Luku 24:51 - Bibeli do fee

⁵¹ Waati iyi wa wee nŋau, ŋɔi í sɛkɛɛ hai bi tu ŋa nɔ í so araɛ í nɛ lele.

Luku 24:51 Iomraidhean Croise

Ilaalu 2, 2:11

Si bɛi à fɔ ideu à waa nɛò, ŋɔi sarɛtii ina gɔ do acĩi ina gɔ ŋa à faata wa à na à fɛɛfɛ ŋa. Nɔ Elii í nɛ lelei Aɔ̃ si inɔi fufu dabii.

Maaku 16:19

Iyi Lafɛ̃ɛ Jesu í sɔ̃ ŋa ideu í tã, ŋɔi à soo lele í koo í buba si awɔ njɛi Ilaaɔ̃.

Luku 24:50

Ŋɔi Jesu í gbã mɔcɔɛ ŋau í fitaò ŋa hai inɔ iluu. Nɔ í bɔò ŋa hee ikpa Betani, nɔ í wu awɔ lele í wee nŋa.

Luku 24:52

Aŋa mɔ iyi à gulɛ à tɔɔɛ ŋɔi à nyi ikpa Zeruzalɛmu do inɔ didɔ̃ nla nla.

Laabaau jiida iyi Zãa í kɔ 20:17

Ŋɔi Jesu í sɔ̃ɔ í ni, jɔ̀m, maà lum, domi n kù bɔ lele bi Baam titã. Amma bɔ bi mɔcɔm ŋa, sɔ̃ ŋa i ni ǹ wa n bɔ bi Ilaaɔ̃. Nŋui í jɛ baam, nɔ í jɛ baai iŋɛ mɔ.

Woo bɛ ŋa 1:9

Iyi Jesu í fɔ ideu í tã, ŋɔi à waa cɔɔ nɔ à ba wee í nɛ ikpa lele nɔ kudũi ijĩ gɔ í jɔ̀ a kù yɔɔ má.

Ebɛɛ 1:3

Amboe iyi Ilaaɔ̃ í nɛ fei, si Amaɛi à yɔɔ. Amau í jɔ Ilaaɔ̃ takaɛ dee dee, í nɔ wa mu mii fei do gbugbãi ideɛ. Waati iyi í ce icɛ iyi á kpa idei dulum dii inɛ ŋa í tã, ŋɔi í koo í buba lele si awɔ njɛi Ilaaɔ̃ ilu gbugbã fei.

Ebɛɛ 4:14

Do ntɔi à nɛ woo wee nla iyi í bɔ lelei Aɔ̃ í to hee bi Ilaaɔ̃ takaɛ. Nŋui í jɛ Jesu Amaɛ. Na nŋu, ka leekĩ dim dim si naanɛ iyi à dasi,