Luku 23:5 - Bibeli do fee

⁵ Amma à la do gbugbã à waa ni, í ya maa kosi inɛ ŋa ijai do cioɛ iyi í ya maa ce nŋa. Hai ilɛi Galileei í sintiɛ nɔ í bɔ si ilɛi Zudee fei í bɛi í to wa ihɛ̃ má nsɛi.

Luku 23:5 Iomraidhean Croise

Iri ku kɔ̃ 22:16

Gbangɔlɔm í gbɛ bɛi amà. Amɛ̀m í mási anu lelem. Ì jɔ̀ ǹ ku ǹ baa bɛi ilùlù.

Iri ku kɔ̃ 57:4

Hai lelei á na ku faabam baa do iyi mbɛɛm wa lelem fei. Kusĩmi. Aɔ̃ Lafɛ̃ɛ á nyisim jiida ku jɛɛ do ntɔɛ.

Iri ku kɔ̃ 69:4

Ǹ dɔ̃ anu ǹ gbɛɛji, gbangɔlɔm í gbɛ. Ilaaɔ̃ Lafɛ̃ɛm, ijum ŋa à gbɛɛji do kpãaɛ ku cɔ.

Matie 11:1

Waati iyi Jesu í sɔ̃ mɔcɔ maateejiɛ ŋau ide ŋau fei í tã, ŋɔi í nɛ hai bɛ í koo í dabii si ilui Galilee ŋau í kɔ inɛ ŋa si cio nɔ í ce nŋa waazo.

Matie 2:1

À bí Jesui Betelehɛmu si ilɛi Zudee si waatii ilaalu Herodu. Si anyii kubíɛ woo mà yaasei leleaɔ̃ gɔ ŋa à naa Zeruzalɛmu hai nunui daakɔ,

Matie 27:24

Iyi Pilati í yɛ mii iyi nŋu wa ce fei ngbɛi, nɔ wakatau wa kɔ̃ɔsi mɔm nii, ŋɔi í bu inyi í wɔɔ si wajui zamaau í nyisi iyi baai nŋu kù wa si ideu, í ni, njɛi mɔkɔ dee deeu ihɛ̃ kunikãɛ kù yɛm, í jɛ idei iri nŋɛ.

Matie 4:23

Nɔ Jesu í dabii si ilɛi Galilee fei wa kɔ inɛ ŋa si cio ile bii Zuifu ŋa à ya ce kutɔtɔɔ nŋa ŋa, wa sisi nŋa laabaau jiida si bɛi Ilaaɔ̃ wa ce sɔɔlu ku na ku jɛ bommaɛ, nɔ í jɔ̀ inɛ ŋa à waa ba iri si bɔ̃ɔ dimi ikã ikã nŋa ŋa fei.

Maaku 1:14

Si anyiɛ ŋɔi à dasi Zãa piisɔ̃ɔ. Nɔ waati bɛɛbɛ Jesu í bɔ ilɛi Galilee wa waazo laabaau jiida iyi wa naa hai bi Ilaaɔ̃.

Luku 11:53

Iyi Jesu í fɔ bɛɛbɛ í tã ŋɔi í fita hai bɛ. Ŋɔi idɔi woo kɔ inɛ ŋa si wooda do Farisi ŋau í kɔ̃ nɔ à wasi ku manteɛ do ide ku bee si gãmɛi ide nkpɔ,

Luku 23:23

Amma bɛi Pilati wa fɔ fei, bɛɛbɛ mɔi inɛ ŋau à ya dɔ̃ anu hee lele a maa ni, kpakpaɛ si jĩi ku gaau. Ŋɔi anu ku dɔ̃ nŋau í kãmiaɛ.

Luku 23:6

Iyi Pilati í gbɔ bɛɛbɛ, ŋɔi í bee í ni, kù jɛ mɔkɔu inɛi Galileei ba.

Laabaau jiida iyi Zãa í kɔ 1:43

Iju kumáɛ Jesu í dasi idɔ nŋu ku bɔ ilɛi Galilee. Iyi í to bɛ ŋɔi í ko Filipu nɔ í sɔ̃ɔ í ni, toom wa.

Laabaau jiida iyi Zãa í kɔ 19:15

Amma à wasi ku dɔ̃ anu à waa ni, kpaa. Kpakpaɛ si jĩi ku gaau. Ŋɔi Pilati í bee ŋa í ni, bɛirei í ce ì bi n kpakpa ilaalu nŋɛ si jĩi ku gaau. Ŋɔi inɛ ngboi woo weei Ilaaɔ̃ ŋau à jɛaa à ni, a kù nɛ ilaalu mmu gɔ bii kù jɛ ilaalu nlai Romu.

Laabaau jiida iyi Zãa í kɔ 2:11

Iyi bɛi í jɛ maamaake sinte iyi Jesu í ce. Kana bɛi í coo si ilɛi Galilee. Do yaase bɛɛbɛi í nyisiò amboeɛ nɔ mɔcɔɛ ŋa à dasiɛ naanɛ.

Laabaau jiida iyi Zãa í kɔ 7:41

Inɛ gɔ ŋa mɔ à ni, inɛ iyi Ilaaɔ̃ í cicaui. Amma inɛ gɔ ŋa à ni, bɛirei inɛ iyi Ilaaɔ̃ í cicau á ce ku naa hai ilɛi Galilee.

Laabaau jiida iyi Zãa í kɔ 7:52

Ŋɔi à beeɛ à ni, asee awɔ takaɛ mɔ inɛi Galileei? Cɔ si kukɔi idei Ilaaɔ̃ sãa sãa, i kaa yɛ walii gɔ iyi í fita wa hai Galilee. [

Woo bɛ ŋa 10:37

Ì nɔ ì mà ŋa mii iyi í sinti si ilɛi Galilee í bɛi í ce si ilɛi Zudee fei waati iyi Zãa í sisi idei inyi ku dasi iyi í ya maa ceu í tã.

Woo bɛ ŋa 23:10

Ŋɔi kakɔɔu í la ntɔ ntɔ hee njo í mu inɛ ngboi igũu jiida a maà na a ga arai Pɔlu. Nɔ í ni sooge ŋau a koo a gbã Pɔlu wa a nyiòɛ inɔ ileu.

Woo bɛ ŋa 5:33

Iyi à gbɔ ideu ŋɔi idɔ nŋa í kɔ̃ hee à waa bi a kpa ŋa.

Woo bɛ ŋa 7:54

Iyi inɛ ŋau à gbɔ ideu ŋɔi idɔ nŋa í kɔ̃ si Etiɛni hee à waa ŋɔ amaawɔ nŋa ŋa.

Woo bɛ ŋa 7:57

Amma à dĩ itĩ nŋa à bɛi à dɔ̃ anu nla nla nɔ à sɛi ajɔ à koo à wo siɛ.