Luku 24:4 - Bibeli do fee

⁴ Si bɛi à waa leekĩ do bitiu ŋɔi amanɛ minji gɔ ŋa à naa si ŋa à waa dasi ibɔ ku daana gɔ ŋa.

Luku 24:4 Iomraidhean Croise

Kusintii Andunya 18:2

Yaase bɛi í faataò wa bi tɛɛ wee. Aburahamu í wu iju í cɔ ilu nɔ í yɛ inɛmɔkɔ mɛɛta gɔ ŋa à waa leekĩ si wajui nŋu. Iyi í yɛ ŋa bɛɛbɛ ŋɔi í sɛi í bɔ bi tu ŋa. Í koo í sɛɛbata si waju nŋa.

Maaku 16:5

Ŋɔi à lɔ inɔ balɛu nɔ à yɛ awaasũ gɔ wa buba do awɔ njɛ bɛ, wa dasi jaba fũfũ, nɔ njo í mu ŋa jiida jiida.

Luku 2:9

Ŋɔi amalekai Ilaaɔ̃ gɔ í faata si ŋa wa, nɔ inya kumá nla gɔ í kaako ŋa. Inya kumáu amboei Lafɛ̃ɛui. Ŋɔi njo í mu ŋa jiida.

Luku 24:5

Ŋɔi inaabo ŋau à waa ce njo nɔ à kɔmba iri nŋa ilɛ, nɔ inɛ ŋau à sɔ̃ ŋa à ni, na mii í ce ì waa dɛdɛ ilu hunde bi kuwai iku ŋa.

Woo bɛ ŋa 1:10

Waati iyi à waa cɔɔ wa nɛ ikpa lelei Aɔ̃, ŋɔi gbakã à yɛ woo dasi ibɔ fũfũ minji gɔ ŋa bɛ à waa leekĩ kɔkɔ nŋa.

Woo bɛ ŋa 12:7

Ŋɔi gbakã amalekai Ilaaɔ̃ gɔ í naa si ile piisɔ̃ɔu, ŋɔi inya í má. Ŋɔi amalekau í cã Piɛɛ si cingaaɛ í jũu í ni, dede ńya ńya. Bɛ gbakã sesee ŋau à cuku hai si awɔɛ ŋa.

Timɔtee 1, 3:16

Do ntɔ, inɛ gɔ kù wɛɛ iyi á yɔkɔ ku jã kulai asiii kpãai Ilaaɔ̃ ku tɔɔ nwa. Kirisi í baa í jɛ amanɛ nɔ à yɔɔ, nɔ Hundei Ilaaɔ̃ í jɔ̀ à mà iyi inɛ dee deei. Amaleka ŋa mɔ à yɔɔ. Inɛ ŋa à waazo ideɛ si dimi baa yooma fei. Nɔ à dasi ideɛ naanɛ si andunya. Nɔ à soo lele í nyi si amboeɛ.