Luku 23:34 - Bibeli do fee

³⁴ Nɔ Jesu í ni, Baaba, kpa idei dulum du ŋa, domi a kù mà mii iyi à waa ce. Si anyiɛ sooge ŋau à ta kpasa si jĩnɛɛ ŋa a ba a yɛ iyi inɛ fei á ba. Bɛɛbɛi à ceò ikpɛ̃i jĩnɛɛ ŋau.

Luku 23:34 Iomraidhean Croise

Kusintii Andunya 50:17

a sɔ̃ɛ idei nŋu. Í ni nŋu wa tɔɔɛ suuru i kpa idei kurarai awa igbãɛ ŋau do dulum du wa, domi à ceɛ laalɔ. Na nŋu nsɛi, kpa idei kurara nwau, awa iyi à waa tɔɔ Ilaaɔ̃ akã do baaɛ. Iyi Zozɛfu í gbɔ ideu ŋɔi wa kpata.

Iri ku kɔ̃ 22:18

Ǹ gbɛ hee kũkũi aram ŋa fei í fita, nɔ inɛ ŋa à ya kãsim ijui a maa cɔm.

Ezai 53:12

Na ŋɔi í jɔ̀ an dasiɛ si inɔi inɛ nla ŋa. Á ce ikpɛ̃i mii ŋa iyi à ya baaò wa hai si igũi do inɛ ŋa iyi à re do gbugbã ŋa, domi í na araɛ hee í koo í kuò. Í jɔ̀ à dasiɛ si inɔi woo ce laalɔ ŋa, nɔ í faaba ilu dulum nkpɔ nkpɔ.

Matie 11:25

Waati bɛɛbɛ ŋɔi Jesu í ni, Baaba, awɔ iyi ì jɛ Lafɛ̃ɛi lele do ilɛ, ǹ wa n saabuɛ do iyi ì singaa ilu bisi do woo mà ŋa mii ŋau ihɛ̃ nɔ ì nyisi amu ŋa.

Matie 11:26

Í sĩa Baaba, si na iyi í jɔ̀ bɛɛbɛi ì bi.

Matie 5:44

Amma amu, ǹ wa n sɔ̃ ŋɛi, i ya bi mbɛɛ nŋɛ ŋa, nɔ i ya cea inɛ ŋa iyi à waa kpã ŋɛ iju kutɔɔ ŋa.

Maaku 15:24

Ŋɔi à kpakpaɛ si jĩi nɔu. Si anyiɛ sooge ŋau à ta kpasa si jĩnɛɛ ŋa a ba a yɛ iyi inɛ fei á ba. Bɛɛbɛi à ce ikpɛ̃i jĩnɛɛ ŋau.

Luku 22:42

wa ni, Baaba, bii ì bi, aa jɔ̀ wahalau ihɛ̃ ku jĩim. Amma ku maà ti ku jɛ ti idɔɔbim, jɔ̀ idɔɔbiɛ ku ce. [

Laabaau jiida iyi Zãa í kɔ 17:9

Ǹ wa n tɔɔɛ na iri nŋa. Kù jɛ na irii inɛi andunya ŋai ǹ wa n tɔɔɛ, amma na inɛ ŋa iyi ì nam ŋai, domi aŋai à jɛ tɛɛ.

Laabaau jiida iyi Zãa í kɔ 19:11

Ŋɔi Jesu í jɛaa í ni, i kaa nɛ gbugbã kãma sim, bii kù jɛ Ilaaɔ̃i í naɛ wa. Nŋui í jɔ̀ inɛ iyi í dasim si awɔɛ, dulum dɛɛ í re baa tɛɛ.

Woo bɛ ŋa 16:28

Amma Pɔlu í la hee lele í ni, maà cea araɛ laalɔ kãma. Awa fei à wa ihɛ̃.

Woo bɛ ŋa 3:17

Nsɛi kpaasim ŋa, ǹ mà mii iyi ì cea Jesuu ŋa, ì cooi si ngɔgɔ hai mà ŋa, bɛɛbɛi do inɛ ngbo nŋɛ ŋa fei.

Woo bɛ ŋa 7:60

Ŋɔi í cuku í gulɛ wa dɔ̃ anu hee lele wa ni, Lafɛ̃ɛ, maà mu ŋa do dulum nɔu ihɛ̃. Iyi í fɔ bɛɛbɛ í tã nɔ í ku.

Romu 12:14

I ya weea inɛ ŋa iyi à waa kpã ŋɛ iju. I wee nŋa ŋa, i maà ceekpe ŋa.

Kɔrɛnti 1, 2:8

Baa inɛ akãi ilu irii andunya ŋau ihɛ̃ kù mà yaaseɛ, domi bii í jɛ à màai wo a kaa kpakpa Lafɛ̃ɛ si jĩi ku gaau, nŋu iyi í nɛ amboe fei.

Kɔrɛnti 1, 4:12

Nɔ do gbɛɛjii à ya ka maa ceò icɛ iyi aa ka baò mii ku jɛ. Bii à waa bu wa, à ya ka maa wee nŋai. Bii à waa kpã wa iju, à ya ka maa temuai.

Timɔtee 1, 1:13

baa do iyi ǹ ya n maa n fɔ laalɔɛ wo nɔ ǹ ya n maa n kpãa iju nɔ idɔɔkɔ̃m ci ya jĩ. Do nŋu fei, í ce araarem si bɛi n kù mà mii iyi ǹ wa n ce, si na iyi í jɔ̀ n kù dasiɛ naanɛ wo.

Piɛɛ 1, 3:9

I maà ya sãa inɛ laalɔɛ, walakɔ arabu ŋa iyi í buɛ. Í sĩa mɔm i ya jɛaa do kuwee, domi Ilaaɔ̃ í kpe ŋɛi ku ba i ba kuwee ŋa.