Luku 23:2 - Bibeli do fee

² Ŋɔi à lɔsi dulum ku máa à ni, à ba inɛɛu ihɛ̃ í wasi ku kɔ inɛ ŋa si bisi bɛi aa ce a jɛ ilɛ nwa igũ nɔ wa ganji a sãa ilaalu nlai Romu fiai lɛmpoo. Si anyii nŋu má í ya maa kpe araɛ ilaalu, nɔ í ni nŋuu inɛ iyi Ilaaɔ̃ í cicaui.

Luku 23:2 Iomraidhean Croise

Ilaalu 1, 18:17

Iyi Akabu í hɔ̃nnɛ Elii gbakã ŋɔi í beeɛ í ni, kù jɛ awɔi i waa naaò laalɔ wa si ilɛi Izirɛli?

Iri ku kɔ̃ 35:11

Woo jɛ sɛɛda ibo ŋa à waa beem ide si mii iyi n kù mà.

Iri ku kɔ̃ 62:4

Hee waati yoomai aa kɔ̀ i tɔtɔɔ i maa cã inɛ gɔ i ba i kpaa ŋa, bɛi bindi iyi à tale í wɔɔba do bɛi danga iyi wa cuku.

Zeremi 20:10

Ntɔ ntɔ ǹ ya n maa n gbɔ ide sãmi ŋai hai bi inɛ nkpɔ nkpɔ si gãmɛm, nɔ zigiida í ya maa naai hai bii fei. Inɛ gɔ ŋa à waa ni, ka kooò ideɛ bi inɛ ngbo ŋa. Inɛi kɔkɔm ŋa à ya maa ce laakaim nii a maa cɔ mà an ce kurara gɔ. À ya maa cɔ kpãai aŋa a mum nii si kurara gɔ. Na ŋɔi í jɔ̀ à ya maa ni, aa ka muui nɔ ka sã gbese.

Zeremi 38:4

Iyi akawe ŋau à gbɔ bɛi wa fɔ, ŋɔi à sɔ̃ ilaalu Sedesiasi à ni, mɔkɔu ihɛ̃ í gbe a kpaa, domi ide ŋa iyi wa fɔu ihɛ̃ á fɔ inɔi sooge ŋa do inɛ ŋa iyi à gbe si inɔ iluui. Inɛɛu ihɛ̃ kù waa dɛdɛa zamaai iluu mii jiida, í gbe nfe ku cei zamaau.

Amɔsu 7:10

Ŋɔi Amasia woo weei Betɛliu í ni a koo a sɔ̃ Zeroboamu ilaalui Izirɛliu a ni, Amɔsu wa ce bɛi á ce ku kɛkɛ bommaɛ domi ide ŋa iyi wa fɔu, inɛi Izirɛli ŋau a kaa yɔkɔ a so asoɛ.

Zakari 11:8

Si cukpa akã ǹ lele woo degbe mɛɛta ŋau fei. Nɔ amu takam ǹ wa n degbe angudã ŋau, amma kuce nŋa í jɔ̀ ǹ mɔngɔ temua. Nɔ aŋa taka nŋa à cém.

Matie 17:27

Amma do nŋu fei, kù sĩa ka jɛ nŋa bi ku koosɛ. Na nŋu, bɔ tenku bɛ i koo i le kootia, cɛ̃ɛ iyi í tako í muu, la gɛlɛɛ. Aa yɛ kpɛkɛlɛ bɛ iyi á to fia ku sãi awaɛ fei. Nyaa i koo i sã nŋa.

Matie 22:21

Nɔ à ni, ti Sezaai. Ŋɔi Jesu í sɔ̃ ŋa í ni, to, debɛi i sãa Sezaa iyi í jɛ tɛɛ ŋa, nɔ i sãa Ilaaɔ̃ mɔ iyi í jɛ tɛɛ ŋa.

Matie 27:11

Ŋɔi à koo à leekĩ Jesu si wajui Pilati ilu ilɛu, nɔ í beeɛ í ni, awɔi ì jɛ ilaalui Zuifu ŋa? Nɔ Jesu í jɛaa í ni, awɔi ì fɔɔ.

Maaku 12:17

Ŋɔi Jesu í sɔ̃ ŋa í ni, to, i sãa Sezaa iyi í jɛ tɛɛ ŋa. Nɔ i sãa Ilaaɔ̃ mɔ iyi í jɛ tɛɛ ŋa. Ŋɔi inɛ ŋa à biti ntɔ ntɔ do yaase bɛi í fɔò ide.

Maaku 15:2

Ŋɔi Pilati í beeɛ í ni, awɔi ì jɛ ilaalui Zuifu ŋa? Nɔ Jesu í jɛaa í ni, awɔi ì fɔɔ.

Luku 23:14

Nɔ í sɔ̃ ŋa í ni, ì naam mɔkɔu ihɛ̃ wa ŋa, ì ni wa kɔ inɛ ŋa si bisi bɛi aa ce a jɛò ilɛ nwa igũ. Nɔ wee ǹ beeɛ ideu si waju nŋɛ ihɛ̃, amma n kù yɛ si mɔkɔu ide kãma iyi ì waa yɛò taaleɛ ŋa.

Luku 23:5

Amma à la do gbugbã à waa ni, í ya maa kosi inɛ ŋa ijai do cioɛ iyi í ya maa ce nŋa. Hai ilɛi Galileei í sintiɛ nɔ í bɔ si ilɛi Zudee fei í bɛi í to wa ihɛ̃ má nsɛi.

Laabaau jiida iyi Zãa í kɔ 18:29

Ŋɔi í jɔ̀ Pilati ilu ilɛu í fita wa í naa í ba ŋa í bee ŋa í ni, taale yoomai ì yɛ si mɔkɔu ŋa.

Laabaau jiida iyi Zãa í kɔ 18:30

Ŋɔi à ni, bii kù ce laalɔ, a kaa ka daɛ si awɔ.

Laabaau jiida iyi Zãa í kɔ 19:12

Iyi Pilati í gbɔ bɛɛbɛ, ŋɔi wa ce kookaai ku ba ku jɔ̀ɔ. Amma Zuifu ŋau à dɔ̃ anu à waa ni, bii ì jɔ̀ mɔkɔu bɛ, i kù jɛ kpaasii ilaalu nlai Romu má. Inɛ iyi í ce araɛ ilaalu fei mbɛɛi ilaalu nlai Romuui í baa í jɛ.

Woo bɛ ŋa 24:13

Ide iyi à waa mám nɔu bɛ nsɛi, nkãma kù wɛɛ iyi wa nyisi iyi ntɔi.

Woo bɛ ŋa 24:5

À yɛ iyi mɔkɔu ihɛ̃ ilu naanaui, nɔ í nɛ kòsi si aninii Zuifu ŋa si andunyau ihɛ̃ fei. Nŋui í jɛ inɛ ngboi kpãai Aɔ̃ ku tɔɔ gɔ iyi à ya kpe ti inɛi Nazarɛti ŋa.

Romu 13:7

I sãa inɛ fei iyi ì nɛ i sã ŋa. Inɛ ŋa iyi ì nɛ i sãa lɛmpoo i sã nŋa ŋa. Inɛ iyi ì nɛ i sãa fiai duani i sãa lafɛ̃ɛ. Inɛ iyi ì nɛ i jirima fei i jirima lafɛ̃ɛ ŋa. Inɛ iyi ì nɛ i mà bɛɛrɛɛ, i màa ŋa.