Luku 23:33 - Bibeli do fee

³³ Ŋɔi à to inya iyi à ya kpe kokoi iriu. Bɛi à kpakpa Jesu si jĩi ku gaauu. Bɛ mɔi à kpakpa woo ce laalɔ minji ŋau, inɛ akã ikpa awɔ njɛɛ, inɛ akã mɔ ikpa awɔ cangaɛ.

Luku 23:33 Iomraidhean Croise

Iri ku kɔ̃ 22:16

Gbangɔlɔm í gbɛ bɛi amà. Amɛ̀m í mási anu lelem. Ì jɔ̀ ǹ ku ǹ baa bɛi ilùlù.

Zakari 12:10

An jɔ̀ kpasɛ̃i Davidi do inɛi Zeruzalɛmu ŋa a nɛ araare nɔ a ya ce kutɔɔ, nɔ a sinda wa sim a cɔ amu iyi à gũ do jĩnɛi igũ. Aa kpata sim bɛi inɛ iyi ama akã lege legeɛ í ku. Aa kpata do inɔ kufɔ nla nla bɛi inɛ iyi ama yemmaɛ í ku.

Matie 20:19

Si anyiɛ nɔ a dasim si awɔi dimi mmu ŋa, aa yaakom, nɔ a tɛɛm kpɔtɔɔ, nɔ a kpakpam si jĩi ku gaau. Nɔ si ajɔ mɛɛtasia an jĩ má hai si balɛ.

Matie 26:2

ì mà ŋa iyi ajɔ minjii í gbe ka jɛò jingaui Iku ku kua. Nɔ waati bɛɛbɛi aa dasi amu Amai Amanɛ si awɔi inɛ ŋa a kpam si jĩi ku gaau.

Luku 24:7

Í ni kù nɛ bɛi á ce iyi a kù mu nŋu Amai Amanɛ a kù dasi nŋu si awɔi ilu dulum ŋa. Í ni aa kpakpa nŋu si jĩi ku gaau, amma nŋu á jĩ má si ajɔ mɛɛtasia.

Laabaau jiida iyi Zãa í kɔ 18:32

Bɛɛbɛi idei Jesu í ce ku nyisiò dimii iku iyi á ku.

Laabaau jiida iyi Zãa í kɔ 3:14

Si bɛi Moizi í kɔa njo si jĩi í wuu lele si gbaau, bɛɛbɛ mɔi amu Amai Amanɛ kù nɛ bɛi á ce iyi a kù wu aram lele,

Woo bɛ ŋa 13:29

Ŋɔi à ce mii iyi à kɔ na iriɛu fei. Si anyiɛ nɔ à kitaɛ hai si jĩi ku gaauu à dasi ikuɛ si inɔ balɛ.

Woo bɛ ŋa 2:23

Jesuu, Ilaaɔ̃ takaɛi í lasabu hai sinte í jilɔɔ si a daa inɛ ŋa si awɔ. Nɔ iŋɛi ì daa ilu dulum ŋa si awɔ ì jɔ̀ à kpakpaɛ si jĩi ku gaau à kpaa ŋa.

Woo bɛ ŋa 5:30

Aɔ̃ Lafɛ̃ɛi bala nwa ŋai í jĩ Jesuu hai si balɛ, inɛ iyi ì kpakpa si jĩi ì kpaa ŋau.

Galati 3:13

Amma Kirisi í ya wa hai si ikpei wooda si waati iyi í na í jɛ ilu ikpe na iri nwa. Í na í jɛ ilu ikpe si na iyi í jɔ̀ kukɔi idei Ilaaɔ̃ wa fɔ í ni, inɛ iyi à kpakpa si antaii jĩi fei ilu ikpei.

Wooda ku kɔsi 21:23

ikuɛu kù nɛ kpãai ku sũ si antaii jĩi nɔu, ajɔ nŋu bɛ gbakã aa suui, domi inɛ iyi à bagãm do yaase bɛɛbɛ, Aɔ̃ Lafɛ̃ɛ í ceekpeɛi, nɔ kù sĩa i riisi ilɛ iyi Aɔ̃ Lafɛ̃ɛ nŋɛ í mu nŋɛ í jɛ tubu nŋɛu.

Piɛɛ 1, 2:24

Kirisi takaɛ í so dulum du wa si araɛ si jĩi ku gaauu ku ba ka jɛ bɛi iku si wajui dulum, nɔ ka ce kuwɛɛ nwa dee dee. Do saabui kumɛɛɛ ŋai à baò iri.