Luku 23:41 - Bibeli do fee

⁴¹ Bii awai à waa kpã iju bɛɛbɛ, dee deei, domi à waa sã nwa gbesei mii iyi à cei. Amma njɛ kù ce laalɔ kãma.

Luku 23:41 Iomraidhean Croise

Bomma 2, 33:12

Waati iyi í wa si inɔ kufɔ, ŋɔi í tɔɔ Aɔ̃ Lafɛ̃ɛɛ, nɔ í kaye araɛ mam mam si wajui Aɔ̃ Lafɛ̃ɛi balaɛ ŋau.

Ɛsidarasi 9:13

Ilaaɔ̃ Lafɛ̃ɛ nwa, laalɔ ku ce nwa do kurara nla nwa nŋui í jɔ̀ laalɔ ŋau ihɛ̃ fei í naa si wa. Amma do nŋu fei i kù kpã wa iju kù to bɛi dulum ku ce nwa í to, nɔ ì jɔ̀ à waa wɛɛ, awa iyi à wa ihɛ̃.

Neemi 9:3

Ŋɔi à dede à leekĩ nɔ à cio nŋa si tiai woodai Aɔ̃ Lafɛ̃ɛ nŋa zakai isɔ mɛɛta. Nɔ si isɔ mɛɛta mmuɛ má à gulɛ à ce tuubai dulum du ŋa si wajui Aɔ̃ Lafɛ̃ɛ nŋa.

Daniɛli 9:4

Amu Daniɛli, si kutɔɔm nɔu, ǹ wa n tɔɔ Aɔ̃ Lafɛ̃ɛ ku cea inɛm ŋau suurui kurara nŋa ŋai. Si kutɔɔm nɔu ǹ ni, Lafɛ̃ɛ Ilaaɔ̃, awɔ iyi ì la nɔ ì to njo, nɔ ì ya kɔ̃ akabuuɛ, dee dee ku jɛɛ í ya wa si gãmɛi inɛ ŋa iyi à biɛ nɔ à waa jirima woodaɛ ŋa.

Matie 27:19

Waati iyi Pilati wa buba bi ku ce kiitiu, ŋɔi aboɛ í bɛ siɛ inɛ gɔ wa í ni, maà dasi idei inɛ dee deeu bɛ baa, domi idũ, iyi ǹ wa n sũ, ǹ yɛ wahala jiida jiida si ala na iriɛ.

Matie 27:24

Iyi Pilati í yɛ mii iyi nŋu wa ce fei ngbɛi, nɔ wakatau wa kɔ̃ɔsi mɔm nii, ŋɔi í bu inyi í wɔɔ si wajui zamaau í nyisi iyi baai nŋu kù wa si ideu, í ni, njɛi mɔkɔ dee deeu ihɛ̃ kunikãɛ kù yɛm, í jɛ idei iri nŋɛ.

Matie 27:4

Í sɔ̃ ŋa í ni, ǹ ce dulum si bɛi ǹ zamba inɛ dee deeu ihɛ̃ a kpaa. Amma à jɛaa à ni, yoomai í yɛ wa. Í jɛ idei iriɛ.

Matie 27:54

Ŋɔi inɛ ngboi sooge ŋa do inɛ ŋa iyi à wa bi tɛɛ à waa degbe Jesuu à yɛ kuyayai ilɛu do mii ŋa iyi í ce fei. Ŋɔi njo nla nla í mu ŋa à waa ni, ntɔ ntɔ, inɛɛu ihɛ̃ Amai Ilaaɔ̃i.

Luku 23:40

Amma inɛ akãu mɔ í jɛaa í ni, i kù waa ce njoi Ilaaɔ̃, baa awɔ iyi iŋɛò fei ì waa yɛ ijuukpã akã?

Luku 23:42

Ŋɔi í sinda í sɔ̃ Jesu í ni, waati iyi aa koo i jɛ bommaɛ, ye gigim.

Tɛsalonika 1, 2:10

Iŋɛi ì jɛ sɛɛda nwa ŋa do Ilaaɔ̃ takaɛ iyi isɛɛnɛ nwa si wajui iŋɛ woo dasi Jesu naanɛ ŋau í má, í jɛ dee dee, nɔ taale kãma kù wa si.

Zaaki 4:7

Na nŋu, i sũa Ilaaɔ̃ iri ilɛ. I kɔ̀si Seetam á sa nŋɛ ku jĩ.

Piɛɛ 1, 1:19

Aawo, à faaba ŋɛi do njɛ ilu bɛɛrɛi Kirisi, nŋu iyi í yɛ bɛi ama angudãi kuwee hai nɛ leebu nɔ kù nɛ riisi gɔ.

Piɛɛ 1, 2:23

Iyi à buu, kù sã nŋa arabu. Iyi à kpãa iju, kù ceekpe ŋa, amma í leekĩ do Ilaaɔ̃ iyi í ya kiiti dee dee.