Luku 24:49 - Bibeli do fee

⁴⁹ Nɔ an samba nŋɛ mii iyi Baam í wã ŋɛ dou wa. Amma si iluu ihɛ̃i aa maa wa ŋa hee gbugbãi Ilaaɔ̃ ku naa si ŋɛ wa.

Luku 24:49 Iomraidhean Croise

Ezai 32:15

Ajɔ wa naa si bii Aɔ̃ Lafɛ̃ɛ á jɔ̀ hundeɛ ku naa si wa wa hai lele. Waati bɛɛbɛ, gbaa á kpaasi ku jɛ ikoi jĩi ŋa, nɔ ikoi jĩi ku baa ku jɛ bɛi agbo.

Laabaau jiida iyi Zãa í kɔ 14:26

Amma Hundei Ilaaɔ̃, Woo mua gbugbãu, á maa kɔ ŋɛ si mii fei, nɔ ku maa ye ŋɛ gigii ide ŋa iyi ǹ tako ǹ sɔ̃ ŋɛ fei. Nŋui Baaba á bɛ nŋɛ wa do irim nɔu.

Laabaau jiida iyi Zãa í kɔ 15:26

Amma an bɛ nŋɛ Hundei Ilaaɔ̃ wa, nŋui á jɔ̀ inɛ ŋa a mà ntɔu. Nŋui í jɛ Woo mua gbugbãu, nɔ hai bi Ilaaɔ̃ Baabai á naa. Bii í to wa nŋui á jɛ nŋɛ sɛɛdam.

Woo bɛ ŋa 1:4

Ajɔ nŋu gɔ, si bɛi Jesu do mɔcɔɛ ŋa à wa inya akã í sɔ̃ ŋa í ni, i maà tekĩ hai Zeruzalɛmu ŋa, amma i degbe amua iyi Ilaaɔ̃ Baaba í wãò ŋɛu, amua iyi ǹ tako ǹ sɔ̃ ŋɛ ideɛu.

Woo bɛ ŋa 1:8

Amma aa ba gbugbã ŋa waati iyi Hundei Ilaaɔ̃ á naa si ŋɛ. Aa jɛa inɛ ŋa sɛɛdam ŋa si ilui Zeruzalɛmu, do si ilɛi Zudee fei, do si ilɛi Samari hee ku bɔ do kɔɔi andunya fei.

Woo bɛ ŋa 16:7

Iyi à to ilɛi Mizi ŋɔi à waa bi a bɔ ilɛi Bitini, amma Hundei Jesu í kɔ̀ nŋa.