Luku 3:11 - Bibeli do fee

¹¹ Nɔ í jɛ nŋa í ni, inɛ iyi í nɛ ibɔ minji ku so akã ku mua kpaasiɛ iyi kù nɛ, nɔ inɛ mɔ iyi í nɛ ijɛ ku kpɔ̃ɔ do kpaasiɛ.

Luku 3:11 Iomraidhean Croise

Ezekiɛli 18:7

Inɛɛu ci ya takii inɛ ŋa, nɔ tɔɔma iyi í gba, í ya sindoi. Ci ya ce ile. Inɛ iyi ari wa kpa, í ya muaa sɔndai. Inɛ iyi í wɛɛ basĩ, í ya muaa jĩnɛi.

Daniɛli 4:27

Nɔ í fɔ wa ni, iluu ihɛ̃ ilu nla iyi ǹ ma si ilɛi Babilɔnii kú jɛ bi kuwai kabai bommam. Ǹ maai na saabui gbugbã nlam ku ba n nyisi zaka bɛi kulai bɛɛrɛm í to.

Matie 25:40

Amu ilaaluu an jɛ nŋa n ni, ntɔ ntɔ, bii ì cea inɛ akãi inɛm ŋa iyi à kere à re ŋau ihɛ̃ bɛɛbɛ ŋa, amui ì cea ŋa.

Luku 11:41

Í sĩa i na ilu are ŋa mii iyi í wa si inɔ jɛɛ do kɔɔfu, nɔ mii fei á má nŋɛ.

Luku 18:22

Iyi Jesu í gbɔ bɛɛbɛ, ŋɔi í sɔ̃ɔ í ni, í gbeɛ mii akã. Koo i ta mii iyi ì nɛ fei nɔ i kpɛ̃a ilu are ŋa fiau. Bii ì ce bɛɛbɛ aa ba amani jiida lelei Aɔ̃. Si anyiɛ nɔ i naa i toom.

Luku 19:8

Amma Zakee í dede í leekĩ si wajui Lafɛ̃ɛ í ni, bubui amanim an na ilu are ŋa. Nɔ bii ǹ takii inɛ gɔ ŋa ǹ gba mii ndu ŋa, an sindo nŋa bɛɛbɛ má tuuba mɛɛ.

Laabaau jiida iyi Zãa í kɔ 13:29

Si bɛi Zudasii wa mu bɔgɔi fia nŋau, ŋɔi í jɔ̀ inɛ gɔ ŋa à tamaa Jesu í ni koo ra ngɔgɔ wa iyi aŋa aa jɛò jingaui walakɔ wa sɔ̃ɔ ku mua ilu are ŋa fiai.

Woo bɛ ŋa 10:2

Mɔkɔu wa too Ilaaɔ̃ nɔ í ya maa jirimaɛ ntɔ ntɔ, nŋu do nyaanzeɛ ŋa fei. Í ya maa ce kutɔɔ waati kãma fei, í ya nɔ ku sobi ilu arei Zuifu ŋa ntɔ ntɔ.

Woo bɛ ŋa 10:31

Nɔ í sɔ̃m í ni, Kɔɔnɛi, Ilaaɔ̃ í gbɔ kutɔɔɛ nɔ kù gbɛjɛ jiida ku ceɛ do bɛi ì ya maa sobi ilu are ŋa.

Woo bɛ ŋa 10:4

Ŋɔi í cɔ amalekau í kãsiɛ iju ŋɔi njo í muu nɔ í beeɛ í ni, Lafɛ̃ɛ, mii í ce. Ŋɔi amalekau í jɛaa í ni, Ilaaɔ̃ í gbɔ kutɔɔɛ, nɔ kù gbɛjɛ yaase bɛi ì sobi ilu are ŋau.

Efɛɛzu 4:28

Inɛ iyi í ya ce ile wo, ku maà ce ile má, amma ku ya ce icɛ do awɔɛ. Bɛɛbɛi á ba mii jiida ŋa iyi á sobiò ilu are ŋa.

Timɔtee 1, 6:17

Sɔ̃ ilu amani ŋa a maà ti a tɔɔ fufu, nɔ naanɛ nŋa ku maà wa si amani iyi á na ku tã, amma a jɔ̀ naanɛ nŋa ku wa si Ilaaɔ̃, nŋu iyi wa mu nwa fei ndɛɛ do inɔ akã ku ba ka wɛɛò inɔ didɔ̃.

Timɔtee 1, 6:18

Sɔ̃ ŋa a ce mii iyi í sĩa, a jɛ ilu amani si jiida ku ce, nɔ a ya kpɛ̃a inɛ ŋa amani nŋa do inɔ didɔ̃.

Ebɛɛ 6:10

Ilaaɔ̃ í jɛ inɛ dee dee, kaa gbɛjɛ icɛ nŋɛ do kubi iyi ì nyisi na iriɛ ŋa, si bɛi ì gbɔa inɛɛ ŋa wo ŋa, nɔ ì waa gbɔ nŋa baa nsɛi ŋa.

Zaaki 1:27

Kpãai Ilaaɔ̃ ku too iyi í má nɔ kù nɛ riisi kãma iyi Ilaaɔ̃ Baaba í jilɔɔ si í jɛ ntɔ, nŋui í jɛ inɛ ku ya ce araarei kɔyɔ ŋa do jaaɔ̃ ŋa iyi à waa wahala, nɔ ku mà araɛ ku mu si laalɔ yaamɔi andunya.

Zaaki 2:14

Kpaasim ŋa, riba yoomai amanɛ í nɛ bii í ni nŋu í jɛ woo dasi naanɛ nɔ kù waa ce kookoosuɛ. Naanɛu bɛ á faaba lafɛ̃ɛ?

Zãa 1, 3:17

Bii inɛ gɔ í nɛ amani si andunyau ihɛ̃, nɔ í yɛ kpaasiɛ í wa si are nɔ í toaa anyi, bɛirei kubii Ilaaɔ̃ á ce ku wa si inɛɛu bɛ.

Zãa 1, 4:20

Bii inɛ gɔ í ni nŋu í bi Ilaaɔ̃ nɔ í cé kpaasiɛ, ilu iboi, domi inɛ iyi kù bi kpaasiɛ iyi wa yɛ, kaa yɔkɔ ku bi Ilaaɔ̃ iyi kù waa yɛ.