Luku 24:27 - Bibeli do fee

²⁷ Ŋɔi í sisi nŋa ide iyi à fɔ si kukɔi idei Ilaaɔ̃ fei si gãmɛi nŋu takaɛ. Í sintiɛi hai si tiai Moizi ŋa do ti walii ŋau fei.

Luku 24:27 Iomraidhean Croise

Kusintii Andunya 12:3

Inɛ ŋa iyi à waa weeɛ amu mɔ an wee nŋa. Inɛ ŋa mɔ iyi à waa ceekpeɛ amu mɔ an ceekpe lafɛ̃ɛ ŋa. Do saabuɛi dimi fei á baò kuwee si andunya.

Kusintii Andunya 22:18

Dimi fei á ba kuwee si andunyau ihɛ̃ na saabui dimiɛ ŋa si na iyi í jɔ̀ ì jirima idem.

Kusintii Andunya 26:4

An jɔ̀ dimiɛ ŋa a kpɔ bɛi leleaɔ̃ ŋa, nɔ aŋai an na ilɛ ŋau ihɛ̃ fei. Hai bi tu ŋai inɛi andunya fei á baò kuwee.

Kusintii Andunya 3:15

An dasi mbɛɛtɛ si gãmɛi awɔ do abou, do si dimiɛ hee do si dimii abou fei. Dimii abou á lɛgɛ iriɛ, nɔ awɔ mɔ aa mɛɛ cicĩisɛɛ.

Kusintii Andunya 49:10

Batai bomma kaa fita hai si dimii Zudaa. Akpai bommau á maa wɛɛa tɔkuɛ ŋa hee Siloo koo toò wa. Nŋui zamaa á sũa iri ilɛ.

Iri ku kɔ̃ 132:11

Aɔ̃ Lafɛ̃ɛ í cea Davidi kuwã do kugbasi gɔ, nɔ kaa dede si pai. Í ni si tɔkuɛ ŋa, nŋu á ya jɔ̀ inɛ akã ku ya buba si agbɛɛ si kitãi bommau.

Ezai 1:23

Inɛ ngboi Zeruzalɛmu ŋa, woo kɔ̀ ide ŋai, nɔ kpaasii ile ŋai. Amua ŋa iyi à sinda lasabu nŋai à ya bi ku gba, nɔ a ci ya kɔ̀ò kɔyɔ ŋa si gãmɛi mii ŋa iyi í nɛ ku jɛ tu ŋa. A ci ya gbɔa jaaɔ̃ ŋa baa bii à waa tɔɔ a sobi aŋa.

Ezai 50:6

Inɛ ŋa iyi à waa cãm ŋa, anyim nii ǹ to nŋa, nɔ inɛ ŋa mɔ iyi à waa tu agbãm, ǹ to nŋa kɛkɛlɛm ŋa. N kù fa wajum hai bi inɛ ŋa iyi à waa tusim antɔ nɔ à waa bum.

Ezai 7:14

Na nŋu, Aɔ̃ Lafɛ̃ɛ takaɛ á na ŋɛ nyinda gɔ. Nyindau wee. Ama mudɛ̃ɛ gɔ á nɛ asĩ nɔ ku bí ama inɛmɔkɔ. Waati iyi á na ku bí amau, Emanuɛlii á kpoo, waatɔ Ilaaɔ̃ í wɛɛ do awa.

Ezai 8:17

Amu, Aɔ̃ Lafɛ̃ɛi ǹ wa n degbe. Nsɛi titã, í fũsi tɔkui Zakɔbu ŋa awɔ. Amma nŋui amu n daa aram fei si awɔ.

Ezai 9:1

Zamaa iyi wa ce isɛɛnɛɛ si ilu kuku wo, í yɛ inya kumá nla nla. Inya kumáu í naa si inɛ ŋa iyi à wa ilɛ iyi ilu kulu nla nla í biiu.

Ezekiɛli 34:23

Woo degbe akãi an jilɛ nŋa iyi á maa gbã ŋa nɔ ku maa gbɔ nŋa. Woo ce icɛm Davidii á jɛ woo degbe nŋa, nŋui á maa cɔ mɛɛmu gaam ŋau.

