Luku 23:14 - Bibeli do fee

¹⁴ Nɔ í sɔ̃ ŋa í ni, ì naam mɔkɔu ihɛ̃ wa ŋa, ì ni wa kɔ inɛ ŋa si bisi bɛi aa ce a jɛò ilɛ nwa igũ. Nɔ wee ǹ beeɛ ideu si waju nŋɛ ihɛ̃, amma n kù yɛ si mɔkɔu ide kãma iyi ì waa yɛò taaleɛ ŋa.

Luku 23:14 Iomraidhean Croise

Daniɛli 6:4

Daniɛli takaɛ í re inɛ ngbo minji iyi ihɔ̃ ŋau do akawei kukpɛ̃i ilɛ ŋau, domi hunde iyi í wa siɛu í nya ikã, nɔ ilaaluu wa lasabu nŋu ku na ku jilɔɔ ku jɛ inɛ ngbo si ilɛu fei.

Matie 27:19

Waati iyi Pilati wa buba bi ku ce kiitiu, ŋɔi aboɛ í bɛ siɛ inɛ gɔ wa í ni, maà dasi idei inɛ dee deeu bɛ baa, domi idũ, iyi ǹ wa n sũ, ǹ yɛ wahala jiida jiida si ala na iriɛ.

Matie 27:24

Iyi Pilati í yɛ mii iyi nŋu wa ce fei ngbɛi, nɔ wakatau wa kɔ̃ɔsi mɔm nii, ŋɔi í bu inyi í wɔɔ si wajui zamaau í nyisi iyi baai nŋu kù wa si ideu, í ni, njɛi mɔkɔ dee deeu ihɛ̃ kunikãɛ kù yɛm, í jɛ idei iri nŋɛ.

Matie 27:4

Í sɔ̃ ŋa í ni, ǹ ce dulum si bɛi ǹ zamba inɛ dee deeu ihɛ̃ a kpaa. Amma à jɛaa à ni, yoomai í yɛ wa. Í jɛ idei iriɛ.

Matie 27:54

Ŋɔi inɛ ngboi sooge ŋa do inɛ ŋa iyi à wa bi tɛɛ à waa degbe Jesuu à yɛ kuyayai ilɛu do mii ŋa iyi í ce fei. Ŋɔi njo nla nla í mu ŋa à waa ni, ntɔ ntɔ, inɛɛu ihɛ̃ Amai Ilaaɔ̃i.

Woo bɛ ŋa 13:28

A kù yɛ siɛ ngɔgɔ iyi á jɔ̀ a kpaa, amma do nŋu fei à tɔɔ Pilati ku jɔ̀ a kpaa.

Woo bɛ ŋa 17:11

Inɛ ŋa iyi à wa bɛ ŋau à lasabu si ideu do laakai í re Zuifu ŋa iyi à wa Tɛsalonika. À gba idei Ilaaɔ̃ do inɔ didɔ̃. Ajɔ fei à ya maa cio kukɔui ku ba a mà bii í jɛ mii iyi Pɔlu í ya maa sɔ̃ ŋau ntɔi.

Ebɛɛ 7:26

Na nŋu, Jesu í jɛ woo wee nla iyi à nɛ bukaataɛ. Kuwɛɛi nŋu do ti ilu dulum ŋa kù jɛ dimi akã. Í má, kù ce dulum ajɔ kãma nɔ riisi kãma kù wa siɛ. À soo í nɛ hee lelei Ilaaɔ̃.