Luku 24:44 - Bibeli do fee

⁴⁴ Ŋɔi í ye ŋa gigi í ni, ide ŋa iyi ǹ sɔ̃ ŋɛu mbɛ si waati iyi ǹ wa inɔ nŋɛ wo. Ǹ tako ǹ sɔ̃ ŋɛ wo ǹ ni mii ŋa iyi à kɔ na irim si tiai woodai Moizi ŋa do si ti walii ŋau do si iri ku kɔ̃i Davidi ŋau kù nɛ bɛi á ce iyi kù ce.

Luku 24:44 Iomraidhean Croise

Kusintii Andunya 14:18

Ŋɔi Mɛɛkizedɛki ilaalui Salɛmu í naaò pɛ̃ɛ wa do atɛ̃ vɛ̃ɛ. Wee mɔkɔu woo weei Ilaaɔ̃ iyi í re mii feii.

Kusintii Andunya 22:18

Dimi fei á ba kuwee si andunyau ihɛ̃ na saabui dimiɛ ŋa si na iyi í jɔ̀ ì jirima idem.

Kusintii Andunya 3:15

An dasi mbɛɛtɛ si gãmɛi awɔ do abou, do si dimiɛ hee do si dimii abou fei. Dimii abou á lɛgɛ iriɛ, nɔ awɔ mɔ aa mɛɛ cicĩisɛɛ.

Kusintii Andunya 49:10

Batai bomma kaa fita hai si dimii Zudaa. Akpai bommau á maa wɛɛa tɔkuɛ ŋa hee Siloo koo toò wa. Nŋui zamaa á sũa iri ilɛ.

Iri ku kɔ̃ 118:22

Kuta iyi woo ma ŋau à kɔ̀siu, nŋui í baa í jɛ kuta ku nɛ gbugbãi gontai icui ileu.

Ezai 28:16

Na ŋɔi í jɔ̀ Aɔ̃ Lafɛ̃ɛ í fɔ í ni, an jilɛ kutai icui ile Siɔ̃ɔ. Kutai iyi an jilɛò icui ileu kuta ku nɛ bɛɛrɛ gɔi iyi í nɛ gbugbã ntɔ ntɔ. Do nŋui an cɔò laakai nŋɛ. Inɛ iyi í dasim naanɛ, bɛɛbɛi nŋu mɔ á nɛ gbugbã dim dim.

Ezai 52:13

Aɔ̃ Lafɛ̃ɛ í ni kuwɛɛi woo ce icɛi nŋu á maa bɔ do wajui. Á dedei ku la nɔ ku nɛ bɛɛrɛ nla nla.

Ezai 7:14

Na nŋu, Aɔ̃ Lafɛ̃ɛ takaɛ á na ŋɛ nyinda gɔ. Nyindau wee. Ama mudɛ̃ɛ gɔ á nɛ asĩ nɔ ku bí ama inɛmɔkɔ. Waati iyi á na ku bí amau, Emanuɛlii á kpoo, waatɔ Ilaaɔ̃ í wɛɛ do awa.

Ezai 9:6

Á jɔ̀ yiikoɛ ku bɔ ku jĩi, nɔ ku jɔ̀ laakai ku sũ hai nɛ kɔɔ ku maa wɛɛ. Nŋui á buba si kitãi bommai Davidi nɔ nŋui á jɛ ilaalui bommau ku ba ku muaa gbugbã nɔ ku jɔ̀ ku maa leekĩ si ntɔ do si dee dee ku jɛ hai nsɛi hee do ajɔ fei. Mii iyi Aɔ̃ Lafɛ̃ɛi lele do ilɛ á ce mbɛ si kubi nlaɛ.

Zeremi 23:5

Ŋɔi Aɔ̃ Lafɛ̃ɛ í ni, ajɔ wa naa si bii an jɔ̀ inɛ dee dee gɔ ku fita si tuubai Davidi bɛi ijui dimi ku gbɛ̃ iyi í fita. Nŋui á jɛ ilaalu nɔ á maa mu ilɛui do laakai jiida. Nŋui á ce mii iyi í tɛ do iyi í jɛ dee dee si ilɛu.

Zeremi 33:14

Aɔ̃ Lafɛ̃ɛ í nyi í fɔ má í ni, ajɔ wa naa si bii an kɔ̃ idei jiida ŋa iyi ǹ ni an cea inɛi Izirɛli ŋa do inɛi Zudaa ŋa.

