Luku 23:40 - Bibeli do fee

⁴⁰ Amma inɛ akãu mɔ í jɛaa í ni, i kù waa ce njoi Ilaaɔ̃, baa awɔ iyi iŋɛò fei ì waa yɛ ijuukpã akã?

Luku 23:40 Iomraidhean Croise

Bomma 2, 28:22

Baa do iyi Ahazi í wa si wahala ŋau bɛ fei, í kɔ̀ í wasi dulum ku ce bi Aɔ̃ Lafɛ̃ɛ.

Iri ku kɔ̃ 36:1

Iriu ihɛ̃ ti inɛ ngboi woo kɔ̃ iri ŋai do Davidi woo ce icɛi Aɔ̃ Lafɛ̃ɛ.

Zeremi 5:3

Aɔ̃ Lafɛ̃ɛ, mii iyi ì bii í jɛ kuwɛɛ si ntɔ. Wee nsɛi ì kpã ŋa iju, amma kù jɛ nŋa si nkãma. Ì bi i tã do aŋa, amma à kɔ̀ ku gbɔ ide iyi ì waa sɔ̃ ŋa. À lele idɔ nŋa ŋa bɛi kuta, nɔ à kɔ̀ ku nyi wa bi tɛɛ.

Kuwee 19:17

I maà ya cé inɛ mmu ŋa si idɔ nŋɛ. I ya sisi nŋa kurara nŋa iyi à ce ku ba i maà kãa ara nŋɛ dulum na iri nŋa.

Matie 20:9

Inɛ ŋa iyi à sinti icɛ alɛ zakai isɔ miiu ŋau à naa à gba fiai icɛi ajɔ akã.

Matie 8:26

Ŋɔi Jesu í sɔ̃ ŋa í ni, naanɛ ku dasi nŋɛ kù la. Na mii í ce ì jɔ̀ njo wa mu ŋɛ ŋa. Iyi í fɔ bɛɛbɛ í tã, ŋɔi í dede í la si inyiu do fufuu nɔ à coko sɔ̃m sɔ̃m.

Luku 12:5

An sɔ̃ ŋɛ inɛ iyi í jɔ i ya ce njoɛ ŋa. I ce njoi inɛ iyi í nɛ yiiko ku kpa inɛ nɔ ku dasiɛ si ina iyi ci ya ku má. Ntɔ ntɔ ǹ wa n sɔ̃ ŋɛi, lafɛ̃ɛi í jɔ i ya ce njoɛ ŋa.

Luku 23:39

Inɛ akãi woo ce laalɔ ŋa iyi à kpakpa si jĩi nɔu wa sɔ̃ Jesu ide nfe wa ni, kù jɛ awɔi ì jɛ inɛ iyi Ilaaɔ̃ í cicau ba. To, faaba araɛ nɔ i faaba awa mɔ.

Luku 23:41

Bii awai à waa kpã iju bɛɛbɛ, dee deei, domi à waa sã nwa gbesei mii iyi à cei. Amma njɛ kù ce laalɔ kãma.

Efɛɛzu 5:11

I maà dasi ara nŋɛ si kookoosu laalɔ iyi amanɛ ŋa à waa ce si ilu kuku. Amma kookoosu dimi bɛɛbɛ i ya fɔɔ inɛ ŋa a gbɔ ŋa.

Kuyɛi Zãa 15:4

Yooi kaa ce njoɛ, Lafɛ̃ɛ. Yooi á kɔ̀ ku saabuɛ. Awɔ akãi ì jɛ inɛ kumá. Inɛi ilɛ baa yooma fei á naa bi tɛɛ, aa na a gulɛ a tɔɔɛ, domi ì nyisi iyi kiitiɛ í jɛ dee dee.

Kuyɛi Zãa 16:11

À waa bu Ilaaɔ̃ na ara kuro do ngoli nŋa ŋa, amma à kɔ̀ ku jɔ̀ laalɔ ku ce nŋa.