Luku 24:50 - Bibeli do fee

⁵⁰ Ŋɔi Jesu í gbã mɔcɔɛ ŋau í fitaò ŋa hai inɔ iluu. Nɔ í bɔò ŋa hee ikpa Betani, nɔ í wu awɔ lele í wee nŋa.

Luku 24:50 Iomraidhean Croise

Kusintii Andunya 27:4

Bii ì baa nɔ i naa i bandaɛ bɛi ǹ ya n biu i naam wa n ŋɔ, ku ba n weeɛ n bɛi n ku.

Kusintii Andunya 48:9

Nɔ Zozɛfu í jɛ í ni, amu ŋa iyi Ilaaɔ̃ í muum si ilɛi Ezibiti ihɛ̃ mbɛ. Nɔ Zakɔbu í ni, naaò ŋa wa n wee nŋa.

Kusintii Andunya 49:28

Do yaase bɛɛbɛi Zakɔbu í weea amaɛ ŋa, aŋa iyi aa na a jɛ dimi maateejii inɛi Izirɛli ŋau. Í cea inɛ fei kuweeɛi ikã ikã.

Kuwee 9:22

Waati iyi Arɔ̃ɔ í kooò kuwee iyi á kpa idei dulum ŋau, do kuwee ŋa iyi à ya jo si ina fei sãa sãau, do kuweei anu akã ŋau, ŋɔi í wu awɔ lele í weea inɛ ŋau í bɛi í kita wa hai si antaii bi kuweeu.

Matie 21:17

Si anyii nŋu, í jɔ̀ ŋa í nɛ hai ilu bɛ í koo í sũ Betani.

Maaku 10:16

Ŋɔi í so amu ŋau si ikpaɛ í lesi aŋa fei awɔ, nɔ í wee nŋa.

Maaku 11:1

Jesu do mɔcɔɛ ŋa à maai Zeruzalɛmu wa. À wa tengii Bɛtifazee do Betani, nɔ à to geetei Olivie ŋau. Ŋɔi Jesu í bɛ mɔcɔ minjiɛ gɔ ŋa,

Luku 24:51

Waati iyi wa wee nŋau, ŋɔi í sɛkɛɛ hai bi tu ŋa nɔ í so araɛ í nɛ lele.

Woo bɛ ŋa 1:12

Iyi inɛ ŋau à fɔ bɛɛbɛ à tã, ŋɔi woo bɛ ŋau à sinda wa hai geetei Olivie bii à wau à nyi wa Zeruzalɛmu. Iri kutau í wa kɔkɔi iluu zakai kiloo akã.

Woo bɛ ŋa 1:9

Iyi Jesu í fɔ ideu í tã, ŋɔi à waa cɔɔ nɔ à ba wee í nɛ ikpa lele nɔ kudũi ijĩ gɔ í jɔ̀ a kù yɔɔ má.

Timɔtee 1, 2:8

Na nŋu, tengi bii à ya ce kutɔɔ ŋa fei, bii inɛmɔkɔ ŋa à wu awɔ lele à waa ce kutɔɔ, ǹ bi ku ya jɛ do idɔ kumá, idɔɔkɔ̃ do kakɔɔ ku maà ya wa si.

Zozue 22:6

Si anyii nŋu, ŋɔi Zozue í wee nŋa nɔ í ni má, bɛbɛi do amani nla nlai ì waa nyiò ilei acɔ nŋɛ ŋa. Ì gba mɛɛmu gaa ŋa do isɔ fũfũ do wura do isɔ nkpa do isɔ dũdũ do ibɔ ŋa hai bi mbɛɛ nŋɛ ŋa. Amani iyi ì ba ŋau bɛ fei ŋa i koo i ce ikpɛ̃ɛ do inɛ nŋɛ ŋa iyi ì jɔ̀ bɛ ŋau. Iyi Zozue í fɔ bɛɛbɛ í tã nɔ í ni a nɛ. Dimii Manasee ŋau wee bubu nŋai Moizi í tako í na inya gɔ si ilɛi Basãa ikpa nunui daakɔi idoi Zuudɛ̃ɛu, nɔ bubu iyi í gbeu Zozuei í kpɛ̃a aŋa mɔ ilɛ ŋa ikpa nunui alɛu kɔkɔi kpaasi nŋa ŋa.