Luku 23:43 - Bibeli do fee

⁴³ Nɔ Jesu í jɛaa í ni, ntɔ ntɔ, ǹ wa n sɔ̃ɛi, nnyi mɔm aa wɛɛ do amu lelei Aɔ̃.

Luku 23:43 Iomraidhean Croise

Iri ku kɔ̃ 32:5

Ŋɔi ǹ jɔ̀ ì mà dulum dom nɔ n kù singaɛ kuraram, ǹ ni, an ce tuubai kuraram ŋa bi Aɔ̃ Lafɛ̃ɛ. Nɔ ì kpa kuraram ŋa do dulum dom ŋau. Kusĩmi.

Iri ku kɔ̃ 50:15

Kpem ajɔ iyi ì wa si inɔ kufɔ, an jɛɛ, n nyaɛ nɔ i mà bɛɛrɛm.

Ezai 53:11

Ŋɔi Aɔ̃ Lafɛ̃ɛ í ni, si anyii wahala ŋa iyi woo ce icɛm nɔu á bau, á nyi ku yɛ inya kumái kuwɛɛ má hee ku too. Nɔ na saabui kumà iyi woo ce icɛm nɔu í nɛ, nŋu iyi í jɛ dee deeu, á jɔ̀ inɛ nkpɔ ku jɛ dee dee, nŋu iyi í so kurara nŋa ŋau.

Ezai 65:24

Hee a maa kpem, amu an jɛ nŋa. Hee a fɔ ide a maa tã, an gbɔ ide iyi à waa fɔu.

Misee 7:18

Iwɛ̃ yoomai í yɛ bɛi awɔ Aɔ̃ Lafɛ̃ɛ, awɔ iyi ì ya kpa idei kurara nɔ ì ya cea inɛɛ ŋa iyi à gbe suurui dulum du ŋa. I ci ya maa mu idei idɔɔkɔ̃ hee do ajɔ fei, domi kubiɛ fei si jiida ku cei í ya wa.

Luku 19:10

Amu Amai Amanɛ ǹ naa ku dɛdɛ inɛ ŋa iyi à nyɔi n faaba ŋa.

Luku 23:42

Ŋɔi í sinda í sɔ̃ Jesu í ni, waati iyi aa koo i jɛ bommaɛ, ye gigim.

Laabaau jiida iyi Zãa í kɔ 14:3

Bii ǹ koo ǹ ce nŋɛ bi kuwa ǹ tã an nyi wa má, n naa n gbã ŋɛ n bɔò ŋɛ bi tom ku ba iŋɛ mɔ i wa bii ǹ wa.

Laabaau jiida iyi Zãa í kɔ 17:24

Baaba, ǹ bi inɛ ŋa iyi ì nam a maa wa bi tom bii an wa, ku ba a yɛ amboem, amboe iyi ì muum. Ì muum amboeui si na iyi í jɔ̀ ì bim hai waati iyi a kù taka andunya.

Kɔrɛnti 2, 5:8

Ntɔ ntɔ à ya ka nɛ wɔɔkɔ. Amma iyi à bi í re fei ndɛɛ nŋui í jɛ ka jɔ̀ arau ihɛ̃ ka bɔ bi Lafɛ̃ɛ ka maa wa bi tɛɛ.

Filipi 1:23

Lasabum wa fam ni do cingaa minji minji fei. Ǹ bi n nɛ n koo n wa bi Kirisi, domi iyi bɛi á sĩa ku re.

Ebɛɛ 7:25

Na nŋu á yɔkɔ ku faaba inɛ ŋa iyi à waa sɛkɛɛ si Ilaaɔ̃ do saabuɛ mam mam, domi í wɛɛi hee do ajɔ fei ku maa tɔɔ Ilaaɔ̃ na iri nŋa.

Kuyɛi Zãa 2:7

Inɛ iyi í nɛ itĩ, ku sotĩ ku gbɔ mii iyi Hundei Ilaaɔ̃ wa sɔ̃ igbɛi inɛi Jesu ŋa fei. Inɛ iyi í jɛ igũ, an jɔ̀ ku jɛ isoi jĩi ndii kuwɛɛ iyi í wa azanna.