Luku 24:32 - Bibeli do fee

³² Nɔ à sɔ̃ njɛ à waa ni, baa si waati iyi wa sɔ̃ wa idei kukɔi Ilaaɔ̃u hai si kpãau wa inɔ nwa kù tũ de.

Luku 24:32 Iomraidhean Croise

Iri ku kɔ̃ 104:34

Jɔ̀ kutɔɔm nɔu ku dɔ̃ɛ si. Amu, an maa n wɛɛò inɔ didɔ̃i na Aɔ̃ Lafɛ̃ɛ.

Iri ku kɔ̃ 39:3

Ǹ coko bɛi hai fɔ ide, amma n kù ba nkãma í gbe ara kurom iyi í kɔ̃ɔsi.

Mɔnda ŋa 27:17

Si bɛi isɔi í ya kpã anui isɔ, bɛɛbɛ mɔi amanɛ í ya teese daai amanɛ.

Mɔnda ŋa 27:9

Ikɔi kpaasi jiida í ya jɔ̀ inɔi inɛ ku dɔ̃, bɛi inunui tuae do ikpo í ya dɔ̃a inɛ si.

Ezai 50:4

Aɔ̃ Lafɛ̃ɛ í kɔm si ide iyi ǹ nɛ ku fɔ ku ba n mà ide ŋa iyi an fɔ n sobiò inɛ iyi í kua gbugbã. Daakɔ fei nŋui í ya jĩim ku ba n de itĩ bɛi mɔcɔ ŋa à ya maa de si lafɛ̃ɛ nŋa itĩ.

Zeremi 15:16

Waati iyi ǹ ba ide gɔ wa hai bi titɛɛ fei, ǹ ya n gba ideui. Ǹ ya n nɛ si ideɛ ŋau inɔ didɔ̃ nla nlai hee si idɔm, domi à nyam ikã n jɛ tɛɛ, awɔ Aɔ̃ Lafɛ̃ɛi lele do ilɛ.

Zeremi 20:9

Bii ǹ na ǹ ni n kaa n fɔ ideɛ má, walakɔ n kaa n fɔ ide do iriɛ má, waati bɛɛbɛ í ya yɛi bɛi ina wa jo hee si lɛlɛi idɔm. Nɔ ǹ ya n maa n ce kookaaii ku ba n yɔkɔ n kãmiaɛ, amma n ci ya n yɔkɔ.

Zeremi 23:29

Ntɔ ntɔ, idem í yɛi bɛi ina do bɛi mataaka iyi í ya lɛgɛ kuta. Amu Aɔ̃ Lafɛ̃ɛi ǹ fɔ bɛɛbɛ.

Maaku 4:34

Ci ya sɔ̃ ŋa ide hai nɛ mɔnda, amma bii í gbe nŋu do mɔcɔɛ ŋa í ya tusɛ nŋai fei.

Luku 24:45

Ŋɔi í mu nŋa laakai jiida ku ba a gbɔ yaasei kukɔi idei Ilaaɔ̃u.

Laabaau jiida iyi Zãa í kɔ 6:63

Hundei í ya mua inɛ kuwɛɛ, gbugbãi amanɛ kù jɛ nkãma. Nɔ ide iyi ǹ sɔ̃ ŋɛu wee hundei, nɔ nŋui í jɛ kuwɛɛ.

Woo bɛ ŋa 28:23

Nɔ à jilɛ ajɔ iyi aa nyi wa bi tɛɛ má. Iyi ajɔu í to inɛ nkpɔi í naa ile bii í wau. Ŋɔi í ce nŋa waazo hai daakɔ hee alɛ í koo í lɛò. Wa sisi nŋa yaasei bommai Ilaaɔ̃ nɔ wa tusɛ nŋa yaasei idei Jesu hai si woodai Moizi do si tiai walii ŋau ku ba a jɛsi.

Ebɛɛ 4:12

Idei Ilaaɔ̃i í jɛ kuwɛɛ, í nɔ í nɛ gbugbã. Í dɔ̃ anu í re taakuba ilu andɛ minji. Í nɛ gbugbã iyi á yɔkɔ ku lɔò hee lɛlɛi idɔ ku fɛɛfɛ idɔi amanɛ do lasabuɛ, ikɔ̃i ara mɔ do lompi. Nɔ á wusɛ idɔɔbii amanɛ do lasabuɛ.