Luku 24:30 - Bibeli do fee

³⁰ Ŋɔi aŋaò ŋa à waa jɛ. Waati iyi à waa jɛu ŋɔi í so pɛ̃ɛ í ce si kutɔɔ í bɛi í bububuɛ nɔ í na ŋa.

Luku 24:30 Iomraidhean Croise

Matie 14:19

Nɔ í ni zamaau ku buba si fɔfɔu, nɔ í so pɛ̃ɛ ara miiu do cɛ̃ɛ minjiu, í wu iju lele í saabu Ilaaɔ̃. Nɔ í bububu pɛ̃ɛ ŋau í na mɔcɔɛ ŋau nɔ aŋa mɔ à kpɛ̃a zamaau.

Matie 15:36

Nɔ í so pɛ̃ɛ ara mɛɛjeu do cɛ̃ɛ ŋau, í saabu Ilaaɔ̃ titã í bɛi í bububuɛ í na mɔcɔɛ ŋa a kpɛ̃ nŋa. Ŋɔi à kpɛ̃a inɛ ŋau.

Matie 26:26

Waati iyi à waa jɛ, ŋɔi Jesu í so pɛ̃ɛ nɔ í saabu Ilaaɔ̃ titã í bɛi í bububuɛ í na mɔcɔɛ ŋau, í ni, iyi ihɛ̃i í jɛ aram, i gba i jɛ ŋa.

Maaku 14:22

Waati iyi à waa jɛ, ŋɔi Jesu í so pɛ̃ɛ í saabu Ilaaɔ̃ titã í bɛi í bububuɛ í na mɔcɔɛ ŋau í ni, i gba ŋa. Iyi ihɛ̃i í jɛ aram.

Maaku 6:41

Ŋɔi Jesu í so pɛ̃ɛ miiuu do cɛ̃ɛ minjiu, nɔ í wu iju lele í saabu Ilaaɔ̃. Ŋɔi í bububu pɛ̃ɛu nɔ í na mɔcɔ ŋau a kpɛ̃a zamaau. Nɔ í kpɛ̃ nŋa cɛ̃ɛ minjiu mɔ inɛ fei í ba.

Maaku 8:6

Ŋɔi Jesu í ni zamaau fei ku buba ilɛ. Nɔ í so pɛ̃ɛ ara mɛɛjeu í saabu Ilaaɔ̃ í bɛi í bububuɛ í na mɔcɔɛ ŋau a kpɛ̃ nŋa. Ŋɔi à kpɛ̃a zamaau.

Luku 22:19

Si anyii nŋu, í so pɛ̃ɛ nɔ í saabu Ilaaɔ̃ titã í bɛi í bububuɛ, nɔ í na ŋa í ni, iyi ihɛ̃i í jɛ aram [iyi ǹ na na iri nŋɛ. I ya coo ŋa i maa yeò gigim.

Luku 24:29

Ŋɔi à mante manteɛ à ni ku gbe bi aŋa domi alɛ í lɛ tã nɔ inunu wa lɔ. Ŋɔi í sinda wa í naa í gbe bi tu ŋa bɛ.

Luku 24:35

Nɔ amanɛ minji ŋau mɔ à sisi nŋa mii iyi í ba aŋa si kpãa do bɛi aŋa à mà Jesu si waati iyi wa bu pɛ̃ɛu.

Luku 9:16

Ŋɔi Jesu í so pɛ̃ɛ miiuu do cɛ̃ɛ minjiu nɔ í wu iju lele í saabu Ilaaɔ̃ nɔ í bububuɛ í na mɔcɔɛ ŋau a kpɛ̃a zamaau.

Laabaau jiida iyi Zãa í kɔ 6:11

Ŋɔi Jesu í so pɛ̃ɛ ŋau í saabu Ilaaɔ̃, ŋɔi í jɔ̀ à kpɛ̃a inɛ ŋa iyi à waa bubau. Bɛɛbɛ mɔi í ce do cɛ̃ɛ ŋau. Nɔ à jɛ bɛi à bi.

Woo bɛ ŋa 2:42

Nɔ à ya gbɔ cio iyi woo bɛ ŋau à ya maa kɔ ŋa siu fei, nɔ à ya maa wɛɛ do anu akã, à ya maa jɛ ijɛ iyi aa yeò gigii ikui Jesu, nɔ à ya maa ce kutɔɔ ajɔ.

Woo bɛ ŋa 2:46

Ajɔ fei à ya tɔtɔɔi si bantumai kpasɛ̃i Ilaaɔ̃. À ya tɔtɔɔ a maa jɛi si inɔ kpasɛ̃ nŋa ŋa do inɔ didɔ̃. Muafiti ci ya wa si.

Woo bɛ ŋa 27:35

Iyi Pɔlu í fɔ bɛɛbɛ í tã ŋɔi í so pɛ̃ɛ í saabu Ilaaɔ̃ si wajui aŋa fei nɔ í bububuɛ í lɔsi ku jɛ.