Luku 3:16 - Bibeli do fee

¹⁶ Nɔ Zãa í sɔ̃ aŋa fei í ni, inyii amu ǹ wa n dasi ŋɛ, amma inɛ gɔ wa naa iyi í rem do gbugbã. N kù to n fũ baa ikũi baataɛ. Nŋui á da nŋɛ si Hundei Ilaaɔ̃ do ina.

Luku 3:16 Iomraidhean Croise

Mɔnda ŋa 1:23

I sotĩ i gbɔ kai iyi ǹ wa n dɔ̃ nŋɛ, nɔ n da nŋɛ si hundem n má nŋɛ inya do ikɔ ŋa.

Ezai 32:15

Ajɔ wa naa si bii Aɔ̃ Lafɛ̃ɛ á jɔ̀ hundeɛ ku naa si wa wa hai lele. Waati bɛɛbɛ, gbaa á kpaasi ku jɛ ikoi jĩi ŋa, nɔ ikoi jĩi ku baa ku jɛ bɛi agbo.

Ezai 4:4

Waati iyi Aɔ̃ Lafɛ̃ɛ á jɔ̀ fufui dee dee ku jɛ do iyi á jɔ̀ inɛ ku maaju ku naa, waati iyi á jɔ̀ inaaboi Zeruzalɛmu ŋau a maaju hai si riisi nŋa, do si waati iyi á jɔ̀ Siɔ̃ɔ ku maaju na njɛ iyi í dikã bi tɛɛ,

Ezekiɛli 36:25

An fã si ŋɛ inyi kumá iyi á jɔ̀ i maaju ŋa. An jɔ̀ i maaju ŋai hai si riisi nŋɛ ŋa fei, do hai si riisi iyi iwɛ̃ nŋɛ ŋa à dasi ŋɛ fei.

Zakari 13:9

Ikɔ akã iyi í gbeu an dasi ŋa ina n yɔɔ bɛi à ya yɔ isɔ fũfũ do wura si ina a nya jiidaɛ. Amui aa ya tɔɔ nɔ an ya n gbɔ kutɔɔ nŋa. An kpe ŋa zamaam nɔ aŋa mɔ aa ni, Aɔ̃ Lafɛ̃ɛi í jɛ Lafɛ̃ɛ nwa.

Matie 3:11

Amu inyii ǹ wa n dasi ŋɛ ku ba ku jɛ sɛɛdai idɔ ku kpaasi nŋɛ, amma inɛ gɔ á na ku naa si anyim. Í rem do gbugbã ntɔ ntɔ, n kù to baa n bɔ baataɛ. Nŋui á da nŋɛ si Hundei Ilaaɔ̃ do ina.

Matie 3:12

Wa mu mii ku fɛ bileeɛ si awɔ, nɔ ku kpã bileeu bii à kpokpoɛ, nɔ ku ko yɔyɔu ku dasi aka, sakou mɔ ku dasi ina iyi ci ya ku.

Laabaau jiida iyi Zãa í kɔ 1:26

Ŋɔi Zãa í jɛ nŋa í ni, amu inyii ǹ wa n dasi inɛ ŋa, amma inɛ iyi á na ku naau í wa anini nŋɛ nɔ i kù màa ŋa.

Laabaau jiida iyi Zãa í kɔ 1:27

Nŋui á naa si anyim. Nɔ n kù tosi n fũ baa ikũi baataɛ.

Laabaau jiida iyi Zãa í kɔ 7:38

Inɛ iyi í dasim naanɛ fei á yɛi bɛi inyii kuwɛɛ á maa cãi hai si idɔi lafɛ̃ɛ. Bɛɛbɛi kukɔi idei Ilaaɔ̃ í ni.

Woo bɛ ŋa 1:5

Zãa nŋu, inyii í dasi ŋɛ wo, amma si ajɔ minjiu ihɛ̃ aa da nŋɛ si Hundei Ilaaɔ̃.

Woo bɛ ŋa 10:44

Waati iyi Piɛɛ wa fɔ ide má, ŋɔi Hundei Ilaaɔ̃ í naa si inɛ ŋa iyi à waa gbɔ ideu fei.

Woo bɛ ŋa 2:33

Ilaaɔ̃ Baaba í soo lele í wa awɔ njɛɛ nɔ í muaa Hundeɛ iyi í wãaò wo. Nɔ nŋu mɔ í mua awa mɔ Hundeu. Nŋui ì waa yɛ nɔ ì waa gbɔ ŋa bɛ.

Kɔrɛnti 1, 12:13

domi Hunde akãi à da nwa si ku ba awa fei ka jɛ ara akã, hai Zuifu ŋa hee do dimi mmu ŋa, hai aru ŋa hee do inɛ ŋa iyi à nɛ ara nŋa. Nɔ bi Hunde akãui awa fei à waa mɔ.