Ezekiɛli 37:25

Aa bubai si ilɛ iyi ǹ na Zakɔbu woo ce icɛm nɔu tengi bii bala nŋa ŋa à bubau. Aa wa bɛi do ama nŋa ŋa do tɔku nŋa ŋa hee do ajɔ fei. Davidi woo ce icɛm nii á jɛ ilaalu nŋa do ajɔ fei.

Daniɛli 7:13

Si kuyɛm ŋa iyi ǹ ce idũu, ǹ ba wee si kudũi ijĩ wa hai lelei Aɔ̃ inɛ gɔ iyi í jɔ amanɛ í nɛ wa naa bi mɔkɔ ngbou, nɔ à gbã à naaɛ wa bi tɛɛ.

Misee 5:6

Tɔkui Zakɔbu ŋa iyi à ba à fita si nɔ à wa si inɔi dimi nkpɔ nkpɔu, aa yɛ bɛi ikpã iyi wa naa hai bi Aɔ̃ Lafɛ̃ɛ, do bɛi ijĩ iyi wa wɔ kpɛlɛ kpɛlɛ si fɔfɔ ŋa. Kaaba nŋa kù wa si amanɛ, nɔ a kù waa cɔ siɛ nkãma.

Misee 7:20

Aa nyisi jiida ku jɛɛ iyi ci ya kpaasi si gãmɛi awa tɔkui Zakɔbu ŋa do Aburahamu ŋa, si bɛi ì cea bala nwa ŋau kuwãɛ do kugbasi hai ku kpɛ.

Zakari 13:7

Aɔ̃ Lafɛ̃ɛi lele do ilɛ í ni, taakuba, cuku si woo degbe inɛm ŋa, nŋu iyi ǹ jɔ̀ í jɛ minjisiam. Kpa woo degbeu nɔ angudã ŋau a fangaa bii fei, nɔ n cuku si iyi a kù nɛ gbugbã ŋau mɔ.

Zakari 9:9

Iŋɛ inɛi Siɔ̃ɔ ŋa i wɛɛò inɔ didɔ̃ ŋa. Nɔ iŋɛ inɛi Zeruzalɛmu ŋa, i dɔ̃ anu do inɔ didɔ̃ ŋa. I cɔ, ilaalu nŋɛ wa naa bi tu ŋɛ. Í jɛ dee dee, nɔ í jɛ woo jɛ igũ. Á naai do ara ku kaye, ku maa gũ gbankɛlɛ. Gbankɛlɛu, ama gbankɛlɛi.

Kuka 21:14

Na ŋɔi í jɔ̀ si tiai bi ku ce igũi Aɔ̃ Lafɛ̃ɛ ŋau à fɔ idei Vahɛbu-Sufa do acãi inyii Aanɔɔ ŋa,

Maaku 4:34

Ci ya sɔ̃ ŋa ide hai nɛ mɔnda, amma bii í gbe nŋu do mɔcɔɛ ŋa í ya tusɛ nŋai fei.

Luku 24:25

Ŋɔi Jesu í sɔ̃ ŋa í ni, iŋɛ hai nɛ bisi ŋai, i ci ya dasi ide iyi walii ŋa à fɔ fei naanɛ gbãa gbãa ŋa.

Luku 24:44

Ŋɔi í ye ŋa gigi í ni, ide ŋa iyi ǹ sɔ̃ ŋɛu mbɛ si waati iyi ǹ wa inɔ nŋɛ wo. Ǹ tako ǹ sɔ̃ ŋɛ wo ǹ ni mii ŋa iyi à kɔ na irim si tiai woodai Moizi ŋa do si ti walii ŋau do si iri ku kɔ̃i Davidi ŋau kù nɛ bɛi á ce iyi kù ce.