Ezekiɛli 17:22

Iyi bɛi í jɔ̀ amu Aɔ̃ Lafɛ̃ɛ ǹ fɔ ǹ ni, amu takam nii an ga amaawɔ kpɔtɔɔi sɛɛdi iyi í kpa iri lelei jĩi nɔu wa nɔ n koo n lɔɔ si antaii iri kuta kugboka gɔ.

Ezekiɛli 34:23

Woo degbe akãi an jilɛ nŋa iyi á maa gbã ŋa nɔ ku maa gbɔ nŋa. Woo ce icɛm Davidii á jɛ woo degbe nŋa, nŋui á maa cɔ mɛɛmu gaam ŋau.

Daniɛli 2:44

Si waatii ilaalu ŋau bɛ, Ilaaɔ̃ Lafɛ̃ɛi lele á jilɛ bomma gɔ iyi kaa ce nfe ajɔ kãma, nɔ kaa jɛ arui dimi mmu kãma gɔ má. Bommau á lɛgɛ bomma ŋa iyi à cuaa wa ŋau feii, nɔ ku kpa irii kuwɛɛ nŋa. Bommau á maa wɛɛi hee do ajɔ fei.

Daniɛli 7:13

Si kuyɛm ŋa iyi ǹ ce idũu, ǹ ba wee si kudũi ijĩ wa hai lelei Aɔ̃ inɛ gɔ iyi í jɔ amanɛ í nɛ wa naa bi mɔkɔ ngbou, nɔ à gbã à naaɛ wa bi tɛɛ.

Ozee 3:5

Si anyiɛ, inɛi Izirɛli ŋau aa sinda a nyi wa, nɔ aa maa dɛdɛ Aɔ̃ Lafɛ̃ɛ do ilaalu nŋa iyi à bí si dimii Davidiu. Si zigiida nŋau, aa maai si Aɔ̃ Lafɛ̃ɛ wa nɔ aa maai si jiida ku jɛɛ si waati ŋa iyi wa mɔsi do waju.

Amɔsu 9:11

Waati wa naa si bii an teese n ma kusui Davidi iyi í cukuu, nɔ n dĩ fooɛ ŋau. An teese bommaɛ, nɔ n máa bɛi í tako í yɛ wo.

Zakari 12:10

An jɔ̀ kpasɛ̃i Davidi do inɛi Zeruzalɛmu ŋa a nɛ araare nɔ a ya ce kutɔɔ, nɔ a sinda wa sim a cɔ amu iyi à gũ do jĩnɛi igũ. Aa kpata sim bɛi inɛ iyi ama akã lege legeɛ í ku. Aa kpata do inɔ kufɔ nla nla bɛi inɛ iyi ama yemmaɛ í ku.

Zakari 13:7

Aɔ̃ Lafɛ̃ɛi lele do ilɛ í ni, taakuba, cuku si woo degbe inɛm ŋa, nŋu iyi ǹ jɔ̀ í jɛ minjisiam. Kpa woo degbeu nɔ angudã ŋau a fangaa bii fei, nɔ n cuku si iyi a kù nɛ gbugbã ŋau mɔ.

Zakari 14:4

Waati bɛɛbɛ á leekĩi si geetei Olivie iyi í wa kɔkɔi Zeruzalɛmu ikpa nunui daakɔi iluu. Nɔ ku kpalɔɛ geeteu minji hai nunui daakɔ hee ku bɔ nunui alɛ. Ikpa akã ku nɛ ikpa awɔ njɛi kpãai inunu, nɔ akã mɔ ku nɛ ikpa awɔ cangai kpãai inunu, nɔ angbɔɔ nla ku ce si afei iri kuta minjiu.

Zakari 6:12

Nɔ i sɔ̃ Zozue i ni, Aɔ̃ Lafɛ̃ɛi lele do ilɛ í ni, inɛ gɔ wee í wɛɛ iyi à ya kpe ijui dimi ku gbɛ̃ iyi wa fita wa. Á fitai tengi bii í wau. Nŋui á ma kpasɛ̃m.

Zakari 9:9

Iŋɛ inɛi Siɔ̃ɔ ŋa i wɛɛò inɔ didɔ̃ ŋa. Nɔ iŋɛ inɛi Zeruzalɛmu ŋa, i dɔ̃ anu do inɔ didɔ̃ ŋa. I cɔ, ilaalu nŋɛ wa naa bi tu ŋɛ. Í jɛ dee dee, nɔ í jɛ woo jɛ igũ. Á naai do ara ku kaye, ku maa gũ gbankɛlɛ. Gbankɛlɛu, ama gbankɛlɛi.

