Luku 23:54 - Bibeli do fee

⁵⁴ Wee ajɔi sɔɔlui kusĩmii, iyi hai alɛu ajɔi kusĩmiu á sinti.

Luku 23:54 Iomraidhean Croise

Matie 27:62

Iyi iju í má, si ajɔi kusĩmiu, ŋɔi inɛ ngboi woo weei Ilaaɔ̃ ŋa do Farisi ŋau à bɔ bi Pilati ajɔ.

Maaku 15:42

Iyi alɛ í lɛ, ŋɔi Zozɛfu inɛi Arimateeu í koo bɛ. Zozɛfuu, ilu bɛɛrɛi si inɔi Zuifu woo kiiti ŋau, nɔ wa cɔ kpãa iyi Ilaaɔ̃ á na ku jɛ bomma. Wee ajɔi sɔɔlui jingaui. Iju kumáɛ ajɔi kusĩmii á jɛ. Na ŋɔi í jɔ̀ Zozɛfu í bɔ bi Pilati do wɔɔkɔ ku tɔɔɛ ikui Jesu.

Luku 23:53

Ŋɔi Pilati í jɛaa si, nɔ Zozɛfu í kitaɛ wa hai si antaii jĩi ku gaauu nɔ í biiɛ do acɔ fũfũ titɔ̃ gɔ í bɛi í koo í suu. Í suui si isai kuta gɔ iyi à gbe wo nɔ a kù si inɛ gɔ bɛ titã.

Laabaau jiida iyi Zãa í kɔ 19:14

Wee à wa si ajɔ iyi bii iju í má á jɛ ajɔi kusĩmi. Ajɔi kusĩmiu alɛi á sinti, nɔ inɛ ŋa à wasi ku ce sɔɔlui jingaui Iku ku kuau. Nɔ waati bɛɛbɛ zakai dasãi. Ŋɔi Pilati í sɔ̃ Zuifu ŋau í ni, ilaalu nŋɛ wee.

Laabaau jiida iyi Zãa í kɔ 19:31

Si bɛi à wa si sɔɔlui ajɔi kusĩmiu, Zuifu ŋau a kù waa bi ajɔu ku to wa ku ba iku ŋau si jĩi ŋau bɛ, domi ajɔu ajɔ nla gɔi. Nŋui í jɔ̀ à koo à tɔɔ Pilati ku jɔ̀ a cɛ kutɛi inɛ ŋa iyi à kpakpa ŋau, nɔ a nya ŋa hai bɛ.

Laabaau jiida iyi Zãa í kɔ 19:42

Bɛi à koo à si Jesu si na iyi í jɔ̀ tengi bɛ kù jĩ, nɔ à bi a suu gbãa gbãa hee ajɔi kusĩmiu ku maa to wa.