Luku 24:36 - Bibeli do fee

³⁶ Iyi à wasi ideu ku fɔ bɛɛbɛ, ŋɔi nŋu takaɛ í faata wa si anini nŋa [nɔ í ni, Ilaaɔ̃ ku mu nŋɛ laakai ku sũ.]

Luku 24:36 Iomraidhean Croise

Ezai 57:18

Ǹ wa n yɛ kuceɛ ŋa, amma an jɔ̀ ku ba iri. Amui an maa n gbãa, nɔ n tũ idɔɛ, nŋu do inɛ ŋa iyi à wɛɛò inɔ kufɔi iku na iriɛu.

Matie 10:13

Bii à gba ŋɛ, laakai ku sũu á wɛɛ do aŋai, amma bii a kù gba ŋɛ, á baa si ŋɛi.

Maaku 16:14

Si anyiɛ Jesu í koo í tusɛ araɛ bi mɔcɔ maatakã ŋau bii à waa jɛ. Ŋɔi í gbagba si ŋa na naanɛ hai dasi nŋa do na idɔ kulele nŋa, si na iyi í jɔ̀ a kù jɛsi idei inɛ ŋa iyi à yɔɔ í jĩ hai si balɛu.

Luku 10:5

Kpasɛ̃ bii ì lɔ ŋa i tako i sɔ̃ ŋa ŋa i ni, Ilaaɔ̃ ku mu nŋɛ laakai ku sũ.

Laabaau jiida iyi Zãa í kɔ 14:27

Laakai ku sũi ǹ wa n jɔ̀ nŋɛ. Bɛi amu takam ǹ wɛɛò laakai ku sũ, bɛɛbɛ mɔi an jɔ̀ iŋɛ mɔ i wɛɛò laakai ku sũ. Nɔ laakai ku sũ iyi an mu nŋɛu kaa jɛ bɛi ti andunya. Na nŋu, i maà wɛɛò inɔ kufɔ ŋa, nɔ i maà jɔ̀ zigi nŋɛ ku da.

Laabaau jiida iyi Zãa í kɔ 16:33

Ide ŋau ihɛ̃ ǹ wa n sɔ̃ ŋɛi ku ba i nɛ laakai ku sũ na anu akã iyi awaɛ ŋa à nɛ. Si andunyau ihɛ̃ aa yɛ ijuukpã ŋa, amma i maà mɔngɔ temua ŋa, domi ǹ kãmia andunya tã.

Laabaau jiida iyi Zãa í kɔ 20:26

Zakai azuma akã à tɔtɔɔ má si inɔ ile. Tomaa í wa inɔ nŋa. Nɔ à cĩmbo gambo ŋa. Amma Jesu í faata si anini nŋa wa má nɔ í ni, laakai ku sũ ku wɛɛ nŋɛ.

Woo bɛ ŋa 1:3

Si anyii kujĩɛ hai si balɛ, í nyisi ŋa araɛ si afei ajɔ ciiji isɛ fɛɛfɛlo ku jɛ nŋa sɛɛda iyi kù nɛ sika sika iyi nŋu í wɛɛ. À yɔɔ nɔ í ce nŋa faajii bommai Ilaaɔ̃.

Kɔrɛnti 1, 15:5

Í tusɛ araɛ bi Piɛɛ, si anyii nŋu nɔ í tusɛ araɛ bi mɔcɔ maateejiɛ ŋau.

Kɔrɛnti 1, 15:7

Nɔ í koo í tusɛ araɛ má bi Zaaki, si anyiɛ í bɛi í koo í tusɛ araɛ bi woo bɛ ŋau fei.

Tɛsalonika 2, 3:16

Lafɛ̃ɛ nŋu iyi í jɛ icui laakai ku sũ, ku mu nŋɛ laakai ku sũ waati kãma fei si mii iyi í ba ŋɛ fei. Lafɛ̃ɛ ku wɛɛ do iŋɛ fei.

Kuyɛi Zãa 1:4

Amui Zãa, ǹ ce ŋɛ fɔɔ, iŋɛ igbɛ mɛɛjei inɛi Jesu ŋa iyi ì wa ilɛi Azii. Ilaaɔ̃, nŋu iyi í wɛɛ, iyi í tako í wɛɛ wo, nɔ wa naa, ku mu nŋɛ didɔ̃ do laakai ku sũ, nŋu do Jesu Kirisi do hunde mɛɛje ŋa iyi à wa si wajui kitãi bommaɛ. Jesu Kirisiu nŋui í jɛ woo jɛ sɛɛda ilu naanɛ, do inɛ sinte iyi í jĩ hai si balɛ, nɔ í jɛ ilaalui ilaalu ŋa. Í bi wa nɔ í faaba wa hai si dulum du wa do njɛɛ.