Luku 3:1 - Bibeli do fee

¹ Waati iyi ilaalu nlai Romu iyi à ya kpe Tibɛɛ í ce adɔ̃ maatũ si bommaɛ, waati bɛɛbɛ Pɔnsu Pilatii wa jɛ ilu ilɛi Zudee, nɔ Herodu mɔ wa jɛ ilaalu si ilɛi Galilee, nɔ Filipu ifɔɛu mɔ wa jɛ ilaalu si ilɛi Iture do Takoniti, nɔ Lisania mɔ wa jɛ ilaalu si ilɛi Abilɛni.

Luku 3:1 Iomraidhean Croise

Kusintii Andunya 49:10

Batai bomma kaa fita hai si dimii Zudaa. Akpai bommau á maa wɛɛa tɔkuɛ ŋa hee Siloo koo toò wa. Nŋui zamaa á sũa iri ilɛ.

Matie 14:1

Si waati bɛɛbɛi Herodu, ilaalui Galileeu í gbɔ laabaaui Jesu.

Matie 14:3

Mii iyi í jɔ̀ Herodu í fɔ bɛɛbɛ wee. Herodu í tako í so Herodiasi aboi Filipu, ifɔɛ. Ŋɔi Zãa í sɔ̃ɔ í ni, kù sĩa i gba aboi ifɔɛ i dasi kpasɛ̃ɛ. Ide iyi Zãa í fɔ na irii Herodiasiui í jɔ̀ Herodu í ni a muu a dũu a dasiɛ piisɔ̃ɔ.

Matie 14:6

Ŋɔi ajɔ í naa í to bii Herodu wa ce jingau ku yeò gigii ajɔi kubíɛ. Nɔ ama inaaboi Herodiasi wa jojo si wajui inɛ ŋa iyi à kpe ku jɛu. Ŋɔi í dɔ̃a Herodu si jiida jiida

Matie 22:17

Na nŋu, sɔ̃ wa bɛi ì yɛ. Í sĩa ka sãa ilaalu Sezaa fiai lɛmpoo? Mà ka maà sãa.

Matie 27:2

Nɔ à dũu à koo à daa Pilati ilu ilɛu si awɔ.

Maaku 6:17

Mii iyi í jɔ̀ Herodu wa fɔ bɛɛbɛ wee. Herodu í tako í so Herodiasi aboi Filipu, ifɔɛ. Ŋɔi Zãa í sɔ̃ɔ í ni, kù sĩa i gba aboi ifɔɛ i dasi kpasɛ̃ɛ. Ide iyi Zãa í fɔ na irii Herodiasiui í jɔ̀ Herodu í ni a muu a dũu a dasiɛ piisɔ̃ɔ.

Maaku 6:21

Do nŋu fei, ajɔ nŋu gɔ Herodiasi í ba kpãaɛ. Ajɔ nŋu Herodu í nya jingau nla nla ku yeò gigii ajɔi kubíɛ. Ŋɔi í kpe akawe nlaɛ ŋa do inɛ ngboi soogeɛ ŋa, do inɛ ngboi ilɛi Galilee ŋa fei.

Luku 13:31

Waati nŋu, Farisi gɔ ŋa à naa à sɔ̃ Jesu à ni, koo, fita hai ihɛ̃ domi Herodu wa bi ku kpaɛi.

Luku 2:1

Waati bɛɛbɛ, ilaalu nlai Romu iyi à ya kpe Ogusitu í na wooda í ni a ce inɛ ŋa kuka si ilɛɛ fei.

Luku 23:24

Nɔ Pilati í dasi idɔ nŋu ku ce bɛi à biu.

Luku 3:19

Amma hai tako ilaalu Herodu í so Herodiasi aboi ifɔɛ í ce abo. Ŋɔi Zãa í gbagba siɛ na ideu do na daa laalɔ ŋa iyi í ce fei wo.

Luku 9:7

Wee Herodu ilu ilɛu, í gbɔ mii iyi Jesu wa ce fei, nɔ laakaiɛ í dede. Kù mà baa bɛi á lasabu má si na iyi í jɔ̀ inɛ gɔ ŋa à waa ni Zãai í jĩ hai si balɛ,

Woo bɛ ŋa 23:26

amu Kolodu Lisiasi, ǹ wa n ceɛ fɔɔ, awɔ Felisi ilu ilɛ ilu bɛɛrɛ nla nlau.

Woo bɛ ŋa 24:27

Iyi í ce bɛi adɔ̃ minji ŋɔi Pɔsiu Fesitu í na í sãsi agbɛi Felisi. Wee Felisi í jɔ̀ Pɔlu ile piisɔ̃ɔ bɛi si na iyi í jɔ̀ wa bi nŋu ku nɛ bɛɛrɛ bi Zuifu ŋau.

Woo bɛ ŋa 26:30

Iyi Pɔlu í fɔ bɛɛbɛ í tã ŋɔi ilaaluu do ilu ilɛu do Berenisi do inɛ ŋa iyi à wa bi tu ŋau fei à dede

Woo bɛ ŋa 4:27

Ilaaɔ̃ Baaba, ide iyi Davidi í fɔu bɛ ntɔi, domi Herodu do Pɔnsu Pilati à ce anu akã. À tɔtɔɔ do dimi mmu ŋa do inɛi Izirɛli ŋa si iluu ihɛ̃ à yɛ taalei Jesu woo ce icɛ kumáɛ iyi ì cica ì nyaa ikãu.