyɛ si gãmɛi ilui Samari do ilui Zeruzalɛmu. Í ce kuyɛ ŋaui si waatii bomma ku jɛi Yotamu do Ahazi do Ezekiasi ilaalui ilɛi Zudaa ŋa.

Sofoni 1:1

Aɔ̃ Lafɛ̃ɛ í ba Sofoni ide ku fɔ si waati iyi Zoziasi amai Amɔɔ wa jɛ ilaalui Zudaa. Sofoniu amai Kusii wa jɛ. Kusiu mɔ amai Gedaliai, Gedalia mɔ amai Amariai, nɔ Amaria mɔ wa jɛ amai Ezekiasi.

Matie 11:7

Iyi mɔcɔi Zãa ŋau à gbɔ bɛi Jesu í fɔ, ŋɔi à sinda à nɛ. Waati iyi à waa nɛ, ŋɔi Jesu í lɔsi ku sisia zamaau idei Zãa í ni, mii ì bɔ ku cɔ si gbaau ŋa. Fɔfɔ iyi fufu wa yaya? Aawo.

Matie 26:3

Waati iyi Jesu wa sɔ̃ mɔcɔɛ ŋa ideu, inɛ ngboi woo weei Ilaaɔ̃ ŋau do inɛ ngboi Zuifu ŋau à tɔtɔɔ kabai Kaifu woo wee nlau.

Maaku 1:2

Í sinti si bɛi walii Ezai í tako í kɔ si tiaɛ í ni, Ilaaɔ̃ í ni, cɔ, an bɛ woo sisi idem wa si wajuɛ, iyi á teeseɛ kpãaɛ.

Luku 1:80

Iri iyi Zakari í kɔ̃u mbɛ. Si anyii nŋu amau wa la, nɔ bisiɛ wa kɔ̃ɔsi nɔ í koo í wa gbaa hee í koo í tóò ajɔ iyi í nyisi araɛ bantuma si wajui inɛi Izirɛli ŋa.

Laabaau jiida iyi Zãa í kɔ 1:23

Ŋɔi Zãa í so ide iyi walii Ezai í tako í fɔu í jɛ nŋa do í ni, amui ǹ jɛ inɛ iyi wa dɔ̃ anu si gbaa wa ni, i teese kpãai Lafɛ̃ɛ kú tɛ ŋa.

Laabaau jiida iyi Zãa í kɔ 18:24

Nɔ Ani í jɔ̀ à dũu à bɔòɛ bi Kaifu, woo wee nlau.

Woo bɛ ŋa 4:6

Ŋɔi à tɔtɔɔ aŋa do woo wee nlau iyi à ya kpe Ani, do Kaifu do Zãa do Alesandu do inɛ ŋa iyi à gbe si nyaanzei woo wee nlau fei.