Kuka 21:8

Ŋɔi Aɔ̃ Lafɛ̃ɛ í jɛa í ni, ce njo do isɔ, nɔ i gũu lele si jĩi gɔ, inɛ iyi njo í ŋɔ bɛbɛi fei, bii í wu iju lele í cɔɔ, lafɛ̃ɛ kaa ku má.

Kuka 35:25

Zamaau á jɔ̀ a gba inɛ iyi í ce daaui hai si awɔi inɛ iyi wa jaa ikuu, nɔ á jɔ̀ ku nyi ilu bii í tako í sa í koo í manjiui. Á maa wa bɛi hee woo wee nla iyi à fãsi ikpo kumáu ku ku.

Matie 1:22

Mii ŋau ihɛ̃ fei í cei ku ba ide iyi Aɔ̃ Lafɛ̃ɛ í tako í sɔ̃ walii Ezai ku sisia inɛ ŋau ku kɔ̃,

Matie 16:21

Hai waati bɛɛbɛi Jesu í sinti ku sɔ̃ mɔcɔɛ ŋa í ni tilasii nŋu ku bɔ Zeruzalɛmu. Tengi bɛi inɛ ngbo ŋa do inɛ ngboi woo weei Ilaaɔ̃ ŋa do woo kɔ inɛ ŋa si wooda ŋa aa kpã nŋu iju. Aa kpa nŋu, amma si ajɔ mɛɛtasia nŋu á jĩ má hai si balɛ.

Matie 26:54

Amma bii ǹ ce bɛɛbɛ, kukɔi idei Ilaaɔ̃ iyi í ni mii ŋau ihɛ̃ fei á bam nɔu kaa kɔ̃.

Matie 26:56

Amma mii ŋau ihɛ̃ fei wa cei ku ba ide iyi walii ŋau à fɔ si kukɔi idei Ilaaɔ̃ ku kɔ̃. Ŋɔi mɔcɔ ŋau fei à jɔ̀ɔ à sa.

Maaku 9:31

domi wa kɔ mɔcɔɛ ŋau si cio nɔ í sɔ̃ ŋa í ni, aa mu amu Amai Amanɛ a daa inɛ ŋa si awɔ. Aa kpam, amma si ajɔ mɛɛtasia an jĩ hai si balɛ má.

Luku 21:22

Ntɔ ntɔ, waatiu á jɛ waati iyi Ilaaɔ̃ á kpã inɛ ŋa iju ku sã gbese ku ba mii iyi à fɔ si kukɔi ideɛ ku kɔ̃.

Luku 22:37

Si anyii nŋu má, í sɔ̃ ŋa í ni, ideu ihɛ̃ iyi à kɔ na irim nɔu á cei, si bɛi à ni, à dooaɛ si woo ce laalɔ ŋa. Kù nɔ kù nɛ bɛi á ce iyi kù ce bɛɛbɛ.

Luku 24:46

Nɔ í sɔ̃ ŋa í ni, bɛɛbɛi à kɔɔ à ni amu iyi Ilaaɔ̃ í cica an yɛ ijuukpã. Aa kpam, amma an jĩ hai si balɛ si ajɔ mɛɛtasia.

Luku 9:22

Nɔ Jesu í sɔ̃ ŋa má í ni, amu Amai Amanɛ, kù nɛ bɛi á ce iyi n kù yɛ ijuukpã ntɔ ntɔ. Inɛ ngboi Zuifu ŋa do inɛ ngboi woo weei Ilaaɔ̃ ŋa do woo kɔ inɛ ŋa si wooda ŋa aa kɔ̀sim a kpam, amma an jĩ hai si balɛ si ajɔ mɛɛtasia.

Luku 9:44

iŋɛ, i de itĩ i gbɔ ide iyi ǹ wa n sɔ̃ ŋɛu ihɛ̃ sãa sãa ŋa. Aa mu amu Amai Amanɛ a daa inɛ ŋa si awɔ.

Laabaau jiida iyi Zãa í kɔ 3:14

Si bɛi Moizi í kɔa njo si jĩi í wuu lele si gbaau, bɛɛbɛ mɔi amu Amai Amanɛ kù nɛ bɛi á ce iyi a kù wu aram lele,

Laabaau jiida iyi Zãa í kɔ 5:39

Iŋɛ ì ya maa cio kukɔi idei Ilaaɔ̃ si na iyi í jɔ̀ ì waa tamaa aa ba siɛ kuwɛɛ hai tã ŋa. Nɔ wee kukɔ ŋau bɛ fei wa jɛa inɛ ŋa sɛɛdam.

