Luku 23:35 - Bibeli do fee

³⁵ Ŋɔi zamaau í wa bɛ wa cɔɔ. Nɔ inɛ ngbo ŋau à yaakoɛ à waa ni, í faaba inɛ gɔ ŋa. To, kú faaba araɛ bɛ bii nŋui í jɛ inɛ iyi Ilaaɔ̃ í cicau.

Luku 23:35 Iomraidhean Croise

Iri ku kɔ̃ 22:17

Inɛ laalɔ nkpɔ gɔ ŋa à kaakom. À waa dɔ̃ anu bɛi aja ŋa nɔ à mu kutɛm do awɔm ŋa fei.

Iri ku kɔ̃ 35:15

Waati iyi ǹ koosɛ, à tɔtɔɔi à waa kpɛ̃ inɔ didɔ̃. Inɛ ŋa iyi à tɔtɔɔ sim à waa cãm ŋau, inɛ njoo ŋai iyi n kù mà. À ya tɔtɔɔi, a maa yaakom waati kãma fei.

Iri ku kɔ̃ 4:2

Ilaaɔ̃, waati iyi ǹ dɔ̃ siɛ anu, awɔ iyi ì ya jɔ̀ ǹ ba ntɔ, jɛɛm. Waati iyi ǹ wa si inɔ kufɔ, awɔi ì ya jɔ̀ ǹ nɛ aram. Ceem didɔ̃ nɔ i gbɔ kutɔɔm.

Iri ku kɔ̃ 69:26

Jɔ̀ asɔ nŋa ku gbe ngbɛ. Maà jɔ̀ inɛ gɔ ku wa si ilei acɔ nŋa ŋau má.

Iri ku kɔ̃ 71:11

à fɔ, à waa ni awɔ Ilaaɔ̃ ì kɔ̀sim. À ni aŋa a lelem a mum. Nɔ à ni má inɛ gɔ kù wɛɛ iyi á nyam.

Ezai 42:1

Ŋɔi Aɔ̃ Lafɛ̃ɛ í ni, inɛ ihɛ̃i í jɛ woo ce icɛm. An maa n muui si awɔ. Nŋui ǹ cica, nɔ nŋui ǹ bi. Nŋui ǹ daa si hundem. Nŋui á jilɛa inɛi ilɛ ŋa asaiya.

Ezai 49:7

Aɔ̃ Lafɛ̃ɛ, nŋu iyi í jɛ woo yai inɛɛ ŋa, nŋu iyi í jɛ Inɛ Kumái Izirɛliu, í ni, awɔ iyi inɛ ŋa a kù waa saalu, nɔ a kù bi ideɛ, nɔ ì jɛ aru iyi inɛ ŋa à waa taa gbugbã, waati iyi ilaalu ŋa aa yɛɛ, aa dedei hai si kitãi bomma nŋa. Waati iyi amai ilaalu ŋau aa yɛɛ, aa sɛɛbataɛi. Bɛɛbɛi aa ce a nyisiò iyi Aɔ̃ Lafɛ̃ɛ Inɛ Kumái Izirɛli, nŋu iyi í cicaɛu í jɛ ilu naanɛ.

Ezai 53:3

Inɛ ŋa à dondaɛ nɔ à kɔ̀siɛ nɔ í nɛ dɔ̃ɔnɛi wahala do ara kuro. Awa à dondaɛ nɔ a kù dooaɛ si nkãma, nɔ í baa í yɛ bɛi inɛ gɔ iyi inɛ ŋa a kù bi ku cɔ.

Kukpata 3:14

Ǹ baa ǹ jɛ dɔ̃anyii inɛm ŋa fei. Ajɔ fei, irim nii í baa í jɛ mii ku kɔ̃ò iri nŋa.

Zakari 12:10

An jɔ̀ kpasɛ̃i Davidi do inɛi Zeruzalɛmu ŋa a nɛ araare nɔ a ya ce kutɔɔ, nɔ a sinda wa sim a cɔ amu iyi à gũ do jĩnɛi igũ. Aa kpata sim bɛi inɛ iyi ama akã lege legeɛ í ku. Aa kpata do inɔ kufɔ nla nla bɛi inɛ iyi ama yemmaɛ í ku.

Matie 12:18

Ilaaɔ̃ í ni, woo ce icɛm iyi ǹ cica wee. Nŋui ǹ bi jiida, siɛi inɔ didɔ̃m fei í ya wa. An daa si Hundem, nɔ ku sisia dimi fei dee dee ku jɛm.

Matie 3:17

Nɔ à gbɔ ide ku fɔ gɔ wa hai lele í ni, inɛ ihɛ̃i í jɛ Amam. Ǹ buu jiida jiida, siɛi inɔ didɔ̃m fei í ya wa.

Luku 16:14

Wee Farisi ŋa fia ku bi nŋa í caa. Iyi à gbɔ ide ŋa iyi Jesu í fɔu fei ŋɔi à waa yaakoɛ.

Luku 23:13

Pilati í kpe inɛ ngboi woo weei Ilaaɔ̃ ŋa do inɛ ngboi Zuifu ŋa do zamaa nkpɔ má í tɔtɔɔ ŋa.

Luku 23:39

Inɛ akãi woo ce laalɔ ŋa iyi à kpakpa si jĩi nɔu wa sɔ̃ Jesu ide nfe wa ni, kù jɛ awɔi ì jɛ inɛ iyi Ilaaɔ̃ í cicau ba. To, faaba araɛ nɔ i faaba awa mɔ.

Piɛɛ 1, 2:4

I sɛkɛɛ si Lafɛ̃ɛ wa, nŋu iyi í jɛ kuta ilu hunde iyi inɛ ŋa à kɔ̀si, amma Ilaaɔ̃ í cicaɛ si na iyi í jɔ̀ í nɛ bɛɛrɛ bi tɛɛ.