Luku 24:26 - Bibeli do fee

²⁶ Kù nɛ bɛi á ce iyi inɛ iyi Ilaaɔ̃ í cicau kù yɛ ijuukpã, inɛ ŋa a bɛi a yɛ amboeɛ.

Luku 24:26 Iomraidhean Croise

Kusintii Andunya 22:6

Ŋɔi Aburahamu í so jĩi ndii kuweeu í kãa Izaaki amaɛu. Nŋu takaɛ í so kasɛ do ina wa mu nɔ à waa nɛ aŋa minji nŋa.

Daniɛli 9:26

Si anyii adɔ̃ mɛɛje ikɔ kita do minjiu, aa kpa inɛ gɔ iyi à nya ikã, nɔ inɛ gɔ kaa kɔòɛ. Inɛ ngbo gɔ mɔ á na ku naa do soogeɛ ŋa ku ce nfei iluu do ile kumáu. Idɔɔkɔ̃i Ilaaɔ̃ de á na ku naa si inɛ ngbou ku ce nfeɛ. Amma á maa ce igũi hee ku maa ku, nɔ á ce nfei mii ŋai bɛi à tako à fɔ à jilɔɔu.

Zakari 13:7

Aɔ̃ Lafɛ̃ɛi lele do ilɛ í ni, taakuba, cuku si woo degbe inɛm ŋa, nŋu iyi ǹ jɔ̀ í jɛ minjisiam. Kpa woo degbeu nɔ angudã ŋau a fangaa bii fei, nɔ n cuku si iyi a kù nɛ gbugbã ŋau mɔ.

Luku 24:44

Ŋɔi í ye ŋa gigi í ni, ide ŋa iyi ǹ sɔ̃ ŋɛu mbɛ si waati iyi ǹ wa inɔ nŋɛ wo. Ǹ tako ǹ sɔ̃ ŋɛ wo ǹ ni mii ŋa iyi à kɔ na irim si tiai woodai Moizi ŋa do si ti walii ŋau do si iri ku kɔ̃i Davidi ŋau kù nɛ bɛi á ce iyi kù ce.

Luku 24:46

Nɔ í sɔ̃ ŋa í ni, bɛɛbɛi à kɔɔ à ni amu iyi Ilaaɔ̃ í cica an yɛ ijuukpã. Aa kpam, amma an jĩ hai si balɛ si ajɔ mɛɛtasia.

Luku 24:7

Í ni kù nɛ bɛi á ce iyi a kù mu nŋu Amai Amanɛ a kù dasi nŋu si awɔi ilu dulum ŋa. Í ni aa kpakpa nŋu si jĩi ku gaau, amma nŋu á jĩ má si ajɔ mɛɛtasia.

Laabaau jiida iyi Zãa í kɔ 2:22

Na nŋu, waati iyi Jesu í jĩ hai si balɛ, mɔcɔɛ ŋa à ye gigi iyi í fɔ ide bɛɛbɛ wo. Nɔ à dasi kukɔi idei Ilaaɔ̃ naanɛ do ide ŋa iyi Jesu í tako í sɔ̃ ŋau.

Laabaau jiida iyi Zãa í kɔ 20:9

Mɔcɔ ŋau a kù tako a kù gbɔ yaasei kukɔi idei Ilaaɔ̃ wo iyi í ni kù nɛ bɛi á ce iyi Jesu kù jĩ hai si balɛ.

Woo bɛ ŋa 17:3

Wa sɔ̃ ŋa iyi kù nɛ bɛi á ce iyi inɛ iyi Ilaaɔ̃ í cicau kù yɛ ijuukpã. Á kú nɔ ku jĩ hai si balɛ má. Ŋɔi í sɔ̃ ŋa í ni, Jesuu iyi ǹ wa n sisi nŋɛ ideɛu ihɛ̃ nŋui í jɛ inɛ iyi Ilaaɔ̃ í cicau bɛ.

Ebɛɛ 12:2

Ka dasi laakai nwa fei si Jesu. Hai bi tɛɛi naanɛ ku dasi nwa wa naa, nŋu mɔi í nɔ wa kɔ̃ɔ. Í jɛsi à kpaa si jĩi ku gaau, kù cɔ anyɔi dimii ikuu domi wa cɔ kpãai inɔ didɔ̃ iyi à jilɛaa. Nsɛi, wa buba si awɔ njɛi kitãi bommai Ilaaɔ̃.

Piɛɛ 1, 1:11

Hundei Kirisiu í wa si ŋa nɔ í sɔ̃ ŋa do njuma iyi Kirisi á ba ijuukpã, nɔ si anyiɛ á ba amboe. Nɔ à ce himma ku ba a mà waatiu do kpãa iyi wa fãau.

Piɛɛ 1, 1:3

Ka saabu Ilaaɔ̃ Baai Lafɛ̃ɛ nwa Jesu Kirisi. Si araare nlaɛ, í jɔ̀ kujĩi Jesu Kirisi wa hai si balɛ í bí wa isɛ gbeejisia. Si bɛɛbɛ í mu nwa kpãa ku cɔ iyi í jɛ ti kuwɛɛ.