Laabaau jiida iyi Zãa í kɔ 1:45

Ŋɔi Filipu í koo í dɛdɛ Nataniɛli í sɔ̃ɔ í ni, à yɛ inɛ iyi Moizi í kɔ ideɛ si tiai wooda ŋau nɔ walii ŋau mɔ à fɔ ideɛu. Inɛɛu nŋui í jɛ Jesu inɛi Nazarɛti amai Zozɛfu.

Laabaau jiida iyi Zãa í kɔ 12:41

Ezai í fɔ bɛɛbɛi si na iyi í jɔ̀ í yɛ amboei Jesu nɔ í fɔ ide na iriɛ.

Laabaau jiida iyi Zãa í kɔ 5:37

Ilaaɔ̃ Baaba takaɛi wa jɛa inɛ ŋa sɛɛdam. Amma iŋɛ i kù gbɔ ide ku fɔɛ baa ajɔ akã ŋa hee má jɛ i yɔɔ do iju ŋa.

Laabaau jiida iyi Zãa í kɔ 5:39

Iŋɛ ì ya maa cio kukɔi idei Ilaaɔ̃ si na iyi í jɔ̀ ì waa tamaa aa ba siɛ kuwɛɛ hai tã ŋa. Nɔ wee kukɔ ŋau bɛ fei wa jɛa inɛ ŋa sɛɛdam.

Woo bɛ ŋa 10:43

Bɛɛbɛ mɔi walii ŋa fei à fɔ ideɛ à ni inɛ iyi í dasiɛ naanɛ fei Ilaaɔ̃ á kpa dulum dii lafɛ̃ɛ na saabui iriɛ.

Woo bɛ ŋa 3:18

Ilaaɔ̃ í jɔ̀ walii ŋau fei à tako à fɔ ideɛ wo. Nɔ bɛɛbɛ mɔi bɛi à fɔu fei í kɔ̃. Ide iyi à fɔu nŋui í jɛ à ni, kù nɛ bɛi á ce iyi inɛ iyi Ilaaɔ̃ í cicau kù yɛ ijuukpã.

Woo bɛ ŋa 3:22

Moizi inɛ akã nŋa í ni, Aɔ̃ Lafɛ̃ɛ nŋɛ á jɔ̀ walii gɔ ku fita hai si anini nŋɛ iyi á yɛ bɛi nŋu Moizi. Nɔ á sĩa i gbɔ mii iyi á sɔ̃ ŋɛ fei.

Woo bɛ ŋa 3:24

Bɛɛbɛ mɔi Samuɛli do walii ŋa iyi à naa si anyiɛ, aŋa fei à tako à fɔ idei mii ŋa iyi wa ce nsɛiu ihɛ̃.

Woo bɛ ŋa 7:37

Moizi takaɛ í nyi í sɔ̃ inɛi Izirɛli ŋau má í ni, Ilaaɔ̃ á bɛ si ŋɛ walii wa bɛi amu, iyi á jɛ inɛ akã nŋɛ.

Woo bɛ ŋa 8:35

Ŋɔi Filipu í so ide í sinti do idei waliiu í sisiaaò laabaau jiidai Jesu.

Wooda ku kɔsi 1:45

Iyi ì baa ŋa, ì naa ì waa weeweea ŋa si wajui Aɔ̃ Lafɛ̃ɛ, amma kù gbɔ nŋɛ, kù dasi ide nŋɛ laakai mɔm.

Wooda ku kɔsi 18:15

Aɔ̃ Lafɛ̃ɛ nŋɛ á jɔ̀ walii gɔ ku dede si anini nŋɛ hai si inɔi inɛ nŋɛ ŋau. Waliiu á yɛi bɛi amu, i ya gbɔ ideɛ ŋa.

Kuyɛi Zãa 19:10

Ŋɔi ǹ sɛɛbata ku ba n tɔɔɛ, amma í ni, maà ce bɛɛbɛ. Amu mɔ woo ce icɛi bɛi awɔ do bɛi kpaasiɛ ŋa iyi à waa mu ide ntɔ iyi Jesu í nyisi wau. Tɔɔ Ilaaɔ̃. Ide ntɔ iyi Jesu í nyisi wau nŋui í jɛ icui idei walii fei.