Luku 24:48 - Bibeli do fee

⁴⁸ Iŋɛi aa jɛ sɛɛdai ide ŋau bɛ fei ŋa.

Luku 24:48 Iomraidhean Croise

Laabaau jiida iyi Zãa í kɔ 15:27

Nɔ iŋɛ mɔ aa jɛa inɛ ŋa sɛɛdam ŋa, si na iyi í jɔ̀ awaɛ ŋai à wɛɛ hai waati iyi ǹ sinti icɛm.

Woo bɛ ŋa 1:8

Amma aa ba gbugbã ŋa waati iyi Hundei Ilaaɔ̃ á naa si ŋɛ. Aa jɛa inɛ ŋa sɛɛdam ŋa si ilui Zeruzalɛmu, do si ilɛi Zudee fei, do si ilɛi Samari hee ku bɔ do kɔɔi andunya fei.

Woo bɛ ŋa 10:39

Awai à waa jɛa inɛ ŋa sɛɛdai mii iyi í ce ilɛi Zuifu ŋa do ilui Zeruzalɛmu fei. Nɔ inɛ ŋa à kpakpaɛ si jĩi à kpaa.

Woo bɛ ŋa 10:41

Kù nɔ kù jɛ inɛ feii í yɔɔ bii kù jɛ awa iyi à jɛ sɛɛda iyi Ilaaɔ̃ í cica hai tako, awa iyi à jɛ nɔ à mɔ do nŋu si anyii kujĩɛ hai si balɛ.

Woo bɛ ŋa 13:31

nɔ si afei ajɔ nkpɔ nkpɔ í nyisi inɛ gɔ ŋa araɛ. Inɛ ŋau, aŋai à tooɛ wa wo hai ilɛi Galilee à naa Zeruzalɛmu. Aŋai à waa jɛ sɛɛdai ideɛ nsɛi bi inɛi Izirɛli ŋa.

Woo bɛ ŋa 2:32

Jesuu iyi ǹ wa n fɔ ideɛ, Ilaaɔ̃ í jũu hai si balɛ nɔ awa fei à jɛ sɛɛda.

Woo bɛ ŋa 22:15

Awɔi aa jɛ sɛɛdaɛ i sɔ̃ inɛ fei mii iyi ì yɛ do iyi ì gbɔ.

Woo bɛ ŋa 3:15

Si bɛɛbɛ ì kpa inɛ iyi í jɛ irii kuwɛɛu ŋa. Amma Ilaaɔ̃ í jũu hai si balɛ, nɔ awa à yɔɔ.

Woo bɛ ŋa 4:33

Do gbugbã nla nlai woo bɛ ŋau à waa sisiò kujĩi Lafɛ̃ɛ Jesu hai si balɛ, nɔ didɔ̃ nla nlai Ilaaɔ̃ í wa si aŋa fei.

Woo bɛ ŋa 5:32

Awai à jɛ sɛɛdai mii ŋau bɛ, awa do Hundei Ilaaɔ̃ iyi Ilaaɔ̃ í mua inɛ ŋa iyi à waa jirimaɛ.

Piɛɛ 1, 5:1

Nsɛi, si inɔ nŋɛ, inɛ ŋa iyi à jɛ inɛ ngboi igbɛi Ilaaɔ̃ ŋai ǹ wa n fãa. Amu mɔ inɛ ngboi bɛi aŋa mɔ, ǹ nɔ ǹ jɛ́ sɛɛdai ijuukpãi Kirisi nɔ ǹ nɛ ikpɛ̃ si amboe iyi á na ku naa.