Laabaau jiida iyi Zãa í kɔ 5:46

Bii ì dasi Moizi naanɛ ntɔ ntɔ ŋa wo, aa dasi amu mɔ naanɛ ŋa, domi idem nii Moizi í kɔ.

Woo bɛ ŋa 13:33

Í jɔ̀ kuwãu í kɔ̃ si waati nwa. Awa tɔku nŋa ŋa, awai à yɛ kuwãu í kɔ̃ waati iyi í jĩ Jesu hai si balɛ si bɛi à kɔɔ si tiai Iri ku kɔ̃ ŋa iri minjisia à ni, Ilaaɔ̃ í ni, awɔi ì jɛ amam, hai nnyi ǹ jɛ Baaɛ.

Woo bɛ ŋa 13:40

Na nŋu, i ce laakai ŋa mii iyi walii ŋa à fɔu ku maà ba ŋɛ, iyi à ni,

Woo bɛ ŋa 2:27

domi awɔ Ilaaɔ̃ i kaa jɔ̀ hundem bi kuwai iku ŋa. Bɛɛbɛ mɔi i kaa jɔ̀ arai amu Inɛ Kumáɛ ku sãmi.

Woo bɛ ŋa 3:18

Ilaaɔ̃ í jɔ̀ walii ŋau fei à tako à fɔ ideɛ wo. Nɔ bɛɛbɛ mɔi bɛi à fɔu fei í kɔ̃. Ide iyi à fɔu nŋui í jɛ à ni, kù nɛ bɛi á ce iyi inɛ iyi Ilaaɔ̃ í cicau kù yɛ ijuukpã.

Woo bɛ ŋa 7:37

Moizi takaɛ í nyi í sɔ̃ inɛi Izirɛli ŋau má í ni, Ilaaɔ̃ á bɛ si ŋɛ walii wa bɛi amu, iyi á jɛ inɛ akã nŋɛ.

Ebɛɛ 10:1

Woodai Moizi idei mii ŋa iyi à jɔ mii jiida ŋa iyi aa na a naai wa fɔ, kù jɛ mii jiida ŋau taka nŋa. Na nŋu, inɛ ŋa iyi à waa sɛkɛɛ si Ilaaɔ̃ do kuwee ŋa iyi à ya maa ce dimi akã adɔ̃ do adɔ̃ hai nɛ kɔɔ, woodau bɛ kaa yɔkɔ ku jɔ̀ a kɔ̃ mam mam.

Ebɛɛ 3:5

Si icɛ iyi Moizi í cea inɛi Izirɛli ŋa fei, í yɛ bɛi amaacɛ ilu naanɛ si kpasɛ̃i Ilaaɔ̃ ku jɛ nwa sɛɛdai mii iyi á na ku ce.

Ebɛɛ 7:1

Mɛɛkizedɛkii í jɛ ilaalui Salɛmu do woo weei Ilaaɔ̃ nŋu iyi í re fei. Si waati iyi Aburahamu í jɛ amanlu ŋa igũ wa baa, ŋɔi Mɛɛkizedɛki í bɔ ku kòo nɔ ku weeaa.

Ebɛɛ 9:8

Bɛɛbɛi Hundei Ilaaɔ̃ wa nyisi wa iyi kpãa iyi wa bɔ inɔ ntɔ iyi í re do kumá iyi í wa leleu a kù cũu titã waati iyi ile sinteu í wɛɛ.

Piɛɛ 1, 1:11

Hundei Kirisiu í wa si ŋa nɔ í sɔ̃ ŋa do njuma iyi Kirisi á ba ijuukpã, nɔ si anyiɛ á ba amboe. Nɔ à ce himma ku ba a mà waatiu do kpãa iyi wa fãau.

Kuyɛi Zãa 19:10

Ŋɔi ǹ sɛɛbata ku ba n tɔɔɛ, amma í ni, maà ce bɛɛbɛ. Amu mɔ woo ce icɛi bɛi awɔ do bɛi kpaasiɛ ŋa iyi à waa mu ide ntɔ iyi Jesu í nyisi wau. Tɔɔ Ilaaɔ̃. Ide ntɔ iyi Jesu í nyisi wau nŋui í jɛ icui idei walii fei.